Nihimaya 5:18 - DAWAN BÎLA AISKA

¹⁸ Yu bani yang waitla ra bîp wainhka kum bara sîp nani kau pain ba matlalkahbi iki piaia pata dauki kan, daiwan tnawira nani sin; bara yu matawalsip bani wain ba ban pura lui kan. Sakuna baha sut ba tilara, yang aima kumi sin wihta tara baku baha wina piaia hilpka aiki kan ba makabras katna, kan upla nani purara wirhka taibi ba uba tara kan.

Nihimaya 5:18 ပူးပေါင်းရင်းမြစ်များ

1 King Nani 5:3

“Man kaikisma yang papiki Debit mita Dawan ai Gâdka ra sip tempel kum mâki yaras kan, war nani ai tnaya kir aiklabi kan bamna, Dawan bui ai waihla nani yan ai mina mununhtara taiban ba piua kat.

Lawana Nani 37:21

Upla watawi ba, diara makabi brisa; kli yabaia wisi, sakuna kli yabras; upla kasakkira ba lukanka swapni sa, kunin aisaras diara yuisa.

Lawana Nani 37:26

Piua bani witin bui upla wala ra diara yabisa pana mana, ai kupia swapni sa, ai luhpia nani ba, yamnika nani sa.

2 Tesalonaika 3:8

Yang nani upla kumi pata sin aibapras piras kapri. Kuna, kakna bara tihmia wark taki banhri, trabil sin takatna, man nani tilam kat karban wirha kumi sin maikaia apia dukiara.