Miqueas 7:18 - DAWAN BÎLA AISKA

¹⁸ Man wal baku Dawan wala âpu sa, kan uplikam kau swin ba mampara buan ba bara saurka ba sin ban swih tikisma. Man kupiam baiwanka ban pali alki briras sma, sakuna lilia sma kupiam pihni lâka ban mariki kaia.

Miqueas 7:18 ပူးပေါင်းရင်းမြစ်များ

Blasi Sturka 4:7

Yamni daukram kaka, man purara mai bukan kaia kan. Sakuna man yamni daukras kapram bamna, saurka ba durkam kat bâra sa. Saura lâka ba puram luaia munisa, ban sakuna man mita baha ba sip muni pura luaia sma.”

1 King Nani 8:23

bara win: “Dawan, Israel Gâdka, man baku Gâd wala âpu sa, kasbrika purara, baku sin naha tasba mâyara sin âpu, man alki brisma ba baku lâ daukan lâka, bara kupia yamni lâka sut albikam nani ra, baha nani ai kupia aiska kira man dukiam dauki nani ra.

2 Kronikas 30:9

Man nani ba Dawan ra tawma kaka, waihlam nani nanara kat muihkam nani ra taibi bri ba, baku sin luhpiam nani ra taibi bri ba, umpira kaikbia bara swika kli ai tasbaya ra balbia. Kan Dawan man nani Gâdkam ba, kupia latwankira sa, bara upla ra kupia pihni lâka brisa, bamna man nani ra mai swibia apia, man nani kli witin ra tawma kaka.”

2 Kronikas 6:21

Baku bamna, albikam pura sunra ba walma, bara uplikam Israel luhpia nani naha watla ra bal ai pura suni ba sin; man iwaikam kasbrika purara pali ba wina wali kama, pâtka ba sin ban swih tikma.

Nihimaya 9:17

Witin nani baha walaia ai brinka apia kan, purkara sin man bui diara aihkakira bara tara witin nani ai hilpka ra daukram ba ai kupia krawras kan, ai kiamapara lâka ra, ai tâ brabrira kum mangkan bara kli alba lâka ra Idsip ra brih wan. Ban sakuna, man sika Dawan, upla pâtka swih tatikra Gâdka, kupiam swapni, umpira kaikan lâka brisma, pat pali kupiam baiwras, bara latwan kaiki bara umpira kaikan lâka sin manis pali brisma, ba mita lulki swiras kapram.

Lawana Nani 103:13

aisa ai luhpia nani ra latwan kaiki ba baku, Dawan baha nani ra latwan kaikisa, witin ra kulki uplika nani ra.

Lawana Nani 130:4

Sakuna man ra saurka swih tikan lâka ba bâra sa, kulkanka maikamna dukiara.

Lawana Nani 35:10

Lukanki aiska wimni: “Dawan, ¿ya ba man wal baku wala bâra sa? Karna nani, umpira nani ra pri sakisma. Baha nani witin wal kau karna nani ba, baha nani ra taibi dakbi ba.”

Lawana Nani 65:3

Wan watawanka nani ba mita, taibi wan munisa; sakuna man wan saurka nani ba ban swih tikisma.

Lawana Nani 65:4

Yamni pali sa, baha uplika man bâk saki briram ba; brih wama man lamara bâra iwi kaia, man tempelkam rumka bîla nani ra. ¡Banhki wan dauks, man wamtla ra diara kau pain brisma ba ni, man tempelkam watla holikira bilara ba wal sin!

Lawana Nani 71:19

Man, Dawan, kasakkam lâka ba kasbrika purara ba kat wan, man bui diara tara nani daukram ba; ¡baha upla kum sin, man daukram baku daukras!

Lawana Nani 86:15

Sakuna, man Dawan, latwankam swapni brisma ba wihka bîla kaikisma, lamtwanka lâka bara kasakkam lâka ba wal.

Lawana Nani 86:5

Dawan, man yamni sma, wan pâtka nani swih tikisma; man ra ai pura suni nani ba sut ra, latwan kaikisma.

Lawana Nani 89:6

Dawan, man wal mai prakaia gâdka kumi sin âpu sa, tasba ra kasbrika purara sin âpu.

