Matiu 9:37 - DAWAN BÎLA AISKA

³⁷ Bara disaipil nani ra win: —Kasak pali, insla dâkaia mâ ba manis sa, sakuna wark uplika nani ba wiria sa.

Matiu 9:37 ပူးပေါင်းရင်းမြစ်များ

Lawana Nani 68:11

Dawan mita upla nani ra ai bîla kum blikan bara mairin nani manis upla ra smalkan:

Matiu 20:1

“Gâd king aimaki lâka ba insla dawanka kum baku sa; witinka titan pali taki wan wark tatakra nani ra wark yabaia, ai wainka nasla ra wark takaia.

Matiu 28:19

Bamna man nani nisan sut uplika nani ra was, bara yang disaipilki nani dauki banhs; tahbi dauki banhs, Aisa ba nina ra, Luhpia ba nina ra, bara Spirit Holikira ba nina ra sin.

Matiu 9:38

Baha mita, insla dawanka ra makas, ai nasla dâkaia wark uplika nani blîkbia.

Mark 16:15

Witin nani ra sin win: “Man nani tasba aiska ra was, bara sturka yamni ba upla sut ra aisi smalks.

Luk 10:2

Bamna witin nani ra win: “Kasak pali mai wisna, insla mâ dakbaia ba uya sa, sakuna wark uplika nani ba lika wiria baman sa. Bamna wark Dawanka ra man nani makas, wark uplika nani ai nasla ra dakbaia blîkbia.

Luk 24:47

bara ai nina ba nisan nani sut ra aisi smalkan kabia, Jerusalem ba wina tâ krikaia baha nani ra sin wiaia, ai saurka nani ba wina ai kupia lakbia, bara baku mika ai saurka nani ba sut swin tikan kabia.

Apastil Nani Sturka 16:9

Bahara Pal tihmia ra diara aihka latan kaikan, Macedonia waitnika kumi ai mina ra bûi witin ra makabi win: “Macedonia ra lui bal, hilp wan muns.”

Apastil Nani Sturka 18:10

Yang lika man wal sna, bamna upla kumi sin mai alki sip rau mai sauhkbia apia, naha tawanka ra yang lika upla ailal pali brisna bamna.”

1 Korint 3:9

Yang nani lika wark uplika Gâd warkka ra asla pâna nani baku wark dauki banhwisna, bara man nani ba Gâd warkka dauki ba tasbaya baku banhwisma. Man nani ba sin, Gâd watla tara kum mâki ba baku banhwisma.

2 Korint 6:1

Baku bamna, Gâd warkka dadaukra aikuki wan uplika nani sma ba, mamkabi banhwisna Gâd ai kupia latwanka lâka mamrikan ba, tikpara pali.

Kolosi 4:11

Jisas, witinka nina Justo wi ba sin man nani ra ai lakula blikisa. Ju takan nani tila wina naha nani baman, yang wal Gâd King aimaki ba lâka dukiara wark takan, bara baha ba yang maipa ra maisa nihkra tara kum sa.

1 Timoti 5:17

Almuk nani serts tâ pain bri nani ba, witin nani ba aima wâl prais kulkan kabia, bara kau pali baha nani upla nani ra aisaia bara smalkaia warkka karna dauki nani ba.

Jems 5:4

Namsla ra wark takan uplika nani ra mana yabras kapram ba, mampara winisa; bara Dawan Gâd, karnika sut bri ba, warkkam tatakra nani winanka ba walan.