Nihimaya 8:14 - DAWAN BÎLA AISKA

¹⁴ Witin nani aisi kaikan, bara sakan Dawan mita Moses ra dîa daukaia win lâka ba bahara ulban kan, Israel luhpia nani ra wibia kati 7 aimaki ba piua ra baha liliaka dauki bara Israel luhpia nani ba utla papakni nani ra dimi kaia sa.

Nihimaya 8:14 ပူးပေါင်းရင်းမြစ်များ

Blasi Sturka 33:17

Bara Jekob sin Sucot yabalka ra tawi wan. Witin Sucot ra ai watla kum mâkan, ai daiwra nani watla sin dus tnawa nani ni mâkan. Baha mita baha tasbaya nina ba Sucot mâkan.

Esdras 3:4

Baku sin Utla Papakni liliaka ba daukan, lâ ra ulbanka ba kat, yua bani sakripais dauki kan ai natka ba kat, daiwan iki aiska angki yabi kan, yu kum ra nahki yabaia kan ba kat,

Nihimaya 8:13

Baha yua ba luan ningkara taika bani wihtka nani ba, prîs nani bara Libait nani sin asla taki smasmalkra Esdras ra balan, aikuki lâ wauhkataya tânka ba pliki kaikaia.

Libait Lâka 23:34

“Israel luhpia nani ra naha wis: Kli baha katka ra, yua 15 ba wina yu 7 ra lilia tara daukan kabia Utla Papakni liliaka, Dawan ra kulkanka yabaia dukiara.

Jan 7:2

Utla Papakni liliaka piua ba pat baila kan, bara baha ba lika Ju nani mapa ra lilia piua tara kum kata.