Nihimaya 13:26 - DAWAN BÎLA AISKA

²⁶ “¡Naha pali saurka sika, Salaman, Israel kingka daukan ba! Bara witin yamni pali kan baku, tasba wala ra bara king wala witin wal baku ba âpu kan, bara Gâd bui witin ra latwan pali kaiki kan, bara Gâd mita sin Israel luhpia nani aiska purara king mangkan kata. Baku kan sakuna, plis wala mairka nani bui yaban saurka daukan.

Nihimaya 13:26 ပူးပေါင်းရင်းမြစ်များ

1 King Nani 21:25

Ahab baku upla wala âpu kata, Dawan nakra nani ra saura dauki kan ba, kan ai maya Jezabel bui maisa kapi kan baha saurka nani daukaia ba.

1 King Nani 3:12

Bara kaiks, yang lika man bîlam nani kat daukamna. Bamna kaiks, yang kupia sinskira lâka ba maikuna, diara sut tânka pain bri kaia, bara man baku wala kainamra âpu kan, bara ningkamra sin âpu kabia.

1 King Nani 3:13

Bara sin man bui diara nani makabras kapram dukia nani ba sut maikuna, yuyaka manis briaia lâka bara prana lâka sin. Baku bamna man yuam nani sut ra, king wala âpu kabia man baku.

1 King Nani 4:1

Bamna Salaman lika Israel aiska kingka aimakan.

2 Kronikas 1:12

maikisni sins lâka bara diara tânka kaikaia sinska nani; baha purkara yuya ailal maikamni, diara wala nani sin ailal, prana aiska ba sin bara kulkanka lâka sin, man kainamra king nani bâra kan ba sin briras kan ba, man ninamra aula nani ba sin bribia apia.”

2 Kronikas 9:22

Bara baku, king Salaman ba kau tara taki kan, king wala nani sut ba purkara, yuyaka mapa ra bara sins lâka mapa ra sin.

Sins Lâka 31:3

Mairin nani wal prawi karnikam ba bahki tikpara, kan mairin nani tâwan king nani sin ai karnika bahki ra tikisa.

Smasmalkra 7:26

Diara kum wal prawri ba prura wal kau tahpla sa: mairin ai kupia wal warbanka dauki ba, bara ai klahkla wal wilki bri ba. Dawan kupia lâka uplika nani baha wina swakbia saurakira nani ba ai sînka bilara kauhbia.