Nihimaya 4:14 - DAWAN BÎLA AISKA

¹⁴ Sakuna yang kaikri upla nani ba sibrin dauki kan, bara yang mita wihtka nani ra, wark tâ bri nani ra bara tawan uplika nani ra sin naku wîri: “Man nani lika witin nani mawan ra sîa bripara, kupiam krauks Dawan tânka ba, nahki tara sibrinkira ba, bamna man nani luhpiam waitna nani, luhpiam mairin nani, mairin nani bara wamtla uplika nani tâwan pât taki banhwi bas.”

Nihimaya 4:14 ပူးပေါင်းရင်းမြစ်များ

2 Samuil 10:12

Kupiam lukra bri bas, wan kupia karna aiklabaia, wan nisanka nani ra luki, wan Gâdka tawanka nani ba ra sin lukaia. ¡Bara Dawan bui kau yamni kaiki ba kat wan daukbia!”

2 Kronikas 32:7

“¡Man nani karna bara kupiam sin karna bri bas! Man nani si bripara, lukankam swapni takbiara Asiria kingka mawanra bara suldiarka nani ailal pali ai yula kahbi ba mawanra, kan yawan kau upla ailal sa bamna.

Nihimaya 1:5

Bara witin ra wîri: “Dawan, man laih pura Gâdka, Gâd tara sibrinkira sma, lâ daukisma ba dutki alki brisma, dîa aisi daukram ba kat kulkisma, baha nani man lâmka bîla kulki latwan mai kaiki nani sut ra.

Job 37:22

Gul lipanka ba lika yahbra tani wina takisa, Gâd mita king tara sibrinka ni kutban piua ra.

Lawana Nani 143:5

Piua nani luan ba ra kupi kraukisni, bara lukisni man diara sut daukram ba dukiara.

Lawana Nani 20:7

Tila lika war truk nani bri ba ra lukisa, tila lika aras nani ba ai karnika kulkisa; sakuna yang nani lika, Dawan Gâdki ba tâiura mangki brisni.

Lawana Nani 27:1

Dawan ba, yang ingniki, bara yang swaki ai sakisa ¿ya sîa ai daukbia ki? Dawan bui yang rayaki kaina kahbisa; ¿yaura sîa ai daukbia?

Lawana Nani 46:11

¡Dawan karnika sut bri ba yawan nani wal sa! ¡Jekob Dawanka, yawan yukuwaika sa!

Lawana Nani 65:5

Gâd bara wan sasakra, man sika yang nani ra pana aisisma ba, diara kasak aihkakira daukisma ba wal; naha tasba aiska ba man ra kasak lukisa, baku sin kabu lamara iwi nani ba sut.

Lawana Nani 66:3

Man nani bui Gâd ra wis: “¡Man warkkam nani ba aihkakira sa! Man karnikam tara ba mita man waihlam nani ba sirang iwi mamwanra kauhi banhwisa.

Lawana Nani 66:5

Man nani bal kaiks Dawan warkka na, diara aihkakira nani upla dukiara daukan na.

Impakan Sturka 14:14

Man nani sâp taki kaiki bas, Dawan mita man nani tâmwan aiklabaisa bamna.

Impakan Sturka 14:25

Waginka wilwaika nani ba sin drapapa ra kakahwi kan, baha mita witin nani sip ai kanra waras kan. Bara Idsip uplika nani ba win: —Kaisa yawan Israel luhpia nani mawan wina plapaia, Dawan ba witin nani tâwan yawan wan mapara aiklabisa bamna.

Smasmalkra 12:1

Man kau wahma bara tiara sma ba yua nani ra, Papaskrikam ra kupiam krauki bas, kau piua saura mai alkras ba ra; mankam nani balbia bara wima: “Baha wal liliaka kumi sin briras kapri.”

Daniel 11:32

King ba yabal plikbia wal aisi lâ daukan lâka krakrikra nani ba maisa kapi kupia alkbia, sakuna Gâd ra kaiki uplika nani ba ban bapi bûi kabia, bara baha lâka ba mapara sin bubia.

Sakaraya 14:3

Baha ningkara, Dawan nisan nani ba mapara aiklabaia wabia, witin aiklabaia yua aiklabi ba baku.

Kulki Kaikanka 14:9

Sakuna man nani lika Dawan mapara bûi banhpara, baha tasbaya uplika nani ra sin sibrin lukpara, kan baha uplika ba yawan mapara brit baku pibia, witin nani ra hilp yabaia uplika âpu sa bamna, sakuna yawan lika Dawan wan tâ baikisa. ¡Man nani si bripara!

Matiu 10:28

Man nani ra mai ikaia sip nani ba ra sibrin lukpara, witin nani karnika âpu sa rayakam ban kaia ra man nani ra mai ikaia bara hil pauta ra mai sauhkaia ban kaia ra, bahara sibrin luks.

Kli Smalkanka 1:21

Dawan, man nani Gâdkam, naha tasbaya maikisa. Bara naha wina kainamra tasbaya ba, Dawan, man nani Gâdkam damikam nani ra win ba baku, man nani brih iwma. Bamna man nani si bripara dring sin prui banhpara.

Kli Smalkanka 10:17

kan Dawan man nani Gâdkam ba, Gâd nani gâdka sa, bara Dawan nani dawanka sa. Witin lika Gâd kum ai karnika ba silp brisa, karnakira, sibrinkira pali sa, upla mawanka kulkras, prisant mana sin sip atki briras;

Hibru Nani 13:6

Baku bamna, yawan sip sa kasak luki kira wiaia: “Dawan sika yang ra hilp ai muni ba; yang sibrin lukamna apia. ¿Upla yang ra dîa ai munbia ki?”

Jasua 1:9

Yang sika mai blikisna kupiam karna bara bapi bûi kama dukiara. Si bripara, kupiam lukanka sin swapni takbiara, man ani anira wama ba, yang, man Dawankam bara man Gâdkam, man wal kamna.”

Wihta Nani 3:27

Witin ba Israel luhpia nani tasbaya ra wih diman ba ra, Efraín ilka nani ra uli wih trumpit puhban Israel luhpia nani ba paiwaia, bara witin nani sut il ba wina bal iwan, Ehud witin nani tâura aimaki.