Miqueas 6:16 - DAWAN BÎLA AISKA

¹⁶ Man nani king Omrí lâka nani kat, baku sin Ahab kiamka warkka saura nani lâka kat nina bliki saura daukram. Witin nani dîa daukan baku man sin daukram. Bahamna man nani ba upla sâtka sut nakra ra diara saura mai kaikaia mai daukamna, bara bahki mai kulki lamwaska kiki kabia; upliki nani swira lâka kaia ba sut, man nani puramra kauhbia.”

Miqueas 6:16 ပူးပေါင်းရင်းမြစ်များ

1 King Nani 18:4

kan Jezabel bui Dawan prapitka nani ra iki tiki kata baha piua ra, Abdías bui prapit 100 brih, dakni wâl ra baiki saki, tasba unta ra yukuki bahara brit lî wal dakaki kan.

1 King Nani 9:8

Bara naha tempelka na sauhki tikanka tara kabia, bara upla nani bui wih kaiki tâ iwi bara lawaska kiki wibia, dîa muni Dawan naku pali naha tasbaya ra daukan bara naha watla ra sin.

2 King Nani 16:3

sakuna Israel kingka nani yabalka ra tauki kan, ai luhpia ba sakripais daukaia yaban, tasba wala nani Dawan yamni kaikras dukia nani dauki kan ba baku witin sin daukan, bara Dawan mita Israel luhpia nani ai mawan wina kangbi sakan.

2 King Nani 21:3

idan nani gâdka bahki watla nani ai aisika Ezequías mita sauhki tikan kata ba kli paskan; Baal altarka kata ba paskan, Aserá lilka sin kli daukan, Israel kingka Ahab daukan kata ba baku; baha sut purkara slilma nani kasbrika purara nani ra ba ra mayuni prias daukan.

2 Kronikas 34:25

Kan yang ra ai lulki swi bara sîka mâka kîa gâd bahki nani ra angki daukan bamna, yang maipara kupi tuskan lâka brih balan ai daukanka ba wal; baha mita kupi sauhkanka naha pliska ra balan, bara baha ba dasbia apia.

Lawana Nani 1:1

Yamni pali sa baha uplika, upla watawi nani lâka ra taukras ba, saurakira nani yabalka bâk sin waras ba, Gâd lawaska kiki banhwi ba tilara, aikuki prawi kikras ba.

Lawana Nani 44:13

Laimara iwi nani ra yaram, yang nani ra laihtubisa; yang nani kir iwi nani ra yaram laiwaska kiki bahki pali ai kulkisa.

Lawana Nani 44:14

Idan nani ba, yang nani laiwaska kikisa, upla nani ba yang nani ra ai kaiki ai lal wauhisa.

Aiseya 25:8

Ban kaia ra ban prura ra, Dawan mita sauhkan kabia; mawan nani wina, Dawan mita nakra laya nani sut diki sâkbia bara tasba aiska wina ai uplika nani swira lâka ba bri sâkbia. Dawan ba aisin.

Aiseya 9:16

Kan naha tawanka wihtka tara nani ba, upla ra kunin mamunra nani sa, bara witin nani tâ brabrira kum pliki kan ba tiwan sa.

Jirimaya 19:8

Naha tawanka tara na upla iwras tasbaya daukamna, sirang wan iki kaia bahmuna tânka baman bâra kabia. Ya sut bahak bal lui kabia ba sirang iwi tâ iwan ra baha sut sauhkan ba kaiki kabia.

Jirimaya 25:18

Bara Jerusalem ra yabri din Juda tawanka tara nani ra ba ra, king nani ra, wihta tara nani ra sin yabri diaia witin nani sauhki tikaia, bara baku sauhka ban swiaia, upla nani ra sirang iki sibrin dingki kaia, watawika lâka daukan patrangka naiwa kat baku ban sa.

