Miqueas 5:8 - DAWAN BÎLA AISKA

⁸ Jekob kiamka kau swin nani ba lika, nisan nani ailal tilara layan tara kum unta daiwra wail nani tilara tauki ba baku kabia; âu, layan kum sîp daknika nani tilara dimi tauki ba baku sin. Bara baha nani ra rausauhki ba, baha nani kumi sin swak takras sut kat ikisa.

Miqueas 5:8 ပူးပေါင်းရင်းမြစ်များ

Blasi Sturka 49:9

Juda, man, yang luhpi. Man ba layan luhpia kum ai daiwra ikan ba pi si, ai lal makupi bara bawi ba baku sma, layan tara bawi ba baku. ¿Bara ya sin witin ra munka mahka bubia?

Lawana Nani 104:20

Man tihmia tara tihmuka ba blikisma, bara unta ra daiwan nani ba bal takisa.

Lawana Nani 44:5

man karnikam ni, waihli nani pura lui taibri; ¡man ninam brih mapara aiklabi nani kan ba, mini ra taibri!

Lawana Nani 50:22

“Man nani naha tânka na pain bris, man nani Gâdkam ra âmya tikisma ba, yang wînam ba yuya baman mai daukras sna ba ra, baha mai daukamna bara upla kumi sin mai dakbi mai sakaia âpu kabia.

Sins Lâka 30:30

Layan tara ba, daiwan tara kau sibrinkira pali ba, daiwan wala nani sut mawan wina ai ninara tawras, mawan wina sin plapras;

Aiseya 5:29

witin uhbi ba layan baku kabia, ai napa nani arkbia, daiwan kum ra pâli prak alkbia baku, swiaia tânka âpu, upla kumi sin witin ai bîla wina dakbi sâkbia apia.

Isikiel 39:10

Man nani pauta wahbaia insla ra wama apia, unta wina klakaia sin apia, kan baha aiklabaia dukia nani ba pauta baku yus munbia. Baku nanara ai dukia nani implikbia, upla wala dukia implikata ba baku, ai mihta dakbia; witin nani bui upla wala mihta dakbata ba. Yang, Dawan, kasak aisisna.

Oseas 5:14

Layan kum daiwan ra alki ba baku, yang Efraín bara Juda ra alkamna; yang bui witin nani ba alki, yuya man dauki si swih mahka wamna; witin nani ba raski brih wamna, bara upla wala âpu kabia, yang wina dakbi sakaia.

Miqueas 2:12

Âu, yang, Jekob uplika nani sut asla daukamna; Israel luhpia nani kau bâra swin ba, yang asla wahbamni. Sîp daknika baku klar kum ra asla daukamna, sîp ailal twi tasbaya ra bâra ba baku, bara upla ailal bin dauki ba baku daukbia.

Miqueas 4:13

Dawan aisisa: “¡Saion uplika, man nani mahka bus, waihlam nani ba rausauhks! Bîp wainhka ayan aringka nani bri, bras sûska nani sin bri ba karnika baku, karnikam maikamna. Bara upla kiamka ailal sauhki tikma; witin nani bui upla dukia kukan nani sut mihta dakbi brin kan ba, baha kli witin nani wina dakbi yang ra aikma, tasba aiska Dawanka sna bamna.”

Miqueas 5:3

Bamna nanara, Dawan bui ai uplika nani ba lulki swisa, sakuna mairin ai luhpia baikbia bîla kaiki ba baikbia ba kat. Baku bamna, Israel luhpia nani, kuntri wala ra swin aikuki, kli wal asla taki banhbia.

Miqueas 7:18

Man wal baku Dawan wala âpu sa, kan uplikam kau swin ba mampara buan ba bara saurka ba sin ban swih tikisma. Man kupiam baiwanka ban pali alki briras sma, sakuna lilia sma kupiam pihni lâka ban mariki kaia.

Sakaraya 10:5

Suldiar baku kabia, kan war aiklabi taim slaubla ai mina ra taibi ba baku witin nani ai waihla nani ra taibia; aiklabi banhwi kabia, kan Dawan ba witin nani wal sa bamna. Bara aras ra uli aiklabi nani ba swira daukbia.

Sakaraya 11:6

Bamna baha natka ra, yang sin naha kuntrika ra iwi uplika nani mapara kupi swapni daukamna apia, sakuna uplika nani kumi bani ba, ai uplika nani mihta ra, ai kingka mihta ra mangkamni. Baha nani mita tasbaya na sauhkbia, bara yang lika upla kumi sin witin nani mihta wina swaki sakamna apia. Yang, Dawan, kasak aisisna.”

Sakaraya 12:3

Baha piua ra nisan nani sut dukiara Jerusalem ba walpa wirha pali daukamna. Ani nisanka baha bukaia munbia ba latwan bribia. Nisan nani sut asla taki Jerusalem mapara bubia,

Sakaraya 14:18

Idsip uplika nani waras kabia kaka, Dawan mita witin nani ra klala yabia, baku natka ra ani nisanka wala nani sin Utla Papakni liliaka daukaia waras kabia nani ba sin klala yabia.

Sakaraya 9:15

Dawan, karnika sut bri ba mita, ai uplika nani kan kahbia, bara praukpraukia lalulkra nani walpaya ba ai mina ra taibia, bara ai waihla nani ba langki pibia; tâlia ba wain baku witin dibia, kâp tara kum baku witin nani ba banhki takbia, aringka nani altar purara tala laiki kahbi swin ba baku.

Malaquía 4:3

Baha piua ra yang ridi daukisna ba ra, man nani mita watawikira nani ba, tasba yuya baku minam ra taima.

Kulki Kaikanka 24:9

Witin nani ba bahara yapisa layan baku, upla kumi sin wih rakaia munbiara. ¡Yamni mai muni uplika ba, yamni munan kabia, lahtubi mai munbia uplika sin, lahtuban kabia!”

Matiu 10:14

Bara utla kum ra, apia kaka tawan kum ra pain mai briras bara mai walras kaka, baha tawanka wina taks, bara tasba yuya minam ra ba siauhbi sâks.

Apastil Nani Sturka 18:6

Sakuna witin nani mahka pali bûi, witin mapara swira bîla nani aisin. Bara Pal ai kwalka singbi sain kum yan, nahki witin nani tila wina taki auya ba, bara sin win: —Man nani tanis tiwma kaka, baha lika man nani pali pâtkam sa, yang laila purara baha pâtka âpu sa. Bamna naiwa na wina yang lika Ju apia nani tilara auna.

Hibru Nani 12:25

Baha mita, aman kaiki bas, bara witinka wan aisi ba ra walaia apia lika wipara. Baha nani ba witinka naha tasba ra Gâd dahra aisi kan ba ra walaia apia win ba, swak takras kata; baku bamna, yawan pali lika kau swak takbia apia, witinka kasbrika purara wina wan smalki wan aisi bara wan nina laki tris tawbia kaka.

Hibru Nani 2:3

Baku bamna, ¿nahmuna swaki sakan lâka tara pali na alki briras ban pali swibia kaka, yawan na nahki swak takbia ki? Dawan pali mita naha swaki sakan lâka na pas dahra aisan, bara baha ningkara, witin ra walan nani ba yawan ra latan wan marikan baha ba kasak pali sa.