Nihimaya 6:14 - DAWAN BÎLA AISKA

¹⁴ ¡Yang Gâdki: kupiam ra bri bas, Tobías bara Sambalat wal diara daukan ba! ¡Noadías baha prapitka mairin daukan ba sin âmya tikpara, bara prapit wala nani ba sin yang ra sirang ai ikaia daukan ba!

Nihimaya 6:14 ပူးပေါင်းရင်းမြစ်များ

Nihimaya 13:29

¡Yang Gâdki: man kupiam krauki bas baha nani prîs lâka tâski daukan ba, prîs kaia lâka ba bara Libait lâka sin!

Nihimaya 5:19

¡Yang ra yamni luki bas, yang Gâdki, baku sin diara sut pali naha tawanka na hilpka daukri ba!

Lawana Nani 137:7

Dawan, Edom uplika nani ra luki bas, Jerusalem kauhan bara witin nani wisata: “¡Slingbi tiks, slingbi tiks, baha playka bapan nani ba sut!”

Lawana Nani 22:1

Yang Gâdki, ¿dîa kan ai lulki ai swiram ki? ¿Man dîa muni swaki ai sakaia balras sma? ¿Dîa muni man, yang inanki nani ba walras sma?

Lawana Nani 63:1

¡Gâdki, man ba yang Dawanki sma! Yang lika man ra brin ai dauki kira mai plikisna, kan diran ai dauki ba mita yang rayaki aiska ba, man dukiam takan ai daukisa. Sim tasba lâwan, lî âpu, rayaka; sin âpu ba baku sna.

Impakan Sturka 15:20

Bamna Gâd prapitka mairin Meri, Eran lakrika ba, bin dauki aiwanaia singbaika ba brin, bara mairin nani sin sut witin ai nina blikan dans puli singbaika singbi kan.

Jirimaya 14:15

Bamna yang Dawan sna ba, aisisna baha prapitka nani yang mita blikras, witin nani ban nini brih kunin aisi ba, naha kuntrika ra war âpu kabia, sanglang sin apia aisi ba: dahra aisasarika nani ba war ra bara sanglang mita sin prui banhbia.

Jirimaya 14:18

Yabal ra taki auna ba ra, war ra upla pruan ba kaikisna; tawan ra bal dimuna ba ra, upla nani sanglang mita pruan nani ba kaikisna. Prapit nani bara prîs nani ba sin kaikisna witin nani kakaira apia ba kuntrika ra auya.’ ”

Jirimaya 28:1

Sedequías Juda ra pat mani walhwal king aimaki kan bara baha manka kat matsip, prapit Hananías, Azur luhpia waitna ba, Gabaón tawanka wina, tempel ra wan Jirimaya wal aisaia, prîs nani upla wala nani sut sin bâra wali kan, bara witin Jirimaya ra win:

Jirimaya 28:10

Baku aisin bara Hananías mita Jirimaya nana wina bîp lal ra wilkaika dusa bri kata ba dakban bara kriki yuya sirpi daukan,

Jirimaya 28:15

Bara Jirimaya bui Hananías ra win: —¡Hananías, wals! Dawan bui man ra mai blikras kan, man bui naha uplika nani ra kunin ra kasak lukaia baman smalkisma.

Matiu 24:11

Kuninkira ailal bubia, bara wibia witin nani ba Gâd prapitka sa, bara upla ailal ra kunin munbia.

Matiu 24:24

Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia.

Matiu 7:15

“Aman kaiks, witinka nani Gâd prapitka wisi kuninkira nani ba. Witin nani sîp baku man nani ra aula, sakuna ai kupia bîla lika yul wail nani baku sa.

2 Timoti 3:8

Bara Janes, Jambrés wal, witinka nani sukia nani kan ba, Moses mapara buan ba baku, baha uplika nani sin kasak tânka mapara bûi banhwisa. Baha uplika nani sinska ba aihka saura takan sa, bara kasak lukan lâka mapa ra witin nani pain aihwa apia sa.

1 Jan 5:16

Upla kum kaikisa kaka, ai muihni kum pruaia apia saurka kum daukisa, witin ai pura sunaia sa, bara Gâd mita raya kaia lâka ba yabia, baha ba pruaia apia saurka sa kaka. Saurka bâra sa pruaia dukia, bamna yang wiras bahmuna saurka dukiara puram sunaia.

Param Marikanka 19:20

Bara daiwan saura ba alkan kan, bara witin ba wal prapit kuninkira ai mawanra sain aihka nani daukan kan ba sin. Baha sainka nani bâk, prapit kuninkira ba baha nani dragun markka bri nani kan ba ra kunin munan kan, bara dragun lilka ra ai pura suni mayuni kan ba ra sin. Daiwan saura bara prapit kuninkira ba wâlsut raya pali pauta lakunka sulpa wal ami kan kat lulkan.