Miqueas 5:11 - DAWAN BÎLA AISKA

¹¹ Man nani tasbayam ra tawankam tara nani ba sin sauhkamna, kan kahbaikam pliska nani ba sut batakamna.

Miqueas 5:11 ပူးပေါင်းရင်းမြစ်များ

Aiseya 1:7

Tasbayam ba sauhkan sa, upla iwras tasbaya baku swin, tawan tara nani ba angkan amisa. Man nani kaikisma waihlam nani bal man nani mangkram ba bri pîsa, upla iwras tasbaya baku sa Sodoma slingban kan ba baku.

Aiseya 2:6

Dawan, man bui Jekob watla uplika nani ba lulki swiram; tasbaya ba sukia nani banhwan, lalma tasbaya wina balan, filisteo nani tilara bâra ba baku, kiamka wala nani aikuki pain kaia lâka ba daukisa.

Aiseya 27:9

Sakuna, Jekob watawanka nani ba ban swih tikan kabia, bara naha nani taki ba tilak, witin ai saurka nani daukan ba ban swih tikan kabia: gâdkas nani altarka ba sut sauhki yuya baman daukbia. Kal walpaya akbi ba baku, Aserá lilka baha altarka ra kîa yamni angki yabi ba sut, âpu daukbia.

Aiseya 6:11

Bara yang bui witin ra makabi walri: “¿Ahkia kat kabia, Gâd?” Witin pana yang ra ai win: “Tawan tara nani ba bîla man, upla iwaika sin âpu takbia ba kat utla bilara upla âpu kabia; bara tasba ba sin upla iwras tasbaya baku bîla man takbia ba kat.

Inanka Nani 2:2

Dawan mita Jekob watla nani sut sauhki tikan sa, umpira kaikras kira; ai lawanka nani wal Juda pranakira kan kahbaika pliska nani sut sauhki tikan sa; ai wihtka tara nani bara kingka nani sin tasba kat batakan sa, swira lâka ra.

Isikiel 38:11

Wima: Kuntri kum sip apia ba purara kauhamna, upla nani laman lâka ra, ai dara walras iwi nani ra, kuntri tara kutbanka âpu ra, get ba prakbia apia.

Oseas 10:14

bahamna uplikam nani tilara unsaban bâra kabia, bara kan kahbaika pliskam nani ba sut bîla baman dauki swin kabia, king Salmón Bet-arbel ra war aiklaban yua ra âpu dauki swin ba, mairin nani luhpia nani aikuki iki âpu daukan ba baku.

Sakaraya 4:6

Bara witin naku ai win: “Naha bîla sika Dawan mita Zorobabel ra aisi ba: ‘Aiklabaia daknika ra luki tniwpara, man karnikam ra sin apia; ban sakuna, yang Spiritki ra luki tniws. Karnika sut bri ba Dawanka aisisa.,