Miqueas 6:6 - DAWAN BÎLA AISKA

⁶ ¿Yang dîa pali mihti ra bri Dawan purara ba mawanra bal witin ra puri sunamna, bara ai nina sin mayunamna? ¡Bîp lupia mani kum alkan ba bri balamna, baha aiska angki mayunaia dukiara!

Miqueas 6:6 ပူးပေါင်းရင်းမြစ်များ

2 Samuil 21:3

Debit bui witin nani ra makabi walan: —¿Yang nani dîa man nani ra daukaia sip sna? ¿Man nani ra saura mai munan ba mana dîa dauki bara kli wapnikam daukamna, Dawan uplika yamnika briaia ba?

Lawana Nani 116:12

¿Nahki yang Dawan ra aibapi takamna, witin bui yang ra yamni ai munan bamna?

Lawana Nani 22:29

Man nani, witin ra bawi bas, witin ra baman mayuni bas man nani sut diara ailal bri iwisma ba, baha nani sut tasba yuya ra tawaia kan ba, witin nani yakan ai wîna ra rayaka âpu ba.

Lawana Nani 95:2

Dimi wap ai mawanra tingki lâka wal, bara lawana aiwanpi, witin ra kulki ba lâka wal.

Lawana Nani 95:6

Man nani bal, wan lula ra bawi witin ra mayunpi; Dawan mawanra wan lula krikpi, kan witin wan paskan bamna.

Impakan Sturka 12:5

Daiwra ba, sîp sapa, guts sapa, kum bribia, mani kum bri ba. Bara daiwra wîna ba, sunu bara watawan âpu pali kaia sa.

Impakan Sturka 23:15

Brit îs âpu dauki yua ba, lilia dauki kaia sma, dîa daukaia yang mai wîri ba kat, baha yua nani ba wik kum ba brit îs âpu pi kaia sma. Baha yua tara ba sika Abib katka ba, baha katka ra sika man nani Idsip tasbaya wina takram ba, bara upla kumi sin ai mihta bîla baman yang ra bal ai kaikaia apia sa, sut diara kum bri balaia sa.

Sins Lâka 15:8

Upla watawikira nani, daiwan iki angki sakripais dauki ba, Dawan mita saura pali kaikisa; sakuna wapnikira nani pura sunra ba, witin ai lilika sa.

Sins Lâka 21:3

Kasakka lâka bara wapni lâka ba dauks, kan Dawan mita baha ba kanra yamni kaikisa daiwan nani iki angki dauki ba wal.

Aiseya 40:16

Líbano aiska ra pauta bara daiwan nani ba aitani ailal apia sa sakripais daukaia.

Jirimaya 6:20

¿Dîa muni man nani Sabá wina kîa pain angkaia dukia nani ba bri sal aikisma, laih tasba wala wina dus wahia kîa pain nani bri balisma? Daiwan aiska angkisma ba yang yamni kaikras, sakripais wala nani daukisma ba sin.”

Isikiel 46:9

Bara yua tara nani ra, tawan ba Dawan ra mayunaia dimbia ba ra, naku daukaia kabia: ya yahbra durkak dimuya nani ba, waupasa durkak takbia, bara ya waupasa durkak dimbia ba, yahbra durkak takbia. Sim durka dimuya bâk tawbiara, kuna ai mawanra bâk takaia.

Daniel 3:26

Nabucodonosor naha aisi si kubus untika ba lamara wih bara winan: —¡Sadrac, Mesac bara Abed-negó, Gâd Laih Purara ba albika nani, taki nahara bal! Wahma yumhpa ba pauta klauhan ba wina bal takan,

Daniel 4:9

‘Beltsasar, diara kakaira nani lalka sma ba, yang kaikisna Gâd holikira ba spiritka man tâm brisa, bara diara aihka nani ba tânka brisma. Bamna wals, dîa yaprisauhkan ra kaikri ba, bara tânka ba ai wis.

