Nahum 2:13 - DAWAN BÎLA AISKA

¹³ Dawan karnika sut bri ba kasak aisisa: “Kaiks, yang Dawan, man nani mampara buisna. War aiklabaia waginka nani brisma ba, yang mita angki kiasma man daukaisna; layankam luhpia nani sut ikamna; tasbayam ra implikan lâka nani bâra ba âpu daukamna, bara kau dahra twatwilkra bîla baikra ba wali kama apia.”

Nahum 2:13 ပူးပေါင်းရင်းမြစ်များ

2 King Nani 18:17

Ningkara Asiria kingka ba Ezequías ra wihtka tara kum blikan, aiklaklabra kau tara ba. Bara wala kum lika war aiklaklabra daknika tara tâura blikan wan, witin nani Laquis wina Jerusalem ra wan aiklabaia. Bara witin nani Jerusalem ra balan ba ra, lî madakura kwala tatuskra nani pliska ba kat bal takaski banhwan.

2 King Nani 18:19

Bara Asiria wihtka tara ba witin ra win: —Nanara Ezequías ra bliki maisa paks naha king sturka tara na, Asiria kingka tara ba naku wisa: ‘¿Dîa dukia wal man ba kasak sma lukisma?

2 King Nani 19:23

Man bîlam dahra aisasara nani bâk, Dawan mapara saura aisaram. Man aisatma: ‘Yang waginki ailal nani brisna ba aiklabaia dukiara, baha nani sut wal unta tara nani ba purara uli wari. Bara ai yalamka bara ai awaska kau pranakira yari nani ba sin klakri. Bara kau unta biara ra dimi wari, baha pliska ba tangni kau pranakira nani pliska baku kan.

2 King Nani 19:9

Ba purkara Asiria wihtka pat walan kan Tirhaca, Etiopía kingka ba, ai mapara war daukaia ridi takan ba. Bara kli Asiria kingka ba ai tawanka nani kaina aimamakra nani ba blikan wan Ezequías Juda kingka ra, bara naku win:

2 Kronikas 32:19

Jerusalem ra Gâdka dukiara aisin, tawan wala nani gâdka dukiara aisi kan, baha gâdka nani ba upla bui paskan.

Lawana Nani 46:9

Witin war nani âpu daukan, tasba aiska ra; witin pantamangka nani kata sut krikan, langsa nani kata ba kriki, yuya man daukan; ¡war waginka nani kata ba angki âpu daukan!

Jirimaya 21:13

‘Tawan tara il bîla nani sut purara aimakisma ba, twi langnika ra walpa tara baku sma, yang, Dawan, man mampara aisisna. Man nani aisisma: ¿Ya yawan wal aiklabaia sip sa? ¿Ya sip sa yawan wan yukuwaika ba kat dimaia?

Jirimaya 46:14

“Man nani Idsip ra maisa paks, Migdol, Menfis, Tafnes nani ra sin: ‘¡Aihwaki bas, man nani ridi bas! ¡Sord ba ai kaina kir langki aula!’

Jirimaya 50:31

Dawan karnika sut bri ba aisisa: “Maipara saura aisasara nisanka, yang mampara sna; yua ba balan, klala maikaia yua.

Jirimaya 51:25

Man sauhki tatikra ilka takram, yang lika man mampara sna, tasba aiska sauhkisma ba. Yang, Dawan, kasak aisisna. Klala maikaia mihti bukamna, walpa tara nani pura wina karwi bal iwma, il tara kum pauta mita aman ba baku mai daukamna.

Isikiel 13:8

Baha mita, yang Dawan sna ba, naku wisni: Man nani mita wisma kunin bara diara tânka kaiki nani ba sin kunin sa, yang lika man nani mampara sna. Yang, Dawan, kasak aisisna.

Isikiel 21:3

bara wis: ‘Naku wisa Dawan ba: Yang lika man waihlam takuna, sordki mihti ra alkuna, bamna kasakkira nani bara saurakira nani sut ikamna.

Isikiel 26:3

“Baha mita, yang Dawan sna ba, naku wisni: Tiro, yang lika man nani waihlam param takisna. Yabrika nisan ailal pali mampara bubia, sim kabu ripka tara nani ba baku;

Isikiel 28:22

Wis: ‘Naku wisa Dawan: Yang, man waihlam kaia param takri, Sidón; man tilamra nina mayunra lâka bukan kabia. Bara man mampara lâmka daukan kabia bara marikbia yang, holikira sna ba lâka; ai tânka bribia yang sika Dawan sna ba.

Isikiel 29:10

Bamna aitani, yang param takisni man waihlam kaia bara walkam sin. Upla iwras tasbaya sibrinkira mai daukamna, bara upla âpu kira, Migdol wina Asuán kat, Etiopía tasbaya piarkika ba kat.

Isikiel 29:3

Wis: ‘Dawan naku wisa: Yang param takisni man waihlam, king fero, Idsip kingka, daiwan aihka saura tara, awalkam ra bâra sma bara aisisma: Nilo awala ba yang awalki, yang daukri.

Isikiel 35:3

Bara wis: ‘Naku wisa Dawan ba: Yang waihlam takisni, Seír ilka, bara klala maikisna upla iwras tasbaya ra sauhki tikan ba baku.

Isikiel 38:3

Wis: ‘Naku wisa Dawan ba: Gog, Mésec bara Tubal tâ brabrira tara pali ba, yang lika man waihlam takuna,

Isikiel 39:1

“Bara man, upla luhpia, yang nini ra Gog mapara aisas bara wis: ‘Dawan ba naha wisa: Gog, Mésec bara Tubal tâ brabrira, yang lika man waihlam takisni.

Isikiel 5:8

Baha mita, yang, Dawan, naku aisisna: Jerusalem, yang sin man mampara buaisna; yang bui man mampara lâ daukaia sna nisan nani sut mawanra, bara nisan sut mawanra,

Nahum 2:12

Layan ba ai daiwra iki kan ba, layan mairin ra bara ai luhpia nani wal yui pi kan, bara ai watla ba daiwan ikan wîna ni banhki dauki kata.

Nahum 3:1

¡Tala lalaikra tawanka, diara saura pali man ra takbia! Saura munan lâka ni aibanhram sa, baku sin kunin munaia lâka bara implikaia lâka brisma ba tnata âpu ban kabia.

Nahum 3:12

Man kan kahbaikam pliska nani sut ba kwah damni dusa ra, mâ pawan nani ailal ba baku sa, bara ya baha dusa yahbuya uplika ba bîla kat kwah mâ ba kauhbia.

Nahum 3:15

Bahara pauta klauhan mita angki âpu mai daukbia, bara sordkam ba sin, kruhkru baku danh âpu mai daukbia. ¡Kruhkru tara nani baku ailal sahwi banhs! ¡Tristrisia baku ailal sahwi banhs!

Nahum 3:5

Dawan karnika sut bri ba, naku aisisa: “Kaiks, yang Dawan, nahara man mampara bui nâra sni, prâmka ba buki lamla purara kat sunamna, bara nisan nani sut mai kaikbia man kwala luha takram ba; mamwan swira ba, king tasbaya nani sut kaikbia.

Jasua 11:6

Sakuna Dawan Jasua ra win: “Witin nani ra sîa yapara, kan yauhka sim naha awarka witin sut mihtam ra mangkamni ikaia, bara man bui araska mina nani sut krikma, aiklabaia waginka nani sut pauta ni angkma.”

Jasua 11:9

Jasua dîa Dawan win ba kat daukan, ai waihla araska mina nani sut kriki tikan, bara aiklabaia waginka nani sut angkan.