Nihimaya 12:8 - DAWAN BÎLA AISKA

⁸ Libait nani ba: Jasua, Binuy, Cadmiel, Serebías, Juda bara Matanías, witin ai pânika nani aikuki sika, mayunra lawana nani ba aiwani banhwi kan;

Nihimaya 12:8 ပူးပေါင်းရင်းမြစ်များ

1 Kronikas 9:33

Baku sin aiwawanra nani bâra kan, Libait nani tilara lalka kan ba, witin nani ba takaski kan Dawan watla bilara, rum kum ra; wark wala nani daukras pali kan, witin nani ba kakna bara tihmia baha warkka ra ban kan ba mita.

Esdras 2:40

Libait nani Jasua bara Cadmiel kiamka, bara sim taimka ra Hodavías kiamka nani ba, 74.

Esdras 3:2

Bara Jasua, Josadac luhpia ba, ai pânika prîs nani ba aikuki, baku sin Zorobabel, Salatiel luhpia ba, ai muihni aikuki, witin nani buan Israel Gâdka altarka ba paskaia, daiwan iki baha purara aiska angki Gâd ra yabaia dukiara, Moses, Gâd waitnika, ai wauhkataya ra ulban ba baku, witin nani daukan.

Nihimaya 11:17

Matanías, Micaías luhpia waitna kan ba, Zabdí luhpia waitna kan ba, Asaf luhpia waitna kan ba, witin sika aiwawanra daknika tâ brabrira kata, bara tingki bîla nani aiwani, pura sunra dauki ba yua ra yabi kan; Bacbuquías, ai taika nani tilara sekan ba, bara Abdá, Samúa luhpia waitna kan ba, Galal luhpia waitna kan ba, Jedutún luhpia waitna kan ba.

Nihimaya 11:22

Bara Jerusalem ra Libait nani wihtka ba lika Uzí kata, Baní luhpia waitna kan ba, Hasabías luhpia waitna kan ba, Matanías luhpia waitna kan ba, Micaías luhpia waitna kan ba, witin nani sika Gâd tempelka ra lawana nani ba tâ bri kan,

Nihimaya 12:24

Libait nani wihtka nani ban naha nani kata: Hasabías, Serebías, Jasua, Binuy bara Cadmiel, bara ai pânika nani ba lika aikuki witin nani ai warkka kan ba Dawan ra mayuni tingki wiaia, Debit, Gâd waitnika dîa win kan ba kat daukan, witin nani kumi bani ai piua ba kat ai warkka daukaia.

Nihimaya 12:7

Salú, Amoc, Hilquías, bara Jedaías. Naha nani sika prîs nani wihtka ba, bara ai muihni nani aikuki, Jasua yua nani ra.

Nihimaya 12:9

bara Bacbuquías bara Uní, baha nani ai pânika nani aikuki lika, wala nani tâura kan ai warkka nani daukbia dukiara.

Nihimaya 7:43

‘‘Libai nani Jasua bara Cadmiel wal kiamka wina, witinka nani Hodavías kiamka kan ba, 74 kata.

Nihimaya 7:48

Lebaná wina, Hagabá wina, Salmai wina,

Nihimaya 9:4

Baha ningkara Libait nani Jasua, Binuy, Cadmiel, Sebanías, Binui, Serebías, Baní bara Quenaní kat, bûi aisaia pliska paskan ba ra uli, witin nani sut ai bîla tara aisi Dawan ra winan;