Miqueas 4:10 - DAWAN BÎLA AISKA

¹⁰ Saion tawanka, latwan saura brih ini bas, mairin luhpa baikaia latwanka brih ini baku, kan nanara man nani tawankam wina mai kangbi mai sakuya, bara twi tasbaya ra iwi kama, ban Babilon kat mai brih wabia. Sakuna baha kat pri takma, kan bahara sika Dawan bal waihlam nani mihta wina mai dakbi mai sâkbia.

Miqueas 4:10 ပူးပေါင်းရင်းမြစ်များ

2 King Nani 20:18

Bara man kiamkam nani man wina takbia ba, tila wina sut sin Babilon ra brih wabia, bara ai mahbra nani ba saki king watla ra alba bri kabia.’

2 King Nani 25:4

Bara kutbanka ba ra unta kumi klauhbi war aiklaklabra nani ba sut taki plapan. Yabal dimaika kutbanka wâl bâk witin nani taki plapan tihmia ra, naha ba king watla latka lama kat kan. Caldea uplika nani ba lika tawan ba ban kutbi bri kan, bara aiklaklabra nani ba Jordan ilka bîla tani ra impakan.

2 Kronikas 33:11

Baha mita Dawan bui witin nani ra brih balan, Asiria kingka war wihtka nani, bara baha nani mita Manasés ra kiulh wal alki, bara bras sînka nani wal wilkan bara Babilon ra brih wan.

2 Kronikas 36:20

Baha ningkara raya kau nani ba Babilon ra alki brih wan, bahara ai albika daukan, witin ai luhpia nani albika sin, Persia uplika nani ai karnika brin ba kat,

2 Kronikas 36:23

“Ciro, Persia kingka, naku lâ mangkisa: Dawan ba, kasbrika purara nani Gâdka ba, yang mihti ra mangkan sa tasba ra king nani ba sut, bara sin ai win sa ai tempelka kum Jerusalem ra paskaia, baha lika Juda tasbaya pîska ra. Baku bamna, man nani tilamra Dawan uplika sma kaka, bahara was bara Dawan Gâdkam bui hilp mai munbia.”

Lawana Nani 106:10

Baku witin nani swaki sakan, ai waihla nani mihta wina, misbara kaiki kan nani karnika wina sin.

Aiseya 43:14

Dawan, Israel Gâdka Holikira ba, witin mita pri sakan ba, aisisa: “Upla nani Babilon ra blikamna, man nani swaki mai sakaia tâwan bara yang daukamna get nani ba sut param sakaia, Caldea uplika nani liliaka ba sari ra tawaia.

Aiseya 45:13

Yang mita Ciro ra param takri bara pura luaia, ai yabalka nani sut ba wapni daukamni, witin bui yang tawanki ba paskbia, upliki nani priski brih wan ba lanhkbia, lalah mana sin apia, prisant, Israel wala mana sin apia.” Dawan karnika sut bri ba aisin.

Aiseya 48:20

Babilon wina man nani bal taks, Caldea uplika nani tila wina plaps, liliakira wal naha sturka nani wis upla sut ra, bara brih was tasba tâ wala pali kat. Wis: “Dawan ba pri sakan ai dukia dadaukra Jekob ra.”

Jirimaya 13:4

“Maisa wila atki wilki brisma ba bris, bara was Éufrates awala un ra walpa untika kum ra yukuki swis.”

Jirimaya 15:21

Watawikira nani karnika ba wina pri mai sakamna, ¡sasauhkra nani karnika ba wina swaki mai sakamna!”

Jirimaya 29:20

Man nani, yang bîli ba wals, man nani sut Jerusalem wina mai saki Babilon ra mai blikri ba.’)

Jirimaya 4:31

Saion inanka nani ba, mairin kum aimahsi luhpa baikaia ai mamna lulki ini ba baku; inanka ba walisna, ai klahkla nani ba sakbisa bara aisisa: ‘¡Alai! ¡Diara saura pali yang ra takuya! ¡Upla âikra nani ai ikaia aula!’ ”

Jirimaya 48:41

Tawan tara nani bara kan kahbaika pliska nani sin waihla nani bal bribia. Baha yua Moab ra aiklaklabra nani ba mairin luhpa baiki tatatwi ba baku kabia.

Oseas 1:10

Yu kumi, Israel luhpia nani ba, auhya ailalka kabu un ra ba baku kabia, upla kumi sin, witin nani ba sip kulki sâkbia apia. Witin nani ra “Man nani ba upliki nani apia sma” wiaia watlika ra, Dawan bui wibia: “Man nani ba, Dawan raya ban bâra ba luhpia nani sma.”

Oseas 13:13

Israel aisubi takaia piua ba aimakan, kuna tukta waitna skahwa aihwa kum ai wapnika ra aimakaia ba kat sin sip apia sa, aisubi takaia yabalka kat aimakaia.

Oseas 2:14

“Yang bui witin ra laik takaisna: twi langnika tasbaya ra bri si, ai kupia kat aisamna.

Miqueas 5:2

Bara man, Betlehem Efrata, Juda uplika tawanka nani tilara, tawan sirpi pali sma; ban sakuna, Israel wihtka tara ba man nani tilam wina bal takbia, witin ba kiamka kulkanka blasi pali yua wina aula sa.”

Miqueas 5:3

Bamna nanara, Dawan bui ai uplika nani ba lulki swisa, sakuna mairin ai luhpia baikbia bîla kaiki ba baikbia ba kat. Baku bamna, Israel luhpia nani, kuntri wala ra swin aikuki, kli wal asla taki banhbia.

Param Marikanka 12:14

Sakuna mairin bara yakal tnawa tara wâl yan kan, upla iwras tasbaya pliska ba ra pâli wabia wisi; mani yumhpa pura bakriki witin ra plun dakaki kaia kan ba pliska ra, piuta ba wina laihura bâra kaia.