Lawana Nani 89:8

Dawan Gâd, karnika sut brisma ba, karnika sut ba man dukiam, bara kasakka lâka ni kir mai kutbi brisa; ¡man baku wala âpu sa!

Impakan Sturka 15:11

Dawanki, ¡gâd wala âpu sa man wal mai prakaia! ¡Kumi sin âpu sa man baku tara, saurka lâka âpu ba! ¡Diara aihka painkira nani daukisma, diara sibrinkira nani sin! ¡Man mamyunra briaia ba aitani pali sma!

Impakan Sturka 34:9

—¡Dawan! ¡Dawan! Rait pali man bui yang ra yamni ai kaikisma kaka, yang nani wal was. Kasak pali naha uplika nani na kiamapara sa, sakuna yang nani saurki watawiki lâka nani ba ban swih tiks, bara uplikam nani pali baku ban wan bris.

Aiseya 1:18

Dawan aisisa: “Man nani bal, naha lâka na aisi kaikaia. Man nani saurkam ba tala pauni kabia sin, kwala pihni wahmuk baku daukamni; siksa mâka prâmka ra alkan ba baku kabia sin, bîp tialka laya baku pihni daukamna.

Aiseya 33:24

Bara iwi nani ba wibia apia: “Yang siknis sna.” Bahara iwi uplika nani watawanka nani ba Gâd mita ban swih tikan kabia.

Aiseya 38:17

Nanara kaiks, yang sari pali kaia katna ba, nanara kupi kumi sna. Prura tasbaya wina, man bui yang rayaki ba sakram, yang saura yâri ba sut man pri ai sakram.

Aiseya 40:18

¿Bamna Gâd lilka ba, man nani bui ya lilka talia daukma? ¿Apia kaka, man nani dîa lilka witin ai talia ba lilka ba wal prakma?

Aiseya 40:25

Holikira Gâdka ba makabi walisa: “¿Man nani bui yang na dîa wal tailia ai daukaia plikisma? ¿Apia kaka, dîa wal baku ai praki ai kaikaisma ki?”

Aiseya 43:25

“Sakuna yang, man nani Dawankam sna bamna, saura daukram ba diki sakisna bara kli sin man saurkam nani ba dukiara kupi kraukamna apia.

Aiseya 44:22

Maipara buanka nani man daukram ba sut yang slingbi tikri, mukus kum awi tiwi ba baku. Kli yang ra tawi bal, kan yang atki mai sakri bamna.”

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Aiseya 57:10

Yabalkam ailal pali ba tilara taukram swapram pali, sakuna bahki lâka baman baha tânka briras. Man mihtam ra karnikam alki brisatma lukram, baha mita swapras kapram.

Aiseya 57:16

Upliki nani wal yang ban blahwi dahra aisi kamna apia, piu sut sin kupi baiki ban kamna apia; kan yang maiwanra spiritka nani sut ba dringwaia daukamna, bara lukanka sut swapni takbia.

Aiseya 62:5

Wahma kum tiara kum wal ai maya taki ba baku, Dawan sin baku man ai maya mai bribia, bara kli mai paski bara man wal lilia kabia, maya waitna ai maya mairin wal lilia ba baku.

Aiseya 64:9

Dawan, ban pali karna kupiam baiki kapara, yang nani upla ikri nani ba sin piu bani ra kupiam yarka krawbiara. ¡Kaiks yang nani uplikam sna!

Aiseya 65:19

Bara yang pali sin, Jerusalem wal lilia takamni, yang upliki nani wal sin âiyapah kamni. Witin nani ai inanka bîla baikra ba kli walan kabia apia, ai winanka bîla baikra sin apia.

Jirimaya 3:12

Man was bara mamwan yahbra tani ra kaiki naha bîla aisisna na wis: ‘Dawan kasak aisisa: ¡Israel maipara babura, kli yang ra tawi bal! Lawi mai daukamna apia, kupi baiki ban kamna apia, yang kupi yamni sa. Yang, Dawan, kasak aisisna.

