Nihimaya 2:17 - DAWAN BÎLA AISKA

¹⁷ Bamna witin nani ra wîri: —Man nani pain nu sma naha wan dauki wan swin na kat wan trabilka na tara, kan Jerusalem na sut sauhki tikan sa, bara getka nani ba sin sut pali pauta ni angki sauhkan. Bamna yang ra bal asla taks Jerusalem tawan kutbanka na kli paskaia, kau ban wan swira daukan lâka ra iwi kaia sip apia.

Nihimaya 2:17 ပူးပေါင်းရင်းမြစ်များ

Esdras 9:9

Yang nani alba nani sna sakuna, taiban bara alba lâka tilara ban wan lulki wan swiras sma; man daukram Persia kingka nani kupia pihni lâka ra yang nani ra tniwan, baku sin rayaki aikram man tempelkam ba kli bukaia, baha sauhki tikan ba tila wina. ¡Man sin wan kaina kahbram Juda ra bara Jerusalem ra sin!

Nihimaya 1:3

Bara witin nani naku ai wi banhwan: “Baha nani priski brih waras, upla iwras pliska wina swak takan nani ba, ai tasbaya ra witin nani saura pali swira lâka tara tilara bâra banhwisa. Bara Jerusalem sin, walpaya kutbanka kata ba sin aiska pali batakan sa, bara getka nani ba sut sin pauta ni angkan luan sa.”

Nihimaya 2:13

Baha sim tihmika yang buri, il bîla ra waia getka bâk taki, Piuta laya ra waia bara Tâski yakabi ba getka ra waia yabalka ra kaiki wari, Jerusalem kutbanka batakan ba, bara getka nani angkan ba sin.

Nihimaya 2:16

Wihta nani ba tânka briras kan yang anira wari ba, bara dîa daukri sapa sin tânka briras kan. Baha purkara sin yang, Ju nani ra diara kumi sin wiras kapri, prîs nani ra, wihta bara kulkanka tara bri nani ra, baku sin wark takaia uplika nani kumi ra aisaras kapri.

Nihimaya 3:15

Salum, Colhozé luhpia waitna ba, Mispá tasbaya wihtka aimaki ba, Lî kârma plapi ba getka paskan: durka purara dista yabi kaia ba paskan, bara prakaika dusa nani ba sin paskan, baku sin Siloé ra, king tangnika giadinka ra, lî watla walpaya kutbanka slingwan kan ba sin paskan, tawan wina mina mangka kum Debit Tawanka bâk iwi ba kat paski brih wan.

Lawana Nani 102:15

Nisan nani bara tasba kingka nani sut, Dawan nina ba prana dauki kulkbia.

Lawana Nani 44:13

Laimara iwi nani ra yaram, yang nani ra laihtubisa; yang nani kir iwi nani ra yaram laiwaska kiki bahki pali ai kulkisa.

Lawana Nani 44:14

Idan nani ba, yang nani laiwaska kikisa, upla nani ba yang nani ra ai kaiki ai lal wauhisa.

Lawana Nani 79:12

Man, Dawan, aima 7 pana saura muns, laimara uplika nani ra, witin nani man kupiam sauhkan bamna;

Lawana Nani 79:4

Wan lamara iwi uplika nani ba, yang nani laiwaska kikisa, wan tnaya kir iwi nani ba sin kikisa.

Jirimaya 24:9

Yang daukamna witin nani ba diara saura kaikaia, sirang wan iki ba daukamna, nisan nani sut tasba ra baha kaikbia, mâyara batakaia patrangka kum kabia, saura kulkan bara lahtuban kuntri bani ra yang mita yakabri ba.

Inanka Nani 2:2

Dawan mita Jekob watla nani sut sauhki tikan sa, umpira kaikras kira; ai lawanka nani wal Juda pranakira kan kahbaika pliska nani sut sauhki tikan sa; ai wihtka tara nani bara kingka nani sin tasba kat batakan sa, swira lâka ra.

Inanka Nani 3:51

Naikra nani latwanka ba kupi kat dimisa, tawanki luhpia tiara nani ra taki ba dukiara.

Isikiel 5:14

Yang mita mai daukamni, diara sauhki tikan yuyaka nani ailal ba baku, Jerusalem; swiram mai daukamni tawan nani kir mai bri ba sut mawanra, baku bamna upla sut mai kaikan kabia bâk lui nani ba.

Miqueas 7:11

Jerusalem tawanka kutbanka nani ba, kli paskan kaia yua ba aula sa; bara baha yua ra Jerusalem tawanka bîla ba kau tara kitbi brih wan kabia.

1 Samuil 11:2

Nahas Amón wina ba, pana witin nani ra win: —Man nani wal lâ daukamni, sakuna naha natka ra lika, yawan aikuki lâ daukamni bara man nani sut âu wima kaka. Man nani kumi bani namkra aihkika ba daikamna, bara swira lâka Israel purara brih balbia.