Miqueas 5:2 - DAWAN BÎLA AISKA

² Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Miqueas 5:2 ပူးပေါင်းရင်းမြစ်များ

Blasi Sturka 35:16

Baha ningkara witin nani Betel wina wan. Sakuna Efrata ra dimaia lika kau wihka kan, baha yabalka ra Raquel ai luhpia baikan; sakuna witin prura bîla wina tukta ba brin.

Blasi Sturka 35:19

Baku sika Raquel pruan bara Efrata yabalka lamara bikan. Bamna nanara baha pliska nina ba Betlehem mâkisa.

Blasi Sturka 48:7

Yang Padán-aram wina tawi balri ba ra, yaptikam Raquel, Efrata ra dimaia lamara, Kenan kat pruan. Bara Efrata yabalka kat bikri, nanara baha pliska nina ba Betlehem mâkisa.

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

1 Kronikas 2:54

Salmá luhpia nani ba sika Betlehem, Netofá uplika nani, Atrot-bet-joab, Manáhat uplika nani bakrikika ba, Sorá uplika nani,

1 Kronikas 4:4

Naha nani sika Hur luhpia nani, witinka lika Efrata luhpia waitna tawahkia ba, Betlehem aisika kan ba.

Lawana Nani 132:6

Efrata ra aisi kan walri, Dawan lâka auhbaika watla ba dukiara, bara yang nani Jáar twiya langnika ra sakri.

Lawana Nani 90:2

Il nani ba kau paskras kan wina, tasba na bara tasba aiska sin kau daukras kan ba ra, piua nani sut wan kanra aula ba ra, man ban wan Gâdka sma.

Impakan Sturka 18:21

Man daukaia sma ba, upla nani tila wina pliki sâks waitna sip nani ba, Gâd sibrinka bri, kunin lâka wal iwras nani ba, ai mana saki briaia natka ra saura dauki pura praki hilp briaia lihkras uplika ba. Bara witin nani kum ra yas upla 1,000 lâka dauki kaia, wala ra upla 100 lâka dauki kaia, wala ra upla 50 lâka dauki kaia, bara wala kum ra upla matawalsip lâka dauki kaia.

Impakan Sturka 18:25

Israel luhpia nani tila wina waitna nani kau sip nani ba bâk kulki sakan, bara witin nani ra karnika yaban, upla daknika nani purara lâ daukaia. Kumi ra upla 1,000 nani yan, wala ra upla 100 nani, wala ra upla 50 nani yan bara wala ra upla nani matawalsip yan lâka daukaia.

Aiseya 11:1

Jesé plamaika ba wina, tnawa kum bal takbia, wakia nani ba wina sin tnawa urhwi takbia.

Aiseya 53:2

Dawan ba ai brinka sa ai dukia dadaukra ba, dus disang swap pâwi ba baku pâwaia ai wakia tasba lâwan ra alki ba baku. Mawan painka âpu, prana sin âpu; yawan bui witin ra kaikbia ba ra, yamni kaikaia tânka âpu kabia;

Aiseya 55:4

Kaiks yang bui witin ra yâri upla nani sut ra witnis aisaia, tâ uplika kaia, bara nisan nani smasmalkrika kaia.

Aiseya 7:14

Bahamna Dawan witin bui, man nani ra sain kum mamrikbia: Kaiks tiara ba kwihra sa, bara ai luhpia waitna kum sâkbia, bara ai nina ba Imaniuel mâkan kabia.

Jirimaya 30:21

Witin nani ai tila wina wihta sâkbia: wihta tara kum witin nani tila wina bal takbia. Yang laima kat balaia daukamni, bamna, ¿ya kupias taki laimara balaia sip sa? Witin nani ba yang upliki nani kabia, yang sin witin nani ai Gâdka kamna. Yang, Dawan, kasak aisisna.”

Oseas 6:3

¡Yawan karna wapi kap, Dawan kakaira takaia! Dawan yawan ra balbia, kasak pali titan yu baiwi uli baku, kasak pali lî auhi tasba buski ba baku mani lapta luan, lî auhaia piua ra baku aula.

Emus 9:11

“Debit tintka watla kauhan ba, kli bukaia yua ba aula. Tnaya kutbanka ra unta takan ba paskamni, slingwanka nani ba sin bukamna, witin raya kan piua ra kata ba baku kli paskamni.

Miqueas 4:10

Saion tawanka, latwan saura brih ini bas, mairin luhpa baikaia latwanka brih ini baku, kan nanara man nani tawankam wina mai kangbi mai sakuya, bara twi tasbaya ra iwi kama, ban Babilon kat mai brih wabia. Sakuna baha kat pri takma, kan bahara sika Dawan bal waihlam nani mihta wina mai dakbi mai sâkbia.

Sakaraya 13:7

Dawan karnika sut bri ba, kasak aisisa: “¡Sord, bus, sepadki ba mapara hilp ai muni ba mapara sin! ¡Sepad ba iks, bara daknika ba yakabrira takbia, bara yang sin sîpki lupia nani ba mapara buamna!

Sakaraya 9:9

¡Liliam pali bas, Saion tawanka! ¡Âmyapah kira aiwans, Jerusalem tawanka! Kingkam man nani ra aula; kasakkira, pura lalura, sakuna bawikira, biriku kum ra uli aula, biriku kum, biriku luhpia ra uli aula.

Matiu 2:1

Jisas ba Judia tasbaya ra tawan kum nina Betlehem wi ba ra aisubi takan. Baha piua ra Herod lika baha kuntri kingka aimaki kan. Bamna laih lalma wina Jerusalem tawanka ra waitna sinskira nani balan,

Matiu 2:6

“Bamna man, Betlehem, Juda tasbaya ra, Juda wihtka nani tilara man ba kau sirpi pali apia sma, kan man wina wihtka tara kum takbia, bara witin mita upliki Israel luhpia nani ba tâ bri kabia.”

