Miqueas 2:8 - DAWAN BÎLA AISKA

⁸ Man nani lika yang upliki nani mapara buram. Waitna nani war aiklabi si ai watla ra aula kan ra, ai kwalka manakira mihta dakbi briram, baha nani pât swakwan luki kan ba.

Miqueas 2:8 ပူးပေါင်းရင်းမြစ်များ

2 Samuil 20:19

Israel tawanka nani tilara, yawan wan tawanka na kumika ai tânka kasak brisa, lamni lâka bara kupia kumi lâka, ¡baha sika kau tara ba! Ban sakuna man ba ban sauhki tikaisma. ¿Dawan dukia ba dîa muni sauhki tikaisma?

Lawana Nani 55:20

Ai uplika nani mapara ai mihta bukisa, wan uplika lâka ra pramis daukan ba kat sin daukras.

Aiseya 9:21

Manasés mita Efraín ra sauhki tikisa, Efraín mita Manasés ra, bara wâlsut Juda mapara buisa. Ban sakuna baha sut ba mita Dawan kupia baiwanka ba takaskbia apia, ai mihta bukan ba ban sa.

Jirimaya 12:8

Naha tasbaya, yang upliki nani kata ba, nanara yang maipara layan kum unta ra bâra ba baku takan; yang maipara uhbisa, baha tâwan misbara kaikisna.

Miqueas 3:2

Sakuna man nani lika yamni ba misbara kaikisma, bara saura ba latwan kaikisma; upliki nani dusa ba raya taya takbi, wîna ba kalki saki dusa baman dauki swisma.

Miqueas 3:3

Upliki nani ra raya kan pîsa, ai taya kalki sakisa, bara dusa nani ba sin krikisa; sim wîna dikwa ra auhbi piakaia klaki dauki ba baku daukisa.

Miqueas 7:2

Naha tasba ra upla kasakkira nani, Gâd wal wapni ba âpu takan sa, sakuna kumi bani ba, upla tâlia laikaia baman aihwaki kaikisa; kumi bani ai muihni mina ra alki batakaia kiwka nani mangkisa.

Miqueas 7:3

Witin nani lika, diara saura daukaia smasmalkrika nani sa; wark lalka tara nani ba, pana yabia dukiara taibi munisa, lâ dadaukra nani ba ai mana tara kulki implikisa; upla tara karnika bri ba sin, ai kupia brinka ba kat baman lâ nani ba daukisa, bara tawan uplika nani sin witin nani dauki ba wal warha daukisa.