Daniel 5:18

“Gâd Laih Purara iwi ba bui king lâka aisikam Nabucodonosor ra yan, kulkanka lâka tara bara prana, bara mayunra lâka ba sin.

Daniel 5:21

Upla nani tila wina sakan bara daiwan baku takan, biriku wail nani wal baku takan, bîp nani baku twi pin bara diwas laya ba ai taya purara buski kan; baha piua kat witin kaikan, Gâd Laih Purara ba naha tasba kingka nani sut purkara karnika brisa, bara witin bui yaura king lâka yaia ba yabi kan.

Oseas 5:6

Witin nani ai sîpka bara ai bîpka mairin aikuki Dawan pliki wabia, sakuna wal prawbia apia, Dawan ba witin nani wina tnaya ra tawan bamna.

Emus 5:22

Man nani daiwan iki wîna aiska angki, prisantkam nani dauki aikisma ba, kupia kumi lâka ai daukaia dukiara. Yang baha brin ai daukras. Daiwan batanira batanka nani saki angki, kli wal kupia kumi takaia prisantka nani dauki aikisma ba sin brin ai daukras.

Matiu 19:16

Wahma kum Jisas ra balan, bara makabi walan: —Smasmalkra, ¿raya ban kaia ba briaia dîa dukia yamni daukaia sna ki?

Mark 12:33

Bara Gâd ra kupia aiska, lukanka aiska, sulka aiska, karnika aiska ni latwan kaikaia ba, wan uplika ra wan wîna baku latwan kaikaia ba sin, sakripais nani, daiwan nani altar ra angki ba sut wal kau purkara sa.

Mark 5:7

Bara ai bîla baikra tara ni wini, aisin: —¡Yang tilira dimpara, Jisas, Gâd Laih Purara iwi ba Luhpia sma ba! ¡Gâd nina mâki mai wisni, yang ra rau ai sauhkpara!

Luk 10:25

Lâ Smasmalkra kum Jisas ra wan, wal aisi bâk traika kaikaia, bara makabi walan: —Smasmalkra, ¿dîa yamni daukamna kaka, yang sip kamna raya ban kaia lâka ba briaia?

Jan 6:26

Jisas pana win: —Kasak pali mai wisna, man nani ai plikisma biamra banhkram ba mita bamna, sain aihka nani tânka briram ba mita lika apia.

Apastil Nani Sturka 16:17

Naha tuktan mairin na mahka Pal bara yang nani ninira wapi wini, ban aisi, win: —¡Naha waitna nani na lika Gâd Laih Purara iwi ba dukia dadaukra nani sa, man nani ra sin maisam pakisa swaki sakan yabalka ba dukiara!

Apastil Nani Sturka 16:30

Ningkara, Pal bara Silas wal ba silak wina saki, makabi walan: —Mâsa nani, ¿yang dîa daukamna bara ai swaki ai sakan kabia ki?

Apastil Nani Sturka 2:37

Upla nani naha walan ba ra, sari pali takan, bara witin nani Pita ra bara apastil wala nani ra sin makabi walan: —Muihki nani, ¿yang nani dîa daukaia sna ki?

Epesus 3:14

Baha tâwan Aisa mawanra luli krikisna,

Hibru Nani 10:11

Ju prîska nani bahara bûi yu bani prîs warkka ba daukisa, bara sin sakripaiska nani ba aima manis yabisa. Sakuna sakripaiska nani na mita saurka nani ba sip brih sakras kan.

1 Samuil 15:22

Bara Samuil bila win: “Dawan kau kanra yamni kaiki ba sika, witin ai bîla wali daukaia ba, daiwan wîna aiska angki sakripais nani dauki yaia ba lika apia; kanra yamni, witin ai bîla wali daukaia bara witin ra aman walaia, sîp wîna batanka nani bara sakripaiska nani dauki, prisantka nani yaia ba wal.