Matiu 9:4 - DAWAN BÎLA AISKA

⁴ Sakuna nahki Jisas pat kaikan baha nani lukanka ba, bara makabi walan: —¿Dîa kan man nani ban lukanka saura bri banhwisma ki?

Matiu 9:4 ပူးပေါင်းရင်းမြစ်များ

Lawana Nani 139:2

Man, yang daukanki nani sut ba kaikisma; yang kupi ra lukisna ba, man laih wina kaikisma.

Lawana Nani 44:21

Man pat baha ba damra walaia katma, kan man sika diara yukuwan ra bâra ba, sut pali kaikisma.

Isikiel 38:10

‘Yang Dawan sna ba, naku wisni: Baha piua ra lukankam ra diara aihka saura nani balbia daukaia.

Matiu 12:25

Jisas pat kaikan baha nani luki kan ba, bara witin nani ra win: “King tasbaya bani dakwi taki, pana pana aiklabia kaka, tanis aisawi tiwbia. Bara tawan kum, apia kaka utla uplika kum unsaban tâwan dakwi takan kaka, baha ba ban kabia apia.

Mark 12:15

Sakuna Jisas baha nani kuninka ba kaiki kan, bara witin nani ra naku win: —¿Dîa kan man nani traiki kaikisma? Lalah mâ kum sal aik yang kaikaia.

Mark 2:8

Sakuna Jisas pat kaikan baha nani ai kupia ra luki kan ba, bara makabi walan: —¿Man nani dîa kan baku lukisma ki?

Luk 11:17

Sakuna Jisas lika kaikan baha nani dîa luki kan ba, bamna win: “Ani king tasbaya yakan tar baiwi taki, kumi wala mapara aiklabi ba, aisawbia; ani utla uplika sin aiklabi dakwi taki ba, baha sin aisawbia.

Luk 5:22

Jisas baha nani dîa luki kan ba pat kaikan, bamna win: —¿Dîa kan man nani baku lukisma ki?

Luk 6:8

Sakuna Jisas baha nani dîa luki kan ba sut kaikan, bara mihta lâwan waitnika ra win: —Man naha lilapas kat bal bus. Waitna ba bal, lilapas kat buan.

Luk 7:40

Bamna Jisas parisi ba ra win: —Saiman, yang diara brisna man ra mai wiaia. Parisi ba pana win: —Ai wis, Smasmalkra.

Jan 16:19

Jisas kaikan ai disaipilka nani ba witin ra makabi walan dauki kan, bamna naku win: —Yang mai wîri kau piua wiria baman ai kaikma apia, bara kau piua wiria ningkara kli ai kaikma. ¿Naha tânka dukiara man nani tilamra pana pana makabi walisma ki?

Jan 16:30

Nanara yang nani kaikri man ba diara sut pali kaikisma, bara upla kum mita baha dukiara mamkabi walaia apia sa. Baha mita yang nani kasak lukisna man ba Gâd wina balram sa.

Jan 21:17

Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.

Jan 6:61

Bamna Jisas kaikan naha dukiara ai disaipilka nani ba rangbi aisi kan, bamna makabi walan: —¿Naha na minam batakisa ki?

Jan 6:64

Sakuna man nani tilamra upla tila nani kau kasak lukras sa. Kan tâ pali wina Jisas lika kaikan, ani uplika nani ba kasak lukras kan, bara ya mita ai waihla nani mihta ra mangkbia ba sin.

Apastil Nani Sturka 5:9

Pita bila: —¿Dîa kan man mayam wal lâmka dauki Dawan Spiritka ra traika kaikisma? Kaiks, mayam bri si bikan wahmika nani ba lata wina dimi aula, bara man sin mai brih taki wabia.

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.