Nihimaya 3:14 - DAWAN BÎLA AISKA

¹⁴ Malquías, Recab luhpia waitna, Bet-haquérem tasbaya wihtka ba bal, tawan wina Tâski sakaia getka baha durka nani paskan, prakaika dusa nani ba sin.

Nihimaya 3:14 ပူးပေါင်းရင်းမြစ်များ

2 Samuil 4:2

Is-bóset ai warkka tilara waitna wâl bri kan, witin nani ba âimplikra nani lalka tara kan. Kumi ba nina Baaná kata, wala ba nina Recab. Beerot Rimón wina ba luhpia nani kan, bara baku bamna, Benjamín kiamka nani, kan Beerot uplika nani ba Benjamín kiamka nani tilara kulki kan,

2 King Nani 10:15

Baha ningkara Jehú baha wina mahka wan. Kau wiria wan ba ra, Jonadab, Recab luhpia wal prawan, witin Jehú kaikaia wan kata. Jehú bui ai lakula wih, bara witin ra win: —¿Man lukankam ba pain brisma yang tani, yang bui man ra lukisna ba baku? —Baku sa —Jonadab win. —Ban kaka, mihtam ba aik —Jehú mita win. Jonadab mita Jehú lakula win ba ra, Jehú ai waginka ra suni brih wan,

1 Kronikas 6:40

witinka na Micael luhpia kan, witinka na Baaseías luhpia kan, witinka na Malquías luhpia kan,

Nihimaya 12:31

Baha ningkara Juda wihtka nani ra wîri, tawan kutbanka purara ulbia, bara aiwanaia uplika nani dakni tara wâl sakri, baha purara wapi aiwani kaia. Daknika pas ba aihkika tani ra wapi kan, walpa kutbanka pura bâk, tawan wina Tâski Yakabaika getka tani ra.

Nihimaya 2:13

Baha sim tihmika yang buri, il bîla ra waia getka bâk taki, Piuta laya ra waia bara Tâski yakabi ba getka ra waia yabalka ra kaiki wari, Jerusalem kutbanka batakan ba, bara getka nani angkan ba sin.

Nihimaya 3:9

Baha wina kutbanka pîska wala ba Refaías, Hur luhpia waitna, Jerusalem ra tasbaya pîs kum wihta aimaki kan ba, bal aisawanka ba paskan.

Jirimaya 6:1

¡Benjamín tasbaya ra iwi uplika nani, Jerusalem wina taki plaps, man nani yukuwaia watla pliks! Bara trumpit ba Tecoa ra puhs, bara sain kum Bet-haquérem ra dauks, diara saura kum, pât tara kum saura wan munaia aisi yahbra wina aula.