Jirimaya 3:5

¿man ba yang wal kau ban lawi kaia lukisma?, ¿dîa baku lawi ban kaia lukisma?’ Man kau baku aisi kapram ba ra, saurka nani daukaia sip kapram ba sut dauki kapram.”

Jirimaya 31:20

“Efraín uplika nani ba yang maipara luhpi latwankira kum sa; baha luhpika ba kau latwan sna. Lawi daukisna ba ra, sip âiya tiwras witin ai dukiara; yang kupi ba dikwisa, lukisna witin dukiara latwan pali. Yang, Dawan, kasak aisisna.

Jirimaya 31:34

Bara upla ai walka ra, ai uplika nani ra, ai taya nani yang ai kakaira takaia smalkaia nit apia kabia, tara ba wina sirpi ba kat upla sut ai kakaira kabia. Saurka daukan pâtka nani swih tikamna bara kli kupi ra brimna apia. Yang, Dawan, kasak aisisna.”

Jirimaya 32:41

Witin nani ra yamni munisna ba dukiara lilia kamna, bara yang kupi aiska kira kasakka lâka sut ba ni yarka witin nani baha kuntrika ra iwbia.”

Jirimaya 33:8

Maipara saura daukan saurka tâskika ba sut âpu daukamni; watawika nani maipara daukan ba maipara buan pâtka ba sut swih tikamni.

Jirimaya 38:8

Bara Ébed-mélec king watla ba wina taki wan king ra baha sturka wiaia:

Jirimaya 50:20

Yang, Dawan ba, kasak aisisni: Baha piua ra Israel, Juda tilara pâtka kulki saurka nani ba âpu kabia, kan yang bui witin nani pâtka swih tikamna bara raya kaia swimna.

Jirimaya 9:24

Upla kum aimayunaia brin daukisa kaka, yang ai kakaira taki bara witin aimayunbia, witin tânka bribia yang sika Dawan sna ba, yang latwan kaiki tasba ra diara daukisna, kasakka lâka, wapni kaka ni, yang baha daukaia sika yamni kaikisna. Yang, Dawan, kasak aisisna.”

Isikiel 18:23

Yang brinki apia sa saurakira ba prubia, kuna ai daukanka ba natka wala takbia bara raya kabia. Yang, Dawan, kasak aisisna.

Isikiel 33:11

Kuna yang, Dawan, rayaki ba mata, swer takisni, watawikira nani pruanka ba brinki apia sa, witin ai rayaka natka ba lakbia bara raya kabia want sna, lâka saura brisma ba swis. ¿Dîa muni pruaisma?’

Isikiel 33:16

Kan nanara yamni bara kasak lâka ra tauki bamna, raya kabia; bara kli kupi kraukamna apia saurka lâka daukan nani ba.’

Daniel 9:9

Sakuna man lika, wan Gâdka sma, bara man mihtam ra sa umpira kaikan lâka bara ban swin tikaia lâka ba sin. Yang nani lika man mampara babura takri sa,

Oseas 14:2

Man nani lika Dawan ra kli tawi bal, bara naku witin ra puram suns: “Yang nani watawi daukri ba sut ban ai kulkpara, bara man ra mamyuni makabi puri suni banhwisna na, kupiam yamni lâka ra bris.

Oseas 14:5

Israel purara diwas laya baku takaisna, witin ai tangnika nani sâkbia, tangni pihni nani baiwi baku. Wakia nani ba karna pâwbia, Líbano ilka ra dus nani ba baku;

Joel 2:32

Sakuna ya ya Dawan ra makabi ai pura sunbia ba, baha nani pruras swak takbia. Saion ilka Jerusalem ra swaki sakan lâka ba bâra kabia bamna, Dawan pramiska baku takbia win ba baha bîla kat aimakbia. Witin mita bâk sakan uplika nani baman, pruras raya kabia.”

Emus 1:11

Dawan naku aisisa: “Edom uplika nani ba saura ailal pali daukan, bamna yang, witin nani ba sip klala yabras ban swimna apia; kan witin nani aiklabaia sordka ai mihta ra alki brih, ai kupia lukras kira ai muihni Israel luhpia nani ra nina blikan. Ai kupia baiwanka ba, witin nani purara brih lui wan, witin nani misbara kaikan lâka ba tnata âpu pali kata.

