Nihimaya 4:17 - DAWAN BÎLA AISKA

¹⁷ uplika tawan kutbanka mâki nani ba. Bara uplika nani kutbanka paski kan ba, walpa auhbi karbi nani kan ba bara ai pahpaya ra twilki nani kan ba sut, ai mihta kumi ni warkka ba dauki kan, sakuna ai mihta wala ba lika aiklabaia dukia nani ba bri kata,

Nihimaya 4:17 ပူးပေါင်းရင်းမြစ်များ

Nihimaya 4:13

Ba mita yang wîri ani pîska mâyara kan ba ra, kutbanka wala ra, bara ani tani ra param kan ba ra sin, upla nani ba kiamka bani wina bara aihwakaia mangkri, ai sordka nani bri, ai langsika nani bri bara ai trisbaya nani ba sin brih aihwakaia.

Nihimaya 4:16

Baha piua ba wina upliki nani dakni kum wark dauki kan, bara dakni wala nani ba lika ai mihta ra langsa nani brih, ai kaina kahbaia dukia nani, pantamangka nani, ai lama prakaia dukia nani sin bri kan. Bara wihta nani sut ba tâ baiki kan Juda uplika nani ra,

Nihimaya 4:18

upla sut baha paskaia wark taki banhwi kan ba, ai maisa ra sord bri kan, bara trumpit puhbaia uplika ba lika yang tnaiya ra bâra kata,

Lawana Nani 149:6

Witin nani bui Gâd ra mayunra ba ai bîla ra ban kabia; ai mihta ra sin sord napa malira wâl bri kabia;

Yamni Kulki Lawana 3:8

Witin nani sut ba, sord wal aiklabaia lan sa, bara sin war aiklaklabra nani pali sa; kumi bani ba ai sordka ai maisa ra wilki brisa, tihmia ra trabil kum kra takbia kaka pat ridi kaia dukiara.

Daniel 9:25

Naha na kasak pali tânka brin kaia sa: Baha adar maikbia ba wina, kli tawi aidrubi balbia bara Jerusalem ba kli paskan kabia, baha wan wihtka tara ba balbia ba kat, wik nani matlalkahbi luan kaia sa, bara yabal nani Jerusalem tawan kutbanka nani ba kli raya paskan kabia, sakuna 62 wik lubia ra, sari lâka tara piua nani kabia.

Joel 2:8

Pana pana ai walka mina ra sin taibi platukbras; kumi bani ai yabalka bîla kat auya, trisba kauhi ba mapara, insauhkras, turwi aihka sin takras dimi wisa.

1 Korint 16:13

Man nani aihwaki bas, bara kasak lukan lâka ra bapi bûi banhwi bas. Waitna bas. Karnakira nani bas.

1 Korint 16:9

Bahara yang maipa ra sans tara pain kum bâra sa, Dawan warkka pain pali daukaia dukiara, bara upla ailal baha mapara banhwi ba bâra sa.

1 Korint 9:12

¿Upla wala nani mita man nani puramra naku aimakaia sip sa kaka, yang nani kau lâ brisna apia? Baha raitka yang nani brisna ba, baku daukras. Sakuna, naha sut ban twilki banhwisna, Kraist sturka yamni aisi smalkanka ba yabalka prakaia apia dukiara.

2 Korint 6:7

diara kasak pali dukiara smalkanka yabi banhwisna ba bui bara Gâd karnika ba mita sin. Aiklabaia dukia wapni pali ba yus muni banhwisna, wan dukiara aiklabi pura luaia ba dukiara bara wan mapara aiklabaia aula ba mapara sin.

Pilipai 1:28

Waihlam nani sîa yapara. Naha na witin nani tanis tiwaia sainka latan pali sa, sakuna ban sin man nani swaki mai sakan ba marikisa; bara naha na Gâd wina aula.

2 Timoti 2:3

Bamna man lika, pât nani wahwi bas, Jisas Kraist suldiarka pain kum baku.

2 Timoti 4:7

Aiklabanka pain ba yang aiklabri, yabal ba aiska tnata kat plapri, kasak lukan lâka ba ban alki bri kapri.