Nihimaya 12:30 - DAWAN BÎLA AISKA

³⁰ Bamna prîs nani bara Libait nani ba sut sunu taki banhwan, baha purkara tawan uplika nani sin, dur nani bara walpa kutbanka ba sut sin sikbi sunu daukan.

Nihimaya 12:30 ပူးပေါင်းရင်းမြစ်များ

Blasi Sturka 35:2

Jekob ai taya nani sut witin wal tauki nani ba ra win: —Tringsar gâdka nani sut man nani brisma ba, man nani tilam wina saki lulks, bara aihtabi taki kwala wala dims.

1 Kronikas 15:14

Bamna Dawan, Israel Gâd lâka auhbaia watla ba brih waia dukiara, prîs bara Libait nani sut sunu taki banhwan.

2 Kronikas 29:34

Sakuna prîs nani ba ailal apia kan bamna, daiwra aiska angkaia taya nani ba sut sip sakras bamna, muihnika Libait nani ba sin hilp munan warkka ba danh daukaia, prîs wala nani ba wih klin taki balan ba kat; Libait nani ai tânka marikan witin nani kau ridi klin kan prîs nani ba wal.

2 Kronikas 29:5

Bara witin nani ra win: “Libait nani, wals: man nani klin taks nanara, bara Dawan tempelka ba sin klin dauks, damikam nani Dawanka ba. Holi pliska ba wina, diara tâski nani ba sut sâks.

Esdras 6:21

Bara Israel luhpia nani, alba lâka wina kli tawi balan nani ba sut, baha Insal luan Yua Liliaka pata ba pi banhwan, wala nani sut sin tâski lâka ba wina tnaya ra tawan nani ba, baha tasbaya uplika nani tila wina, witin nani aikuki prawi Dawan ba plikan.

Nihimaya 12:29

Guilgal watla uplika nani wina, Gueba pliska nani wina bara Azmávet wina sin asla takan, kan aiwawanra nani ba Jerusalem lama kir iwi banhwi kata.

Nihimaya 13:22

Bara Libait nani ra wîri, witin nani sunu takbia bara baku bal get nani ba aihwakbia, sabat ba bâk sakan yua kulkan kaia ba mita. ¡Yang Gâdki: yang ra sin luki bas naha dukiara, bara man kupiam yamni lâka kat umpira ai kaiks!

Nihimaya 13:30

Bara baku, tasba wala uplika nani ba âpu daukri, bamna prîs bara Libait nani ai warkka daukaia piua ba mangkri, kumi bani ai warkka ba kat;

Job 1:5

Pata tara dauki pih luya ningkara, Job ai luhpia nani ba paiwi kan, bara titan ra bûi bara kumi bani dukiara daiwan aiska angki ai pura suni kan, witin nani ai saurka ba wina sunu daukaia dukiara. Job naha na dauki kan piua bani, ban kra luki kan ai luhpia nani ba Gâd mapara saura daukan sa sapa.

Impakan Sturka 19:10

bara Dawan kli witin ra win: —Was bara upla nani ra wis, naiwa bara yauhka wal ba, witin nani ridi takaia sa yang ra mayunra kum dauki aikaia. Witin nani ai kwalka nani ba tuski sakaia sa,

Impakan Sturka 19:15

bara Moses bui witin nani ra win: —Ridi taks yahwanka dukiara, bara mairin wal sin yappara.

Hibru Nani 5:1

Prîs tara bani upla nani tila ba wina bâk sakan sa, bara Gâd mawanra upla nani dukiara aisaia mangkan sa. Witin ba prisant nani bara sakripais nani sin yabisa saurka nani dukiara.

Hibru Nani 5:3

Bara witin ai wîna swapnika nani bri bamna sika, ai saurka nani dukiara sakripais nani yabaia sa, bara upla wala nani saurka nani ba dukiara sin.