Miqueas 4:2 - DAWAN BÎLA AISKA

² upla sâtka nani ailal naku aisi balbia: “Bal, man nani, kaisa Dawan ilka ra uli wap, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan lika witin ai yabalka nani ra wapbia.” Kan Saion wina sika Dawan lâka smalkanka nani ba bal takbia, âu, Jerusalem wina ai aisanka balbia.

Miqueas 4:2 ပူးပေါင်းရင်းမြစ်များ

Lawana Nani 110:2

Saion wina, wapaikam dusa ba, Dawan maikisa baha karnika brisma ba sainka. ¡Waihlam nani ba taibi bas!

Lawana Nani 119:1

Lilia pali sa, baha nani ai yabalka ra tâski âpu impaki nani ba; bara Dawan smalkanka nani nina bliki ba.

Lawana Nani 119:171

Mayunan lâka ba bîli wina takbia, man bui lâmka nani ai smalkram bamna.

Lawana Nani 122:1

¡Nahki lilia takri witin nani ai win ba wal: “Kaisa Dawan watla ra yawan waia!”

Lawana Nani 25:12

Ani uplika Dawan ra pain kulki ba, Dawan ai yabalka ba, baha uplika ra marikisa anik waia ba;

Aiseya 2:3

upla sâtka nani ailal ba aisabia: “Bal, man nani, kaisa Dawan ilka ra uli waia, Jekob Gâdka ra pura sunaia watla ba kat; witin sin ai yabalka nani natka dukiara wan smalkbia, bara yawan, witin ai yabalka nani ra wapbia.” Kan Saion wina sika, Dawan lâka smalkanka nani ba bal takbia, Jerusalem wina ai bîla balbia.

Aiseya 54:13

Bara luhpiam nani sut ba, Dawan mita ai bîla ba smalkbia; bara witin nani sut pâwanka tara pali bribia.

Aiseya 56:7

yang bui witin nani ba ilki holikira ra brih wamni, yang ra ai pura sunaia watla ra witin nani ba bri balamna lilia kaia daukamni. Altarki ra daiwan aiska angki sakripaiska nani dauki ba sin yang brimna. Kan waitla ba wan pura sunaia watla mâkan kabia upla nani sut ba dukiara.

Jirimaya 31:6

Bamna balbia yua kum aihwawakra nani ba Efraín ilka wina wini kabia: ‘Man nani bal, kaisa Saion ra, wan Dawanka Gâd ra.’ ”

Jirimaya 42:3

Dawan Gâdkam ra puram suns yang nani nahki dauki waia yabalka ba mairikbia.

Oseas 6:3

¡Yawan karna wapi kap, Dawan kakaira takaia! Dawan yawan ra balbia, kasak pali titan yu baiwi uli baku, kasak pali lî auhi tasba buski ba baku mani lapta luan, lî auhaia piua ra baku aula.

Sakaraya 14:16

Baha taki lubia ba ningkara, Jerusalem mapara aiklaban uplika nani pruras raya kau swin kabia nani bani Jerusalem ra wabia King, karnika sut bri ba Dawanka ra mayunaia bara Utla Papakni liliaka ba sin dauki kaia.

Sakaraya 2:11

Baku takbia ba ra, upla kiamka ailal Dawan wal asla takbia. Bara Dawan naku wibia: “Baha uplika kiamka nani sin, yang upliki nani kabia, bara yang lika man nani tilamra iwi kamna.” Baku man nani sin tânka brima, karnika sut bri Dawanka ba mita ai blikan ba.

Sakaraya 9:10

Witin mita Efraín waginka nani ba sauhki tikbia, Jerusalem ra araska nani ba bara war aiklabaia pantamangkika nani ba sin. Kupia kumi lâka ba nisan nani ra wibia; bara kabu kum wina, kabu wala kat king aimakbia, Éufrates awala wina ban tasba aiska pali ba kat.

Mark 16:20

Bamna disaipil nani mahka taki, sturi yamni ba plis sut ra aisi smalkan. Dawan sin witin nani ra hilp muni kan, bara ai smalkanka, sain nani taki ba mita, tâ baiki kan.]

Luk 24:47

bara ai nina ba nisan nani sut ra aisi smalkan kabia, Jerusalem ba wina tâ krikaia baha nani ra sin wiaia, ai saurka nani ba wina ai kupia lakbia, bara baku mika ai saurka nani ba sut swin tikan kabia.

Jan 6:45

Prapit nani wauhkataya ra naku wisa: ‘Gâd mita upla sut ra smalkbia.’ Baku bamna, Aisa ra wali uplika nani ba, witin ba wina lan taki yang ra aula.

Jan 7:17

Upla kum Gâd want ba dukia daukaia lukisa kaka, witin kaikbia smalkanki nani ba, Gâd wina apia kaka, yang yakan kupi wina saki smalkisna sapa.

Apastil Nani Sturka 1:8

Sakuna man nani puramra Spirit Holikira balbia ba ra karnika brima, bara yang dukira witnis nani kama Jerusalem ra, Judia tawanka aiska ra, Sameria ra, ban wan tasba wala ra kau laihura ba kat sin.

Apastil Nani Sturka 13:42

Pal ai uplika nani aikuki Ju nani Ju nani priaska watla wina takan ba ra, Ju apia nani mita win, ris yua wala kli bal baha sturka yamni ba witin nani ra kli smalkbia.

Roman 15:19

Wark aihka nani bara sain nani karnika ba ni, Gâd Spiritka karnika ba mita sin, Kraist swaki wan saki sturka ba baku natka ra smalkaia sip kapri, ban Jerusalem wina bara sim baku plis wala nani sut ra, bara Iliria tasbaya kat sin.

Kli Smalkanka 6:1

“Naha sika lâ nani ba, lâ nani bara diara daukaia lâka nani ba, Dawan Gâdkam mita man nani ra mai smalkaia ai win ba, baha kuntrika ba man nani pliskam brima ba ra lâka nani na daukaia.