Matiu 9:5 - DAWAN BÎLA AISKA

⁵ ¿Bamna nahki aisaia ba kau isi sa: ‘Saurkam nani ba swih tikan sa’, apia kaka wiaia: ‘Bus, bara mahka waps’?

Matiu 9:5 ပူးပေါင်းရင်းမြစ်များ

Matiu 9:2

Bara wakia lâwi waitnika kum krikri ra tniki witin ra brih balan. Jisas baha uplika nani kasak lukanka ba kaiki, siknis waitnika ra win: —Luhpi, karnikam bris; saurkam nani ba ban swih tikan sa.

Matiu 9:6

Bamna, yang bui man nani ra mamrikamna Upla Luhpia Waitna naha tasba ra upla saurka nani swih tikaia karnika brisa. Baku ba ra, wakia lâwan waitnika ra win: —Bus, krikrikam bris, bara wamtla ra mahka was.

Mark 2:5

Jisas mita upla nani kasak pali lukanka ba kaiki, sikniskira ba ra win: —Luhpi, man saurkam nani ba sut swih tikan sa.

Luk 5:20

Baha nani kasak lukanka ba Jisas mita kaikan, bara siknis waitnika ra win: —Waitna, man saurkam nani ba sut swih tikan sa.

Luk 7:48

Bamna Jisas mita mairka ba ra win: —Man saurkam nani ba sut swih tikan sa.

Apastil Nani Sturka 3:16

Naha sim Jisaska nina ra kasak luki ba mita sika naha waitna wapaia karnika brin, naiwa man nani sut kaikisma na, Jisas nina ra kasak lukan lâka ba mita sika. Baha kasak lukan mita sika aiska pali rawan na, baku man nani sut kaikaia sip sma.

Apastil Nani Sturka 9:34

Bara Pita bila: —Eneas, Jisas Kraist mai rakuya. Bûi muni, krikrikam ba pain dauks. Baha pali piua ra Eneas mahka buan.