Nahum 2:10 - DAWAN BÎLA AISKA

¹⁰ Ninibi ba sauhkan sa, diara âpu bîla baman sa, ami luan baku sa. Sibrin mita upla nani sut kupia ba untrira baku takan sa, lula nani ba sin tatatwisa, upla sut ba karnika âpu takisa, bara upla sut mawan tâlia sin âpu takisa.

Nahum 2:10 ပူးပေါင်းရင်းမြစ်များ

Blasi Sturka 1:2

Tasba ra diara nani ba ai watlika kat apia, bîla baman kan; kabu tihuka tara ra tihmia tara nani baman baha purara kan, bara Gâd spiritka ba lî nani purara tauki kan.

Lawana Nani 22:14

Karniki âpu, lî laikan baku ai daukan; dusi nani sin lukutbaika bani wina aihka sakan sa. Kupi na sin blas baku, yang wîni biara ra slilwisa.

Aiseya 14:23

Yang mita swamp baman daukamna, istapla nani pliska daukamni, kaina kutbanka ba wih, sauhki tatikra brumka ba wal pahbamni.” Baha sika Dawan karnika sut bri ba aisisa.

Aiseya 21:3

Yang wîni aiska na sirang iwan sa, latwan ba mita ini tasba ra aikarwi kapri, mairin tuktan baiki latwanka baku, sari ba mita aikan sturi walras, sibrin ba mita aikan sip kaikras.

Aiseya 24:1

Man nani kaikma, Dawan mita tasba bilara diara âpu swibia, diara nani ba sauhkbia, lulki bataki swibia, upla nani ba sut plapaia.

Jirimaya 30:6

Man nani makabi wals, waitna kum aisubaia sip sa sapa. ¿Bara dîa muni waitna nani ba latwan bri ai warbisa, luhpa baikaia latwanka bri ba baku? ¿Dîa muni witin nani sut mawan tâlia âpu takan ba?

Jirimaya 49:23

Damaskus uplika nani ra wiaia bîla ba: “Hamat, Arpad tawanka nani ba swira daukan sa, sturi saura ba witin nani walan bamna. Sibrin tara daukisa, witin nani sip sâp apia sa.

Jirimaya 51:62

Sakuna tâura puram suns: ‘Dawan, man aisaram naha tawanka na sauhkaia, upla nani kli nâra takaski kabia apia, daiwan nani sin âpu kabia, man mita upla bâra iwras kaia tasbaya kum daukma.’

Jirimaya 8:21

Upliki nani pât wahwi ba tâka mita, yang sin pât wahwisna; kupi wirha sibrin mita ai taibi ai brisa.

Isikiel 21:7

Bara ban kra mamkabi walbia kaka, dîa muni inisma, wis diara pat pali takaia ba dukiara, bara upla nani sut ba kupia ba kriwan kabia, bara klahkla ba swika kauhbia; bara upla kumi sin karnika âpu kabia, sut ba sibrin mita lula nani ba tatatwi kabia. Pat piua aula, pat pali takbia. Yang Dawan, baha kasak aisisna.”

Isikiel 31:15

‘Yang Dawan sna ba, wisni: Dusa na prura kingka tasbaya ra iwbia ba ra, yabrika sari mita kabu tihu ba lâwbia; awala nani ba alki takaskamna bara lî plapi nani ba; witin bâk yabamna Líbano ilka ba sari ni aibanhbia bara dus nani bâra ba sut srawbia.

Daniel 5:6

sibrin mita mawan ba pihni takan kata, bara wîna aiska ba tatatwi kan.

Joel 2:6

Upla witin nani ra kaiki ba ra tatatwisa, ai mawan tâlia sin âpu takisa.

Nahum 2:2

Kan Dawan bui Jekob aimayunanka ba kli paski karna daukaisa. Israel aimayunanka ba sin blasi bri kata ba baku kan, ai waihla nani ba ai dukia nani bri kata ba implikras kan piua ra, baha ningkara sim wain kiwka ra mâ nani sut dakbi daukan kata ba baku swibia.

Nahum 3:7

Upla sut mai kaiki sîam plapbia, bara witin nani wibia: ‘¡Ninibi kata ba sauhki âpu tikan sa! ¿Nanara ya witin nani ra umpira kaikbia ki? ¿Nanara ani wina witin nani maisa nanihkra ba pliki sâkbia ki?’

Sofonías 3:6

Dawan kasak aisisa: “Yang nisan nani ba âpu daukri, tawerka nani, tawanka kutbanka nani ba sin slingbi âpu daukri, bara tawanka yabalka nani bîla ba, upla iwras yabalka daukri. Upla kumi sin bâk lui waia apia daukri. ¡Tawanka tara ba bîla man swin, upla kumi sin bâra âpu!

Jasua 2:11

Baha sturka walri ba ra yang nani ra sibrin tara ai dingkan sa, upla kumi sin man nani mampara sip bubia apia. Kan Dawan, man nani Gâdkam ba, kasbrika purara ba baku naha tasba ra sin witin ba Dawan sa.

Jasua 7:5

Israel luhpia nani ra tawan getka lama ba wina munan plapan, bara nina bliki ban walpa tara nani ba tila kat wan. Bara il bîla ra iwaia ba kat wan ba ra, 36 waitna baku ikan. Baha baku takan tâka, Israel luhpia nani sut kupia kriwan bara kau aiklabaia karnika âpu takan.