Miqueas 7:2 - DAWAN BÎLA AISKA

² Naha tasba ra upla kasakkira nani, Gâd wal wapni ba âpu takan sa, sakuna kumi bani ba, upla tâlia laikaia baman aihwaki kaikisa; kumi bani ai muihni mina ra alki batakaia kiwka nani mangkisa.

Miqueas 7:2 ပူးပေါင်းရင်းမြစ်များ

Lawana Nani 10:9

layan kum ai watla ra bâra ba baku sa, ai yukuwaika ba wina umpira nani ra bîla kaikisa taki prak alkaia. Witin alkuya ba ra, raski brih auya ai iliska ra mangkaia.

Lawana Nani 12:1

Dawan, yang nani ra swaki ai sâks, lalukra nani kasakkira nani, upla kunin luha nani ba âpu sa.

Lawana Nani 12:2

Witin nani bani ai uplika ra kunin bîla aisisa; ai mawan wâl, ai bîla wâl bri aisisa.

Lawana Nani 57:6

Waihli nani ba, mini pruki kauhaika kum mangkan sa, lukanki ba kli ai nina ra tawbia wisi yabalki ra sin unta kum daukan sakuna witin nani tawi bahara kauhan.

Sins Lâka 1:11

Ban kra mai wibia kaka: “Kaisa, yang nani aikuki; ban kaiki kira ni, mina mangkaika kum mangkaia upla pâtkas lubia ba ra ikaia.

Sins Lâka 12:6

Upla watawikira nani bîla aisinka ba lika, mina alkaika kum sa; waitna kasakkira ba lika, swak takan lâka sa.

Aiseya 3:5

Lâ krikanka nani uya daukbia, upla nani, upla wala mapara, witin nani ai uplika nani pali mapara. Wahma nani ba, almuk nani ba mapara bubia, saura kulkan nani ba yamni nani ba mapara bubia.

Aiseya 57:1

Kasakkira nani ba pruisa, bara upla âpu sa witin nani dukiara luki ba; waitna pain nani ba lap tiwisa, bara upla kumi tânka briras prubia bara saurka ba wina pri taki auya

Aiseya 59:7

ai mina nani ba saura ra plapisa, aihni taukisa tala pâtkas ba laikaia dukiara. Ai lukanka ba upla ikaia baman lukisa, bara yabal ra lui auya ba, sauhki tikaia, bara kriki tikaia lâka nani man sa.

Aiseya 9:19

Dawan, karnika sut bri ba kupia baiwanka ba mita tasba ba pauta mukan, bara pauta klauhan mita upla nani ba angkisa; ai luhpia nani pali wîna witin nani pîsa bara ai muihni nani ra umpira kaikras sa. Nâra kum sa langki pi ba, sakuna ban plun daukisa, bamna bukra wala kum sa ai walka ra pi kabia sakuna âuyapah takbia apia.

Jirimaya 16:16

“Inska âialkra nani ailal balaia daukamna —yang, Dawan, kasak aisisna— Israel luhpia nani ba miski alkaia. Yang sin daukamna antin uplika nani ailal balaia, il nani ra walpa unta nani ra, kiuhsi nani ra sin antin dimi uplika nani ba sakaia.

Jirimaya 5:16

Witin nani ba aiklaklabra tahplu nani, aiklabaia dukia nani bri ba tânka sika prura.

Jirimaya 5:26

Kan upla saura nani yang upliki nani tilara bâra sa tnawira âialkra nani kahbi tauki ba baku sa, mina alkaika nani mangkisa, wala nani ba alkaia dukiara.

Jirimaya 8:6

Kiaima pri tniki aman pali wali katna, sakuna upla kumi sin watawika lâka dauki ba wina ai kupia laki rait ba aisaras, bara wiras: ¿Yang dîa daukatna ki? Sakuna kumi bani dîa saura dauki kan yabalka ba kat ban wan, war ra aiklabi araska ai tâ kat karna plapi auya ba baku.

Inanka Nani 4:18

Wan mina lulkanka bani ra, waitna nani aihwaki wan kaiki kan, yawan sip takras tawan bîla yabalka ra. Wan piua tnata ba baila sa, wan yua nani ba sut kulkan sa; wan awarka ba aimakan sa, wan piua tnata ba pat balan sa bamna.

Isikiel 22:12

Uplikam nani kum kum ai wîna atkisa ai walka ra ikaia dukiara. Upla ra lalah yabisa implikbia dukiara, taiban lâka bara saura munaia lâka daukisa ai uplika ra, bara ai âuya ai tikisa. Yang, Dawan, kasak aisisna.

Isikiel 24:6

‘Kan Dawan ba wisa: ¡Saura pali kabia upla âikra tawanka ba! Dikwa kum bîla puputka alkan ba baku sa, bilara puputka ba sakras sa. Man, kumi kumi sâks wîna lupia nani ba dakawa ba bîla baman sâkma ba kat.

Oseas 5:1

“Prîs nani, naha wals; Israel luhpia nani, naha wals; king watla uplika nani, man nani sin naha wals: Man nani mampara lâ aisi daukaisa, man nani upla mina alkaika, Mispá ra mangkram, Tabor ilka purara ilis kahbram,

Oseas 6:9

Prîs nani ba âimplikra daknika kum takan, Siquem ra waia yabalka ra, upla nani bîla aihwakisa; upla nani ba iki, witin nani ai nina sauhkisa.

Miqueas 2:8

Man nani lika yang upliki nani mapara buram. Waitna nani war aiklabi si ai watla ra aula kan ra, ai kwalka manakira mihta dakbi briram, baha nani pât swakwan luki kan ba.

Miqueas 3:10

Man nani Jerusalem paskisma, Saion ilka tawanka ba. Upla tâlia laiki bara watawi lâka nani dauki ba playka purara.

Miqueas 3:2

Sakuna man nani lika yamni ba misbara kaikisma, bara saura ba latwan kaikisma; upliki nani dusa ba raya taya takbi, wîna ba kalki saki dusa baman dauki swisma.

Sakaraya 11:6

Bamna baha natka ra, yang sin naha kuntrika ra iwi uplika nani mapara kupi swapni daukamna apia, sakuna uplika nani kumi bani ba, ai uplika nani mihta ra, ai kingka mihta ra mangkamni. Baha nani mita tasbaya na sauhkbia, bara yang lika upla kumi sin witin nani mihta wina swaki sakamna apia. Yang, Dawan, kasak aisisna.”

Apastil Nani Sturka 24:9

Ju nani bahara kan ba sut bila, baha diara nani aisi ba lika kasak pali sa.

1 Samuil 24:11

“Mihti ra diara brisna na, king ba pain pali kaikbia: naha na king tara prâka tara ba pîska kum sa, yang sip kapri mai ikaia. Naha wal king tara ba tânka bribia, yang bui witin ra saura munaia bara waihla mihta ra mangkaia plikras sna ba, baha swakwanka sin yang daukras. Ban sakuna, king tara ba nini bliki taukisa rayaki tikaia.

1 Samuil 26:20

Dawan mamwan wina laihura upla wala tasbaya ra yang tâilia laikan kaia ba brin ai daukras, ¡sakuna king ba pisa kum pliki taukisa, bara kwamu pliki tauki baku il nani ra nini bliki taukisa!