Nihimaya 10:37 - DAWAN BÎLA AISKA

³⁷ Yang nani sin aitani lukisna, Gâdki tempelka ra diara nani bri si apahki swiaia, yang nani yabaia sna ba, prîs nani ra plawar, dus nani sut mâ ba wina, wain, batana laya, mâ tawahkia disang daukisna ba wina, Libait nani ra yabaia, naisla daukisna ba wina matawalsip bani wina kumi yabaia mânka ba diara sut wina yabamna, insla nani wina, yang nani diara sut kukisna ba wina, witin nani ra yawan wark bani wina matawalsip mânka yabaia ba witin nani brisa.

Nihimaya 10:37 ပူးပေါင်းရင်းမြစ်များ

2 Kronikas 31:6

Israel ra iwi uplika nani ba sut bara Juda tawanka wala nani ra iwi kan nani ba sut, diara matawalsip bani wina kumi Dawan ra yabaia mânka ba brih balan, bîp nani, sîp nani, diara wala nani brih balan Dawan Gâd ra yan holikira sakaia, baha nani sut ba bri bal asla praki swin.

Nihimaya 13:10

Bara yang sin tânka briri, Libait nani ra pata yaras kan ba, bara Libait nani aiwawanra nani, tempel watla warkka dauki kan ba swi si, kumi bani ai tasbaya ra mahka wan.

Nihimaya 13:12

Bara Juda uplika nani sut, diara auhbaia watla nani ra, plawar wina, wain bara batana laya wina matawalsip mânka ba saki bri balan.

Nihimaya 13:5

tempel bilara rum kum ra dus mâka kîa pain nani ba, dîa watla dikwa nani sâtka ba, plawar matawalsip mânka yabi nani ba, wain, batana laya, Libait nani ra, aiwani nani ra, tempel durka ra aihwaki nani ra yabaia dukia nani, baha rumka ra auhbi kan rumka ba witin ra yaban.

Nihimaya 13:9

Bara yang wîri utla bîla ba pahbi sunu daukbia, bara kli Gâd watla dukia nani ba, diara auhbaia watla nani ba, dus mâka kîa nani bara prisantka nani ba Gâd tempelka bilara bri si swiaia.

Impakan Sturka 13:12

Man nani luhpiam tawahkia bani baiki ba, daiwram nani sin ai tawahkia baiki ba sut Dawan ra yabi kaia sma, kan tawahkia nani sut ba sika Dawan dukia sa bamna.

Impakan Sturka 13:2

“Luhpia tawahkia bani ba aihka saki yang ra bri bal. Upla bara daiwan luhpia tawahkia bani ba, yang duki sa.”

Libait Lâka 23:17

Wamtla wina plawar brit dauki angkan kau pain ba, îs mangki daukan britka ba wâl brih wabia. Britka kumi bani ba 8 paun bri kabia, baha britka ba sika plun disang mâ nani sakan ba wina prisantka Dawan ra yaia.

Malaquía 3:10

Man nani diara 10 bani wina kumi, yang duki ba tempel ra lalahki watla ra brih bal, baku yang waitla ra plun ailal bâra kabia. Man nani baku dauki tâinka kaiks, man nani kaikma kasbrika purara windarka nani ba bukutbi, yamnika ailal man sut puramra yakabras kamna sapa.

Malaquía 3:8

Bara yang mamkabi walisna: ¿Upla kum sip sa ki Gâd ra kunin muni ba wina diara briaia? ¡Sakuna man nani lika kunin aisi yang wina diara brisma! Sakuna man nani kau ban makabi walisma: ‘¿Dîa pali yang nani dauki kunin mai munisna ki?’ ¡Diara 10 bani wina kumi aikaia bara prisant wala nani sin aikaia sma ba man nani aikras kapram!

Kulki Kaikanka 18:15

“Israel luhpia nani ai luhpia waitna tawahkia bani, bara daiwan tawahkia nani sin yang ra aiki ba, man dukiam kabia. Sakuna luhpia waitna tawahkia nani bara daiwan tawahkia bani ba tâski sa kaka, baha watlika ra wala kum maikbia wis.

Kulki Kaikanka 18:18

Daiwra wîna ba lika man sip sma briaia, lama dusa wîna ba sin briaia sip sma, yang ra aikaia prisantka ba, bara kuhma aihkika tani ba sin brima.

Kulki Kaikanka 18:21

Libait nani ra lika, upla nani diara matawalsip bani wina kumi yang ra aiki kaia ba, baha yama, tint watla ra witin nani wark dauki ba mana baha bri kabia.

Roman 11:16

Plawar akban wina pas brit ba, Gâd dukia holikira kulkan sa kaka, plawarka akban pîska aiska ba holikira sa. Bara dus wakia kumi Gâd dukia holikira kulkisa kaka, tnawa nani ba sut holikira kulkan sa.

Kli Smalkanka 14:22

“Mani bani patam mâ nani dâkma ba wina, takaskras kira matawalsip yabaia mânka nani ba tnaya ra laki swi bas.

Kli Smalkanka 18:4

plawar nani mâ tawahkia wina, wain wina, batana laya, bara sîp nani tawahkia tâwa wina sin;

Kli Smalkanka 26:2

tasbaya wina plun mâ tâura dâkma ba, watlika wala ra brih was, Dawan Gâdkam ai nina bâra kaia pliska sakan ba ra.