Jirimaya 25:9

Nabucodonosor yang warkki dadaukra Babilon kingka ba, yahbra tani uplika nani ba sut balaia paiwisna, witin nani bal naha kuntrika ra upla nani sut iwi ba, nisan nani sut lamara ba wal iwi nani ba mapara sin. Witin nani ba sauhki âpu pali aiklabaia daukaisna. Baha nani ba sut sauhki âpu daukaisna. Baku sauhkan ban kaia swiaisna, sirang wan iki bara sibrin wan dingki kaia.

Jirimaya 29:18

War ni, sanglang ni, siknis ni yang bui witin nani ra blikaisna. Yang daukamna nisan nani sut ba mita witin nani ra diara saura kaikan wan daukras dukia baku daukamna, lahtuban swira daukan patrangka kum kaia daukamni, diara kum sirang wan iki sibrin wan dingki ba baku daukamni, nisan nani bani kaikbia witin nani ra yakabamna ba.

Jirimaya 51:51

Man nani aisisma: “Yang nani ra saura ai wi ba walisna ba swiri ai daukisa. Yang maiwan na swiri ai daukan lâka ni bikan, kan upla kakaira apia nani ba tempel bîla kau sunu pliska ba ra diman.”

Jirimaya 7:24

Sakuna witin nani bîli wali daukras, uni sin kahban daukras witin nani ba kiama karna takan, kupia lukanka ai saura brinka ra baman tniwan, bara baha mita brih wan. Yang ra kli tawi balaia watlika ra tawi ai kaikras mahka wan.

Inanka Nani 5:1

Âmya ra luki bas Dawan, dîa yang nani ra takan ba; tawi wan kaiks, bara kaiks nahki wan swira paski ba.

Isikiel 39:26

Yang kli asla daukamni, nisan tringsar tila wina bara waihla kuntrika nani ba wina sin; baku mika lamni lâka ra iwbia, klauna ai tasbaya ra, upla kum sin sirang ikbia apia. Baku marikamna holiki lâka ba, bara nisan ailal nani sin kaikaia sip kabia. Israel wina nani ba bahki kulkan lâka wauhbia, yang wal kasak apia kan bamna.

Daniel 9:16

Dawan, yang nani kaikisna man ba kupiam yamnikira pali sma. Bamna mamkabisna kupiam wilin kaka lawankam ba Jerusalem pura wina sâks, kan baha ba man tawankam sa, bara man ilkam holikira sa. Upla sât wala nani wan tawanka tnaya ra iwi nani ba kiki banhwisa Jerusalem ba dukiara, bara uplikam nani ba dukiara sin, yang nani bara wan almukka nani wal saurki ba mita.

Oseas 12:14

Efraín uplika nani mita kasak Dawan kupia sauhkan, munan kupia baiwanka ba tahpla takan. Baha mita Dawan bui witin nani ra munka, baha lâ krikanka nani daukan ba mana sut aibapbia. Dawan bui daukbia watawi nani sut daukan ba mana bara ai watawanka nani pali ba kli witin nani purara munka kauhbia.

Oseas 5:11

Efraín ba taiban lâka ni taibi brisa, ai raitka bri lâka ba sut krikan, witin nani mita ai raitka ba, gâd kuninkira nani atkan bamna.

Miqueas 2:6

Witin nani bui Dawan dahra aisi uplika nani ra wisa: “¡Man nani baku dahra aisapara! ¡Swira tara ba, yawan ra sip wan alkbia apia!”

Miqueas 6:13

Baha saurka nani daukisma ba mita, yang klala maikaisna; sauhki mai tiki diara âpu mai daukaisna.

Param Marikanka 2:20

Sakuna mampara diara kum brisna: baha mairka Jezabel wi ba man mita ban brisma, bara witin wisa Gâd prapitka kum sa. Ai smalkanka ni duki dadaukra nani ra kunin munisa rug lâka daukbia wisi, bara aidul nani ra sakripais daukan dukia nani sin pibia wisa.