Nihimaya 6:1 - DAWAN BÎLA AISKA

¹ Baha yua ra wan waihla nani Sambalat, Tobías, Guesem Arabia uplika ba, bara wan waihla wala nani sin walan tawan kutbanka nani ba yang nani pat paski tnata danh taki sut lalaubi praki banhri ba (ban sakuna kau durka nani ba baman ai pliska ra mangkras kata),

Nihimaya 6:1 ပူးပေါင်းရင်းမြစ်များ

Nihimaya 13:4

Bara naha nani kainara Eliasib prîs tara ba, Gâd tempelka ra diara nani bâra ba wihtka aimaki kan. Tobías wal sin ai taya kan bamna,

Nihimaya 2:10

Sakuna Sambalat, Horón tawanka wina ba, Tobías, Amón tasbaya wina wihtka ba walan upla kum Israel luhpia nani ra hilpka daukaia luki ba balan, bara witin nani kasak lawan.

Nihimaya 2:19

Sakuna Sambalat, Horón wina, Tobías tasbaya wihtka ba, Amón, bara Guesem Arabia wina ba witin nani baha sturka walan ba ra, yang nani dukira saura luki laiwaska kiki banhwan, bara naku ai win: —¿Man nani dîa daukaia lukisma? ¿Ban kra king mapara bûi banhwaia lukisma ki?

Nihimaya 3:1

Bamna prîs tara Eliasib buan bara prîs ai tahkia aikuki Sîp nani dimaia getka ba kli paskan. Playka tara nani ba bapi getka nani ba paman, bara kutbanka ba kli Handat tawerka nani ba wina paski wan ban Hananel tawerka ba kat.

Nihimaya 3:3

Senaá kiamka nani ba bal, Inska nani getka ba paski banhwan. Playka nani ba bapan bara durka nani paman, praki swiaia dusa nani sin paskan.

Nihimaya 3:6

Joiadá, Paséah luhpia waitna, bara Mesulam, Besodías luhpia waitna wal, Jesaná getka kutbanka ba paskan. Playa bapan durka nani sin paski paman, prakaika dusa nani sin paskan.

Nihimaya 4:1

Sambalat walan yang nani tawan kutbanka ba walpa ni kli kutbi banhwisna, bara kasak ai kupia sauhki lawan, mahka Ju nani lawaska kikaia sturi aisin;

Nihimaya 7:1

Tawan kutbanka ba paskan, getka nani ba sin paman, dur ra aihwawakra nani swiri, aiwawanra nani bara Libait nani sin.

Daniel 9:25

Naha na kasak pali tânka brin kaia sa: Baha adar maikbia ba wina, kli tawi aidrubi balbia bara Jerusalem ba kli paskan kabia, baha wan wihtka tara ba balbia ba kat, wik nani matlalkahbi luan kaia sa, bara yabal nani Jerusalem tawan kutbanka nani ba kli raya paskan kabia, sakuna 62 wik lubia ra, sari lâka tara piua nani kabia.