Miqueas 7:17 - DAWAN BÎLA AISKA

¹⁷ ¡Witin nani piuta baku tasba pukpuka ra sambia; ai biara lama taya ra kwasi tauki daiwra nani wala baku! ¡Ai watla bilara dimi yukuwi ba wina, tatatwi takbia, kli man ra plapi balbia sibrin tara kira ni, Dawan wan Dawanka!

Miqueas 7:17 ပူးပေါင်းရင်းမြစ်များ

2 Samuil 22:46

upla tringsar nani ba sibrin taki ai yukuwaika wina tatatwi bal takisa.

2 Kronikas 17:10

Baha tilara, Juda lamara king nani uya bâra kan ba, Dawan ra sibrin daukan, baha mita Josafat mapara war aiklabaia lukras kata.

Lawana Nani 18:45

tringsar nani ba srawi lubia, bara ai watla kutban nani wina, tatatwi kira bal takbia.

Lawana Nani 72:11

¡King nani sut ba bal witin ai mawanra ai lula krikbia! ¡Nisan nani sut ba, witin warkka daukbia!

Lawana Nani 72:9

¡Waihlam nani upla iwras tasbaya ra iwi ba, witin ai mawanra bal bawbia!

Lawana Nani 9:20

Dawan, witin nani kupia ra sibrin dingks, ¡yarka witin nani tânka bribia, witin nani ba upla praprura ba!

Aiseya 25:3

Baha mita upla karna nani ba yamni mai kulkisa, prautkira nani tawanka tara ba man ra sibrin lukbia,

Aiseya 49:23

King nani ba tasba ra man takan papikam nani kabia, bara king luhpia mairin nani ba luhpiam main kaiki kabia. Ai mawan tasba ra bawi witin nani mamwanra mamyunbia, tasba yuya minam wina, ai twisa ni dabia. Bara man kaikma yang sika Dawan sna ba, baha nani yang bîli kaiki ba swira daukan kabia apia.”

Aiseya 59:19

Tasba aiska ra, lalma wina muna kat, Dawan ra kulkanka yabia, ai kingka tara kaikbia ba ra, kan witin balbia sim lî aubra kum lisamra dingkan baku pâsa karnikira kum mita plis wala ra lakan kabia.

Aiseya 60:14

Taibi mai muni kan luhpia nani ba, man mamwanra bawikira balbia, lamwaska kiki nani kata ba sut sin, bal minam ra ai lula kriki ai pura sunbia bara mai wibia: ‘Man ba Dawan Tawanka ba’, ‘Gâd Saionka, Israel ra Holikira ba.’

Aiseya 64:2

pauta klauhan kiaya ami ba baku, apia kaka, lî ba yan lukwisa. Baha ningkara man waihlam nani ba, kakaira takbia, bara nisan nani sut man mamwanra tatatwi kabia.

Aiseya 65:25

Yul wail ba sîp luhpia ba wal aikuki twi pi kabia, bara layan ba bîp wainhka ba wal asla twi pi kabia; piuta ba tasba yuya ba ai pata kabia. Yang ilki holikira ba, witin nani mita sarka paskbia apia, saura sin munbia apia.” Dawan baku aisin.

Aiseya 7:19

Bara baha nani balbia, witin nani sut, twi saura tasbaya, il bîla nani ra takaskbia, walpa untika nani ra dimbia, kiaya dusa nani tilara daiwan lî diaika pliska nani ra sin.

Jirimaya 16:16

“Inska âialkra nani ailal balaia daukamna —yang, Dawan, kasak aisisna— Israel luhpia nani ba miski alkaia. Yang sin daukamna antin uplika nani ailal balaia, il nani ra walpa unta nani ra, kiuhsi nani ra sin antin dimi uplika nani ba sakaia.

Jirimaya 33:9

Jerusalem ba yang liliaki tawanka takbia, nisan nani sut nakra ra pain kaikbia prana kabia tasba ra. Nisan nani walbia upla nani aisi kabia, yamniki nani sut Jerusalem uplika nani ra yabi kamna ba ra, yu yamni nani kli yamna ba ra, witin nani sibrin dauki tatatwi kabia.”

Inanka Nani 3:29

Witin sin ai bîla ba tasba puknika kat mangki bûi kaia sa, ban kra baku bîla kaikanka lâka bâra kabia;

Sakaraya 14:5

Bara man nani baha ilka nani langnika bîla taki plapma tnaya wala ba kat, langnika ba Asal kat auya bamna. Ozías king aimaki kan piua ra, tasba nikban bara damikam nani plapata ba baku plapma. Bara Dawan Gâdki ba witin ai uplika kasakkira nani ba wal aikuki balbia.

Kli Smalkanka 32:24

Plun wahwanka bara rihka mita prui tiwma; siknis yula tahplika bui sauhki tikbia; witin nani purara daiwan wail nani blikamna, bara piuta puisinkira sin.

Jasua 9:24

Uplika nani bui pana Jasua ra win: —Rait yang nani kunin aisari ba, sakuna man nani ai ikma luki sibrin pali ai dauki kan ba mita sika kunin aisari ba, yang nani walri Dawan Gâdkam ba ai napakan Moses ra win kan, naha tasbaya na witin bui man nani ra maikbia, bara upla bâra iwi ba iki âpu daukbia.

Param Marikanka 3:9

Baku bamna, Sitan daknika wina nani ba, witinka nani kuninkira Ju wisa sakuna baku apia ba, yang munrika wih minam ra ai lula krikbia, bara kaikbia yang bui man ra latwan mai kaikisna.

1 Samuil 14:11

Baku aisin ba ra witin nani wâlsut filisteo nani lamara wih, witin nani ra param takan. Filisteo nani bui witin nani ra kaikan ba ra aisin: “Man nani kaiks, Hibru nani tasba unta ra dimi yukuwan kata ba, nanara taki aula.”