Matiu 28:18

Bara Jisas witin nani lamara bal, naku win: —Karnika sut yang ra aikan sa, kasbrika purara bara tasba ra.

Luk 23:2

Bahara witin nani mahka Jisas dahra saki, naku wisata: —Yang nani naha waitnika na saki banhri wan uplika nani kupia warbi muni kan. Witin bila, Rom kingka Sisar ra lal mana aibapi banhwamna apia, bara sin wisa witin ba Misaya, wibia kaka, king kum sa.

Luk 23:38

Wauhtaya kumi ulbi witin lal purara mangkan kata ba ra baha ba naku kata: “Naha sika Ju nani kingka.”

Jan 7:42

Ulbanka ba wisa Misaya ba king Debit kiamka wina kaia sa, bara sin Betlehem ba wina kabia, baha sim pliska ba sika Debit Tawanka ba.

Kli Smalkanka 1:15

“Bamna man nani kiamkam tila wina waitna kau sinskira nani ba, bara pat wark dauki tânka bri nani sakram ba, yang bui witin nani ra karnika yabri, man nani puramra tâmra kaia. Tila nani ba, upla 1,000 tâ briaia yabri, wala nani 100 upla tâ briaia, wala ra 50 upla tâura kaia, bara wala nani ba upla matawalsip tâ briaia, baku sin kau wala nani ba kiamka 12 nani ra tâ briaia mangkri.

Kolosi 1:17

Kraist ba diara nani sut kau âpu kan ba wina pat bâra sa, bara diara nani sut witin mita aitani kat brisa.

Hibru Nani 13:8

Jisas Kraist ba lika sim ban sa, nahwala, naiwa bara ban kaia ra.

Hibru Nani 7:14

Upla sut kaikisa, wan Dawan ba Juda taika wina takan, bara Moses ba prîs nani dukiara aisin ba ra, naha taika dukiara diara kum pan aisaras kata.

1 Jan 1:1

Diara nani sut mahka tâ krikan piua ra pat paskan bâra kan ba dukiara man nani ra ulbisna, yang nani kiaima ni dîa walri ba bara naikra ni dîa kaikri ba. Kan yang nani naikra pali ni kaikri bara mihti pali ni sin alki banhri. Baha sika Raya kaia Bîla ba.

Param Marikanka 19:16

Ai kwalka ra bara ai kuhma purara naha nina ulban kan: “King nani Kingka bara dawan nani Dawanka.”

Param Marikanka 2:8

“Esmirna sertska insalka ra sin ulbi wis: ‘Tâ ba bara tnata ba sin, witinka pruan bara kli raya ba mita, naku wisa:

Param Marikanka 21:6

Baha ningkara ai win: “Pat daukan sa. Yang sika A ba bara Y ba. Ya diran dauki ba, yang raya kaia laya kârma ba wina yârika dibia, baha ba mana âpu pri pali.

Wihta Nani 17:7

Betlehem tawanka ra wahma tringsar kumi watauki kan, Juda kiamka ba tila wina, witin ba Libait kum kan.

Rut 1:1

Israel wihtka nani bui tâ bri kan ba piua ra, plun tiwan tara bâra kan tasba aiska ra. Bara Betlehem waitnika kum Juda tasbaya wina bal iwan, nina ba Elimélec, piua prahni kum Moab tasbaya ra takaskaia wan. Witin ai maya Noemí bara ai luhpia waitna nani Mahlón bara Quilión aikuki wan. Witin nani sut lika tawan almuk Efrata uplika kan, baha ba Betlehem Juda tasbaya kata. Bara witin nani Moab tasbaya ra bal takaskan.

Rut 4:11

Almuk nani ba bara upla wala nani ba sut sin aisin: —Âu, witniskam nani sna. Sakuna Dawan sin Rut ra tâ baikbia Raquel bara Lea wal ra daukan ba baku, witin nani wina Israel luhpia nani bal takan. Bara man sin Efrata Betlehem wal tilara upla tara mai kulkan kabia.

1 Samuil 10:19

Sakuna nanara man nani Gâdkam lulki swisma, sarkam lâka trabilkam nani sut wina witin pri mai sakan, sakuna nanara man nani wisma: ‘King kum mangki aik, yang nani purira aimakbia.’ Bamna nanara Dawan mawanra bal upla kiamka nani sut, taika kumi bani kiamka nani sin.

1 Samuil 17:12

Waitna kum bâra kan Betlehem wina, nina Jesé, Saúl piua ra witin pat almuk kan. Naha waitna ai luhpia 8 bri kan, witin nani kumika ba Debit.

1 Samuil 17:18

Naha kwahadu matawalsip na sin brih was, bara kamandanti ba ra yas. Muihkam nani ba sin pain laki kaiks, witin nani ba nahki sa sapa. Bara kli balma taim sturi kasak ba ai wis, witin nani ba kaikram ba ra, pain sa sapa.

1 Samuil 23:23

Witin bâra yukuwi untika nani ba sut pain pliki laki kaiks, bara sturi kasak ba brih yang ra kli bal, bara yang lika man nani wal wamna. Kasak pali witin baha tasbaya ra bâra sa kaka, Juda masraka kumi bani wîna kat kat pliki kaikamna.

1 Samuil 8:12

Tila nani ba 1,000 lalka kaia mangkbia, baku sin 50 nani lalka kaia sin mangkbia. Insla dadaukra daknika sin bribia, war ra aiklabaia dukia nani paskaia daknika sin sâkbia.