Miqueas 7:6 - DAWAN BÎLA AISKA

⁶ Kan luhpia nani bui ai aisika nani ba bahki kulkisa, luhpia mairin ba sin ai yaptika mapara buisa, mula yaptika ba sin ai dapna mairin mapara buisa; bamna upla ai watla bilara aikuki iwi nani ba sika ai waihla nani sa.

Miqueas 7:6 ပူးပေါင်းရင်းမြစ်များ

Blasi Sturka 49:4

Sakuna man baman tâura ban kama apia, man ba tingni kum lî aibanhwi takaskras ba baku sma. Yapaiki ba man mita swira daukram, yang mayi wala ba wal yapram ba ra.

2 Samuil 16:11

Ba ningkara, witin Abisai ra bara wihta tara nani ra sin tawi, aisi, win: —Yang luhpi pali rayaki ba tikaia plikisa, bara Benjamín taika kum ba, ¡kau nahki prais saura lukisa lukisma! Swis witin nani saura ai wibia, Dawan bui witin ra adar yan kaia sa baku daukaia.

Lawana Nani 41:9

Upliki kau yamni, upliki aihwa pali kulki katna ba, yang wal iwi plun pi kata ba sin, yang maipa buan.

Sins Lâka 30:11

Tila upla bâra sa, ai papika ra ai bîla sawi ba, bara ai yaptika ra sin yamni pali wiras ba.

Sins Lâka 30:17

Ya ai aisika bahki kaiki ba bara ai yaptika almuk takan ba lawaska kiki ba, aitani sa kuskuspiram mita nakra nani ba daiki sakaia, bara yakal nani mita pibia.

Aiseya 3:5

Lâ krikanka nani uya daukbia, upla nani, upla wala mapara, witin nani ai uplika nani pali mapara. Wahma nani ba, almuk nani ba mapara bubia, saura kulkan nani ba yamni nani ba mapara bubia.

Aiseya 9:19

Dawan, karnika sut bri ba kupia baiwanka ba mita tasba ba pauta mukan, bara pauta klauhan mita upla nani ba angkisa; ai luhpia nani pali wîna witin nani pîsa bara ai muihni nani ra umpira kaikras sa. Nâra kum sa langki pi ba, sakuna ban plun daukisa, bamna bukra wala kum sa ai walka ra pi kabia sakuna âuyapah takbia apia.

Jirimaya 12:6

Muihkam nani pali sin, tamya nani pali ba sin, witin nani mai atkan, man ninamra saura aisi wini banhwisa. Man lika witin nani ra kasak lukpara, bîla pain nani witin nani man ra aisabia sin.

Jirimaya 20:10

Upla nani pusbi aisi ba walaia sip sna: ‘‘¡Sibrin tara ba tnaya bani ra bâra sa!” Witin nani wisa: “¡Man nani bal, kaisa yawan bui witin dahra kwahkaia!” Yang upliki aihwa nani ba sin bîla kaikisa kunin lâka ra mini tâi baikan kum lulkamna. Witin nani aisisa: “Ban kra swirka kunin munbiara; bara yawan mita pura lui bara yawan pana witin ra munbia.”

Jirimaya 9:4

Wan upliki nani ba sin kasak sa kulkaia apia; wan muihni pali ba ra sin kasak lukaia apia sa, kan ai muihnika nani ba sin pana pana kunin munisa, bara ai uplika nani ba sin ai uplika ninara saura aisisa.

Isikiel 22:7

Uplikam nani ba, ai aisa bâra ba ai yapti nani ra kulkras sa, tringsar nani ra saura munisa, rau bara piarka nani ra taiban lâka ra diara bri ba dakbi brisa.

Abdías 1:7

Man wal uplikam nani takan ba sut, kunin mai munan; tasbayam pali wina sin mai kangban, uplikam pali aihwa nani ba mita sin man mampara buan, witin nani ra luki tniwi katma ba uplikam nani bui minam alkaika yabalkam ra mangkan. ¡Edom lika sins lâka âpu!”

Matiu 10:21

“Upla nani ai muihnika nani ra kunin muni prura pâtka ra dingkbia, aisa nani mita sin ai luhpia nani ra baku munbia; luhpia nani ba ai aisika nani mapara bubia, bara prura mihta ra mangkbia.

Matiu 26:23

Bara Jisas pana win: —Ya yang wal sim plitka ra pi ba, baha sika waihli mihta ra ai mangkbia ba.

Luk 12:53

Aisa ba ai luhpia mapara kabia, bara pana luhpia ba mita ai aisa mapara; yapti ba ai luhpia mairin mapara, bara luhpia mairin mita ai yapti mapara; dapnika mairin mita ai mula yapti mapara, bara mula yapti mita ai dapna mairin mapara.”

Luk 21:16

Aisikam, yaptikam, muihkam nani, tamya nani, uplikam nani sin waihlam mihta ra mai mangkbia. Man nani tilam wina kum kum mai ikan kabia,

Jan 13:18

“Man nani sut dukiamra lika aisaras sna, kan yang kaikisna ani uplika nani ba bâk saki briri ba. Ban sakuna, Ulbanka dîa aisi ba sut aimakaia sa: ‘Yang wal plun pi ba maipara buan sa.’