Emus 7:8

Bara witin bui yang ra maikabi walan: —Emus, ¿man dîa kaikisma? Yang pana wîri: —Utla playa wapni bapaia mangki kaikaia kiwka kum kaikisna. Bara Dawan kli ai win: —Nanara lika, yang kli kupi swapni daukamna apia. Kaiks: upliki Israel luhpia nani warha takan ba, naha wapni mangkaia awa na ni mangki kaikamna ai daukanka nani ba.

Emus 8:2

bara witin bui yang ra maikabi walan: —Emus, ¿man bâra dîa kaikisma? —Dus mâ pawan baman kûa banhki kum na kaikisna —wîri. Bara Dawan naku ai win: —Yang upliki Israel nani ba, dus mâ pawan baku sa; rausauhkaia yua ba bal aimakan sa; witin nani saura dauki ba ban kupi alki brih kaiki kamna apia.

Jona 4:2

Bara Dawan ra ai pura suni, naku win: —Kaiks, Dawan, naha naku takaia ba yang pat aisari kan kau waitla ra katna ba ra. Baha mita sika Tarsis ra aihni plapaia lukatna ba, kan yang kaikisna man kupiam lukra ba swapni sa, upla ra kupiam baiki si kli pat umpira kaikisma, upla ra latwan pali kaikisma ba mita rausauhkaia pâli si, kli pat kupiam lakisma.

Miqueas 2:12

Âu, yang, Jekob uplika nani sut asla daukamna; Israel luhpia nani kau bâra swin ba, yang asla wahbamni. Sîp daknika baku klar kum ra asla daukamna, sîp ailal twi tasbaya ra bâra ba baku, bara upla ailal bin dauki ba baku daukbia.

Miqueas 5:3

Bamna nanara, Dawan bui ai uplika nani ba lulki swisa, sakuna mairin ai luhpia baikbia bîla kaiki ba baikbia ba kat. Baku bamna, Israel luhpia nani, kuntri wala ra swin aikuki, kli wal asla taki banhbia.

Miqueas 7:14

¡Dawan, uplikam nani ba aihwaki kaiki bas, witin nani sika man sîpka daknika nani pali sa bamna! Il tara nani tilara yakan iwisa, tasba disang nani tilara. Basán, Galaad twiya tasbaya ra brih was kaina piua ra kata baku.

Sofonías 3:17

Dawan, man nani Gâdkam, man nani tilamra sa. ¡Witin karnika sut pali brisa, bamna swaki mai sâkbia! Dawan ba man nani dukiamra ai âuyapah kabia. Ai latwanka lâka ni upla raya mai daukbia; bara witin ai liliakira aiwanbia

Kulki Kaikanka 23:21

Israel luhpia nani tilara kunin aisi watawi dauki uplika ba âpu sa, Jekob uplika nani ba. Ai Dawanka ai Gâdka ba witin nani wal sa, bara witin nani bui witin ra winisa ai kingka ra baku.

Luk 15:32

Sakuna nanara lika pain sa yawan lilia tara daukaia, kan muihkam pruan kata ba kli rawan sa; witin tiwan kan ba, kli yawan sakan sa.’

Luk 24:47

bara ai nina ba nisan nani sut ra aisi smalkan kabia, Jerusalem ba wina tâ krikaia baha nani ra sin wiaia, ai saurka nani ba wina ai kupia lakbia, bara baku mika ai saurka nani ba sut swin tikan kabia.

Roman 11:4

Kuna Gâd pana wisata: “Yang upliki nani 7,000 aihka sakri sa, witin nani gâd Baal ra kau ai lula krikras sa.”

Kli Smalkanka 33:26

“Jesurún Gâdka ba wala wal prakaia âpu sa, ai prana ba wal kasbrika purara kasbrika nani ba ra ulisa, man hilpkam ra balaia dukiara.

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.

Wihta Nani 10:16

Bara witin nani idan gâdka bahki nani ba mahka ai tila wina slingbi saki si Dawan ra mayunan, bara Israel luhpia nani pât wahwi ba kaiki, bara Dawan kau ban sip ai kupia karna daukras kan.