Miqueas 7:9 - DAWAN BÎLA AISKA

⁹ Dawan mapara saura daukri bamna, witin kupia baiwanka tilara ban bapi bûi kamna, witin mita yang lâika aisi dauki wapni ai sâkbia ba kat. Witin mita ingni ra ai sâkbia, bara yang lika witin kasakka lâka tânka ba kaikamni.

Miqueas 7:9 ပူးပေါင်းရင်းမြစ်များ

2 Samuil 24:17

Debit kaikan insal ba upla nani ra siknis yabi kan ba, bara witin Dawan ra winan: —¡Yang sika saura yâri! ¡Yang sika pâtkira sna! ¿Sakuna pâtkas nani na dîa daukan? ¡Man ra mamkabisna klalkam ba yang purira kauhbia bara taiya nani purara sin!

Job 23:10

Mini lulkanka bani witin kaikisa, tâinka pliki kaikbia kaka, aihwa kamna gul aihwa ba wal baku.

Job 35:14

Kau pali ba lika Gâd kaikras wi piua ra, bamna wirâ bîla kaiks, man lâmka ba man lamamra sa.

Lawana Nani 119:154

Pâtka na dukiara tâiwan aisi atki ai sâks; ¡raya ai sâks, man pramiskam nani daukram ba mita!

Lawana Nani 37:6

Bara man kasakkam lâka, man wapnikam lâka daukisma ba, lapta wan lal kat ingnika ingwi ba baku, yarka ingwi kabia.

Lawana Nani 7:6

¡Dawan, bus man, lawanka tara wal; waihli nani kupia baiwanka mapara taki bus! ¡Man, lâ kasak ba daukaia wiram, yang tâiwan aimaks!

Lawana Nani 94:15

Kasakka lâka ba, kli kasakka ra tawi balbia bara upla bani baha kulkanka lâka ba nina blîkbia.

Aiseya 42:16

Bara blain nani ba witin nani kakaira apia, yabalka bâk tapahkamna, witin nani ai mawanra tihmia tara ba ingni daukamni, bara pruamni ba langni daukamna. Baha dîa daukaia aisisna ba kat daukamna.

Aiseya 42:7

Yang want sna nakra yama nakras nani ra bara silak uplika nani silak watla wina sâkma, tihmia tara tilara iwi ba.

Aiseya 46:13

Yang daukisna swaki sakanka warkka brisna ba lamara balbia; yang swaki sakangki ba takaskras aula, laihura apia sa. Saion ra swaki sakan lâka yabamni bâra sa, bara yang praina ba Israel ra sa.

Aiseya 51:22

Man Dawankam bara man Gâdkam ba, witin ai tawanka tâwan aisi ba bîla wisa: “Kaiks nanara yang bui man mihtam wina baha kapka ba sakaisna, baha di bla takram ba; yang kupi baiwanka kapka ba wina kli dima apia.

Aiseya 56:1

Dawan naku win sa: “Wapni lâka ba alki dauks, bara man nani kasakka lâka ba dauks, kan swaki mai sakaia lâka ba pat lamamra aula sa, yang kasakki lâka sin param mamrikaia.

Jirimaya 10:19

—¡Saura pali sna, pat ai slingban nâra sna! ¡Insauhkan nani brisna ba sip rawras! ¡Yang lukri naha latwanka wahwaia sip sna!

Jirimaya 14:7

¡Dawan, yang nani saura daukri saurka ba mita daihra sakisa, ninam ba pain kulkaia ba mita baku dauks! Aima ailal yang nani na man mampara yamni apia katni, yang nani lika man mampara saura daukri.

Jirimaya 51:10

Dawan daukan yawan wan raitka bri ba purara bukan. Man nani bal, kaisa Saion ra waia Dawan wan Gâdka daukan ba wiaia.

Inanka Nani 1:18

Dawan ba kasak ba daukan, yang mita sika witin ai bîla mapara buri bamna. ¡Upla nani sut, yang ra ai wals; pât wahwisna ba sin kaiks! ¡Wahmiki nani bara tiariki nani sut ba alki priski silak ra brih wan sa!

Libait Lâka 26:41

baku yang bui man nani mampara lukuna bara mai brih wamna waihlam nani tasbaya ra; bahara wama bara idan tasbaya ra bawan lâka brima, saurkam mana aibapi kama.

Malaquía 3:18

Bara man nani aima wala ra tânka brima yamni ba saura ba wal tânka aihka ba, Gâd ra mayuni ba, Gâd ra mayunras ba tânka.”

1 Korint 4:5

Baku bamna, piu kau kan ba ra diara nani ba lâka aisi dauki kapara. Dawan bal, tihmu ra yukukan dukia nani ba ingni ra brih sâkbia ba, bîla kaiki bas. Dawan mita upla nani ai kupia ra dîa daukaia luki ba sut latan sâkbia. Bâra mika, upla bani mayunra briaia ba kat, Gâd wina bribia.

2 Timoti 4:8

Bara nanara lika kasakka lâka prisantka ba, yang duki wisi sunan sa; bara baha ba Dawan mita, witinka lâ wihta kasakkira ba, baha yua ra aikbia. Bara yang ra baman lika aikbia apia, sakuna ani uplika nani latwan lâka wal witin balaia ba bîla kaiki nani ra sin.

Param Marikanka 18:20

Sakuna, man, kasbrika pura, liliam bas, baha tawanka tara ba tâka; man nani liliam bas, Gâd uplika nani sma ba, apastil nani bara prapit nani, kan Gâd mita witin ba pât ra lakan ba ra, kasakka lâka ba man nani ra daukan sa.

1 Samuil 24:15

Baku bamna, yawan wâl wan lâka na Dawan bui luki kaiki wapni daukbia, witin pliki kaikbia pâtka nani ba king mawanra tâiwan aiklabia.

1 Samuil 25:39

Debit walan Nabal pruan, bara witin win: —¡Dawan ba yamni pali kabia, Nabal mini prukanka daukan ba mana witin bui pana munan ba! ¡Saura daukaia ba wina swaki ai sakan, Nabal watawanka ba kli Nabal purara kahban! Baha ningkara Debit bui Abigail ra marit sakaia bîla blikan.

1 Samuil 26:10

Dawan nina ra yang swer aisisni, witin bui rayaka ba sâkbia, ai piua balbia bara prubia, apia kaka war aiklabi prubia.

1 Samuil 3:18

Bara Samuil witin ra sturka ba sut pali win, diara kumi sin yukukras, bara Elí wini aisin: —¡Witin ba Dawan sika! ¡Witin yamni kaiki ba kat daukbia!