Nihimaya 4:7 - DAWAN BÎLA AISKA

⁷ Sakuna Sambalat, Tobías, Arabia uplika nani, Amón uplika nani bara Asdod uplika nani walan Jerusalem tawan kutbanka ba pat sut mâkan, mahka unta nani ba lalaubisa, bara witin nani ba ai kupia sauhki kasak pali lawan.

Nihimaya 4:7 ပူးပေါင်းရင်းမြစ်များ

Blasi Sturka 3:15

Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

2 King Nani 24:2

Sakuna Dawan mita Joaquim mapara âimplikra nani Caldea, Siria, Moab bara Amón wina blikan. Baha nani ba Juda mapara blikan sauhki tikbia dukiara, dîa Dawan mita ai prapitka nani bâk aisan kan ba kat.

2 Kronikas 20:1

Piu kum luan ningkara, Moab bara Amón uplika nani ba meunita nani kira asla taki, Josafat mapara bal aiklaban.

Nihimaya 2:10

Sakuna Sambalat, Horón tawanka wina ba, Tobías, Amón tasbaya wina wihtka ba walan upla kum Israel luhpia nani ra hilpka daukaia luki ba balan, bara witin nani kasak lawan.

Nihimaya 2:19

Sakuna Sambalat, Horón wina, Tobías tasbaya wihtka ba, Amón, bara Guesem Arabia wina ba witin nani baha sturka walan ba ra, yang nani dukira saura luki laiwaska kiki banhwan, bara naku ai win: —¿Man nani dîa daukaia lukisma? ¿Ban kra king mapara bûi banhwaia lukisma ki?

Nihimaya 4:1

Sambalat walan yang nani tawan kutbanka ba walpa ni kli kutbi banhwisna, bara kasak ai kupia sauhki lawan, mahka Ju nani lawaska kikaia sturi aisin;

Nihimaya 4:6

Bamna yang nani tawan kutbanka ba pat bakriki paski banhri kan, upla nani ba kasak wilinkira warkka ba dauki banhwi ba mita.

Nihimaya 4:8

Bamna witin nani mahka asla taki aisi kaikan nahki bal Jerusalem ba mapara aiklabi sauhki tikaia.

Nihimaya 6:16

Wan waihla nani ba baha walan ba ra, nisan wala nani wan lamara iwi kan nani ba sin tâ iwan yang nani dukira, prautka lâka ba sin mâyara iwan, kan ai dahra walan naha warkka na daukaia, yang nani Gâdki tâi baiki kan ba.

Jirimaya 25:20

bara upla wala nani masraka sât sât nani bâra ba nani ra sin; Us tasbaya kingka nani sut ra, filisteo nani tasbaya aiska ra: Ascalón, Gaza, Ecrón, Asdod ra takaski nani ba sin;

Jirimaya 41:10

Baha purkara king luhpia mairin nani upla wala nani sin Mispá ra bâra kan ba baha nani sin Ismael mita silak ra mangkan, baha uplika nani ba sika kamandanti Nebuzaradán aihwawakra wihtka ba mita Guedalías lâka munhtara swin kan ba. Ismael mita silak ra mangki bara yabal ra brih wan ai kupia ra lukan baha nani ba Amón tasbaya ra brih waia.

Emus 1:13

Dawan naku aisisa: “Amón uplika nani saura ailal pali daukan; bamna yang bui witin ba sip klala yabras swimna apia, kan witin nani ai tasbaya piarkika ba kau kanra kitbi brih waia dukiara Galaad tawanka ra mairin kwihra nani bâra kan ba biara klaki baikan.

Emus 1:8

Asdod tawanka ra king aimaki ba, yang bui sauhki tikamna, baku sin Ascalón wihtka tawanka ba sauhkamna. Bara Ecrón uplika nani mapara sin karniki aiska wal dimi wamna, tila nani bâra ba sut pruan kabia.” Dawan baku aisisa.

Emus 3:9

Asdod bara Idsip tasbaya nani ra, lâ watla tara nani bâra ba bilara upla nani ba ra, naha bîla dahra na aisas, witin nani walbia: “Man nani Sameria ilka nani ra uli bal kaiks, nahki bahara lâ kat apia, warha baman iwi ba kaiks, bara unsaban lâka nani bahara uba pali dauki ba, baha mita upla nani pât wahwi ba.”

Apastil Nani Sturka 5:33

Aidrubanka uplika nani sut naha walan ba ra, ai kupia baikan bara ban sin apastil nani ra ikaia lukan.

Param Marikanka 12:17

Baku bamna, dragun ba mairka mapara uya ai kupia baikan, bara mairka kiamka nani kau bâra nani kan ba mapara aiklabaia wan, baha nani Gâd lâka bîla nani alki ba, bara Jisas Kraist sturka yamni kat kasak nani ba.

1 Samuil 11:2

Nahas Amón wina ba, pana witin nani ra win: —Man nani wal lâ daukamni, sakuna naha natka ra lika, yawan aikuki lâ daukamni bara man nani sut âu wima kaka. Man nani kumi bani namkra aihkika ba daikamna, bara swira lâka Israel purara brih balbia.