Nihimaya 7:5 - DAWAN BÎLA AISKA

⁵ Gâd bui yang kupi ra mangkan, tawan uplika nani ba, wihta nani bara tawan uplika nani ba sut asla daukaia, bara upla nani bani kiamka kat nina nani wauhtaya ba ra laki kaikaia. Bara baha wauhkataya ra kiamka nani tâura balan nina nani ba kaikri, bara bahara naku ulban kan:

Nihimaya 7:5 ပူးပေါင်းရင်းမြစ်များ

Esdras 2:62

Naha nani ai nina nani wauhkataya ra ulban sapa pliki kaikan kiamka nani wauhkataya ra, sakuna ai nina nani ba sakras kan bamna, prîs nani tila wina tnaya ra lakan.

Esdras 7:27

Bamna Esdras naku ai pura sunan: “Dawan ba yamni pali kabia, wan aisika nani Gâdka ba, witin mita king kupia ra mangkan, Dawan watla Jerusalem ra ba pain kulkaia.

Nihimaya 5:19

¡Yang ra yamni luki bas, yang Gâdki, baku sin diara sut pali naha tawanka na hilpka daukri ba!

Nihimaya 6:14

¡Yang Gâdki: kupiam ra bri bas, Tobías bara Sambalat wal diara daukan ba! ¡Noadías baha prapitka mairin daukan ba sin âmya tikpara, bara prapit wala nani ba sin yang ra sirang ai ikaia daukan ba!

Nihimaya 7:4

Kan tawan ba bîla tara kan, sakuna upla lika wiria pali bilara kan, utla nani ba kau kli mâkras kan ba mita.

Nihimaya 7:64

Naha nani sika wauhtaya ra nina ulban sapa plikan sakuna sip sakras kan, ba mita prîs nani tila wina kangbi sakan.

Sins Lâka 2:6

Kan Dawan sika sins lâka wankisa; witin aisi ba wina sika sins lâka bara diara tânka kaikaia lâka ba bal takisa.

Sins Lâka 3:6

Diara daukisma nani sut ra, Dawan ba tâmra bri bas, bara witin mai brih wabia yabal wapni bâk.

1 Korint 15:10

Sakuna yang dîa sna ba lika, Gâd bui yang wal ai kupia pihni brin ba mita; bara yang wal ai kupia yamni lâka brin ba bahki ra tawras sa. Sakuna, yang sika apastil nani sut purkara kau wark takri ba; baha ba yang pali lika apia, sakuna Gâd sika ai kupia yamni lâka ni yang wal ba.

2 Korint 3:5

Yang nani karniki ni diara daukaia sip sna ba mita lika apia sika; sakuna, Gâd ba mita sika yang nani diara sut daukaia sip sna ba.

2 Korint 8:16

Bamna Gâd ra tingki wisna, yang kupi ra dîa man nani dukiamra luki kapri ba, baha sim lukanka witin Taitus kupia ra sin mangkan.

Kolosi 1:29

Naha dukiara yang wark takisna, bara Kraist mita karnika aikan ba ni, aiska pali karna trai kaikisni.

Jems 1:16

Muihki laitwankira nani, upla yarka kunin mai munbiara;