Miqueas 1:6 - DAWAN BÎLA AISKA

⁶ Baha mita, Dawan naha aisisa: “Sameria tawanka tara ba yang daukamni, tawan almuk nani slingwi luan baku; wain mâ mangkaia tasbaya kum ridi ba baku swimna; tawan bilara walpa nani ba sut il bîla ra lulkamna bara tawanka ba, utla playka nani baman swin kabia.

Miqueas 1:6 ပူးပေါင်းရင်းမြစ်များ

2 Samuil 17:13

Witin tawan tara kum ra yukuwi kabia kaka, Israel luhpia nani sut kiwa brih waia bara walpa kumi bani ba wilki raski sâkbia baha tawanka wina, tingni bilara baman lulkbia, walpa kumi sin tawan ra swibia apia.

2 King Nani 18:10

bara mani yumhpa kat aiklabi pura lui dakban. Baha piua ra Ezequías ba pat 6 mani king aimaki kan, bara Israel kingka Oseas ba lika pat 9 mani Israel kingka aimaki kan, baha piua kat sika Sameria ba aiklabi dakban.

2 King Nani 18:9

Oseas Elá luhpia ba pat 7 mani Israel ra aimakan kan, Ezequías sin Israel ra pat mani walhwal king aimaki kan piua ra, Salmanasar Asiria kingka ba bal Sameria ba kutbi brih ki mapara aiklaban,

2 King Nani 19:25

¿Man aima kumi sin walras kapram ki, yang Dawan sna ba tânka, yang bui sika naha dukia nani sut daukri ba? Kaina piua wina naha ba aisi aulna, bara nanara lika yang daukri sa; baha mita sika man bui tawan karnakira pali, kutbanka tara nani daukan ba sin sauhki âpu daukisma, bara tawan sauhki tikanka tara nani ra laki swisma.

Aiseya 17:1

Damaskus mapara dahra aisin ba: Damaskus tawan tara ba, swika baku ban kabia apia; sauhki tikan yuyaka nani baman kabia.

Aiseya 25:12

Bara Dawan mita tawanka walpaya kutbanka nani ba batakbia, slingbia, tasba kat lulki swibia.

Aiseya 25:2

Tawan tara nani ba walpa kiaubi paskan nani baku dauki swiram, tawan karnakira nani ba sauhki swiram; waihla nani watla tara nani ba sut slingbram, baha nani kli sin paskan kabia apia ban kaia ra.

Jirimaya 31:5

Kli namsla nani mangkma Sameria ilka nani ra, insla daukma ba dusam mâ wina liliam bri kama.

Jirimaya 51:25

Man sauhki tatikra ilka takram, yang lika man mampara sna, tasba aiska sauhkisma ba. Yang, Dawan, kasak aisisna. Klala maikaia mihti bukamna, walpa tara nani pura wina karwi bal iwma, il tara kum pauta mita aman ba baku mai daukamna.

Jirimaya 51:37

Bara utla slingwan almuk upla dimras baman bâra kabia, suksuk tara nani watla takbia, lasa nani upla nani sut ra sirang iki tasbaya, upla sip bâra iwras tasbaya takbia.

Jirimaya 9:11

“Jerusalem ba walpa nani ni pura paskanka tara kum daukamna, yul wail sâtka nani watla takbia; Juda tawanka tara nani ba upla iwras tasbaya kum daukamna.”

Inanka Nani 4:1

¡Gul ba nahki muni mapla tiwan! ¡Gul ingnika lipni ba nahki muni tikan! ¡Tempel walpaya nani ba yabal un nani ra yakaban sa!

Isikiel 13:14

Bara baha kutbanka man nani mita pihni daukram ba batakamna; tasba kat yakabamna, bara playka tara nani ba param sakan kabia. Âu, tnaya kutbanka ba mâyara bal iwbia, bara baha kriwanka nani tilara man nani pruma. Bamna yang Dawan sna ba man nani bâra kaikma.

Oseas 13:16

Sameria uplika nani, witin ai klalka ba bribia, ai Gâdka ba mapara buan bamna. Witin nani sord malika ra prubia, ai luhpia nani ba tasba ra lulki saban kabia bara mairin kwihra nani, biara ba klaki baikbia.

Emus 5:11

Man nani mita upla umpira nani ba bahki kulki lawaska kikisma, bara lal mana tara kulkisma, plawar ni mai aibapaia dukiara, man nani ban iwi kama apia, baha wamtla nani walpa ni mâki brisma ba ra; wain nasla nani dauki mangkram pain pâwisa, sakuna baha wainka laya wina sin dima apia.

Emus 6:8

Dawan ai nina ba mâki, witin swer taki aisin; Dawan Gâd karnika sut pali bri ba, witin sika naku kasak aisisa: “Jekob uplika nani aimayunka ba, yang misbara saura pali kaikisna; ai watla tara nani paskan ba, misbara kaikisna; bamna baha paskanka nani sut ba, witin nani ai waihla nani mihta ra mangkamni.”

Miqueas 3:12

Baku bamna, man nani saurkam tâka mita, Jerusalem tawanka Saion ilka ra ba, insla daukaia tasbaya takbia, tawan slingwan bara aisawan tara kum kabia. Dawan ra pura sunaia watla ilka ra, inma kiaya pali man pâwi kabia.

Abakuk 3:13

Man tawankam ra hilp munaia taki waram, bara king ba man mita wahbi sakram, watawikira nani watla bahna ba sauhki tikram, bara plamaya nani walpa karnakira ni paskan ba param sakram.

Matiu 24:2

Sakuna Jisas witin nani ra win: —¿Man nani naha sut kaikisma? Kasak pali mai wisna, walpa kum walpa wala purara sin swin kabia apia. Sut kat slingbi sauhkan kabia.