Miqueas 6:10 - DAWAN BÎLA AISKA

¹⁰ Watawikira nani, ai watla bîla ba impliki brin dukia nani ni banhkisa; bara yang kau saura pali kaikisna ba, witin nani paun ra diara paun muni impliki ba.

Miqueas 6:10 ပူးပေါင်းရင်းမြစ်များ

Sins Lâka 10:2

Wan yuyaka nani lâ watawi mita kukan ba, wan hilpka kabia apia sa, sakuna kasakka lâka lika, prura wina wan dakbi wan sakisa.

Sins Lâka 11:1

Paun kunin mangki ba lika, Dawan nakra ra saura pali kaiki kan, kuna paun kat kasak mangki ba, yamni kaikisa.

Sins Lâka 20:10

Paun kuninkira, kunin kulki ba sin baha, wâlsut Dawan bui saura pali kaikisa.

Sins Lâka 20:23

Dawan lika paun kuninkira nani ba saura pali kaikisa; bara paun mangkaika kuninkira ba sin pain apia sa.

Sins Lâka 21:6

Kunin lâka ra dukia kukan ba bribia kaka, lilka kasak apia bahki lupia baku baha nani wina prura baman pliki ba.

Emus 3:10

Dawan kasak aisisa: “Baha uplika nani ai watla tara pranakira bilara iwisa, sakuna wapni, lâ kat iwi kaia ba tânka briras; ai watla tara nani ba ra auhbi banhki brisa impliki brin dukia nani ni.”

Emus 3:9

Asdod bara Idsip tasbaya nani ra, lâ watla tara nani bâra ba bilara upla nani ba ra, naha bîla dahra na aisas, witin nani walbia: “Man nani Sameria ilka nani ra uli bal kaiks, nahki bahara lâ kat apia, warha baman iwi ba kaiks, bara unsaban lâka nani bahara uba pali dauki ba, baha mita upla nani pât wahwi ba.”

Miqueas 6:9

Dawan bîla baikra ba, upla nani ra winisa; bamna aitani pali sa bawikira witin ra ai bîla wali kaia: “Tawan tâ uplika nani, upla sut sin, naha na aman wals:

Sofonías 1:9

Baku sin baha nani dur purak pâli dimi nani ba, bara baha nani kunin aisi implikan dukia nani ni, ai dawanka watla banhki nani ba sin, klala yabamna baha yua ra.”

Sakaraya 5:6

Bara yang bui witin ra makabi walri: “¿Baha ba dîa?” Witin pana ai win: “Baha sika diara kulki kaikanka tânka kum. Naha kuntrika uplika nani saura daukan ba kulki kaikanka.”

Jasua 7:1

Sakuna waitna kumi bâra kan, Juda taika tila wina, nina ba Acán, Carmí luhpia waitna, Zabdí mulika bara Zérah snawika. Diara nani sut sauhki tikaia kan ba tila wina witin diara nani ba brin, bamna baha daukan ba tâka Israel luhpia nani sut Dawan mawanra pâtkira kulkata, kan Dawan bui witin nani ra pat kasak win kata diara sut sauhki tikaia. Baha tâwan, Dawan kupia baiwanka ba witin nani mapara balan.