Nihimaya 13:25 - DAWAN BÎLA AISKA

²⁵ Baku yang bui witin nani aikuki aisi blauhri bara lahtubri. Witin nani tila nani ba lika prukri bara tâwa sin daikri, bara taibi munri Gâd nina ra swer taki aisaia, ai luhpia mairin bara ai luhpia waitna nani ba upla sât wala nani ba wal kli maya baikaia apia, mairka nani ba luhpia waitna nani maya baku bribiara, luhpia nani mita sin mairka nani ba ai maya bribiara.

Nihimaya 13:25 ပူးပေါင်းရင်းမြစ်များ

2 King Nani 2:24

Bara Ilaidsa tawi kaiki Dawan nina ra lahtuban. Bara baha minit wingku tara wâl unta wina taki bal pîs ra daukan baha tuktika nani 42 kan ba sut ra.

Esdras 10:5

Bamna Esdras lika ai mina ra bûi, prîs bara Libait nani ra, baku sin Israel uplika nani sut ra sin win ai pramiska ba daukbia sapa, bara witin nani ai pramiska daukaia âu takan.

Esdras 7:26

Bara ani uplika man Gâdkam lâka ba bara king lâika ba sin wali daukras kabia kaka, witin nani ai lâka ba mahka daukan kabia, ikaia sapa, tasbaya wina kangbi sakaia, ai lal mana kulkaia silak ra mangkaia, dîa witin nani ra daukaia ba daukbia.”

Nihimaya 13:11

Bara wark tâ bri uplika nani ra lawi dauki wîri dîa muni Dawan watla na lulki swin sa ki. Bara yang mita prîs nani bara Libait nani ba kli paiwi warkka ra mangkri.

Nihimaya 13:17

Bamna yang bui Juda wihtka nani ra lawi daukri, bara wîri: —¿Man nani dîa saurka daukisma ki, ris briaia yua ra kulkanka yabras sma ba?

Nihimaya 13:24

bara ai luhpia nani wina bakriki ba Asdod bara nisan wala nani bîla aisi banhwi kan, sakuna Ju nani bîla lika aisaia nu apia kan.

Nihimaya 5:13

Baha aisin ningkara, yang prâika ba singbri, bara wîri: “Naku Gâd mita man nani wamtla ba wina singbi mai sâkbia bara warkkam ba wina sin singbi mai sakan kabia, ani waitnika naha lâka daukaia swer takan ba kulkras kabia kaka, naku singbi diara âpu mai daukbia.” Bara upla sut ba mita win: “Baku kabia.” Bara witin nani Dawan ra mayunan. Bara upla sut dîa aisin ba kat daukan,

Nihimaya 5:6

Baha brukwanka bîla nani ba walri ba ra, yang kasak pali kupi baiwan.

Lawana Nani 119:53

Watawi dadaukra nani, mahka man smalkankam lulki swi ba, baha kupi sauhkanka tara aikisa.

Lawana Nani 15:4

bahki kulkan uplika ba witin bui bahki kulkisa, sakuna Dawan ra kulki uplika nani ba, witin kulkisa; witin trabil briaia kat sin swer takisa, sakuna ai kupia aihka lakras;

Impakan Sturka 34:16

apia kaka luhpiam mairin nani bara luhpiam waitna nani ba sin bribia, witin nani ai luhpia waitna ai luhpia mairin nani ba wal maya baikaia, bara gâd bahki nani nina bliki watawi daukbia.

Sins Lâka 28:4

Mahka lâ yamni swin uplika nani ba mita, upla watawikira nani ra mayunisa; kuna lâ ban brih dauki banhwi ba lika, baha nani ba mapara buisa.

Aiseya 50:6

Yang nini ba ai praprukra nani ra yabri, ai wipan, yang maiwan nani ba sin wan unmaya dadaikra nani ra yabri, bara maiwan ba sin yukukras kapri saura aisi nani ba wina, yabalaya ni ai tuhbi kan ba sin.

Kli Smalkanka 6:13

Dawan Gâdkam ra mayuns bara witin warkka baman dauki bas, bara swer takaia kaka, Dawan nina ra baman dauki banhwi bas.

Kli Smalkanka 7:3

Witin nani wal bripara, baha uplika luhpia man nani luhpiam wal maya baikpara,

Jasua 23:12

Kan brin ai daukisa man nani naha na kaiki kama: Gâd lâka ba swima, bara naha uplika nani tilamra iwi na wal aiblakma kaka, ban sin wal marit takma kaka kum wala wal, Dawan Gâd naha uplika nani kangbi sakan kabia apia man nani mamwan wina. Sakuna man nani mampara daiwan alkaika tân ba baku kabia, man nani bahara kauhma bara pamhpaya ra klala wipanka baku kabia, kiaya baku sin namkra ra, Dawan Gâd naha tasbaya painkira maikan na kumi sin man nani bri kama apia.