Matiu 9:36 - DAWAN BÎLA AISKA

³⁶ Upla nani ra kaiki, umpira pali kaikan, kan witin nani sarikira bara hilpkas banhwi kan, sîp nani sepadkas baku.

Matiu 9:36 ပူးပေါင်းရင်းမြစ်များ

1 King Nani 22:17

Bara Micaías bila: “Yang bui Israel luhpia nani sut ra kaikri, yakaban kan il nani ra; sîp nani ai sîpkas baku. Bara Dawan bila: ‘Naha nani ai dawanka âpu; kumi bani kli wamtla nani ra was, kupiam kumi.’ ”

2 Kronikas 18:16

Bara Micaías bila: “Yang bui Israel luhpia nani sut ra kaikri, yakaban kan il nani ra, sim sîp nani ai sepadka âpu baku. Bara Dawan bila: ‘Naha nani ai dawanka âpu; kumi bani kli wamtla nani ra was kupiam kumi.’ ”

Aiseya 13:14

“Upla nani ba snapuka lupia nina bliki ba baku sa apia kaka bara upla kumi sin âpu sa wal asla daukaia, daiwan daknika kum turwi takan kangbi asla daukaia upla kum âpu ba baku. Kumi bani ba ai kuntrika ra wabia, ai tawanka ra plapi wabia.

Jirimaya 50:6

Yang upliki nani ba sîp nani tiwan baku kan, sepadka nani mita saura tapahkan, swin il nani ra wih aimawahkaia. Il kum wina il wala ra wan, ai klarka nani kata ba sin ban âuya tiwan.

Sakaraya 10:2

Upla ai mihta ni paskan gâdka nani aisi ba kunin sa, smaya kakaira nani kaiki ba sin kunin. Diara takbia wisi aisi yaprisauhkan ba, dukia takras baman sa, maisam nihkaia bîla nani aisi ba, maisa nihkanka âpu sa. Baha mita tawan ba sîp baku wataukisa, bara pât wahwisa, sepad kum âpu ba tâka mita.

Sakaraya 11:16

Kan yang naha kuntrika ra sepad kum mangkamna sîp aimawahkan ba dukiara diara lukras kabia ba, tiwan ba plikbia apia, insauhkan nani ba sîka daukbia apia, swapan ba sin plun yabia apia, sakuna sîp kau batana nani ba sut pibia, sûska nani sin swibia apia.

Kulki Kaikanka 27:17

bara tâ brih wabia ani ani sut ra, baku mika sîp sepadkas baku kabia apia.

Matiu 10:6

sakuna Israel nisanka sîpka tiwan nani ba ra was.

Matiu 14:14

Jisas duri wina takan ba ra, upla ailal bahara kan kaikan, bara witin nani ra umpira kaikan, bara sikniskira nani bri balan ba sut rakan.

Matiu 15:24

Jisas bila: —Gâd ai blikan sa Israel ra, sîp aimawahkan nani ra baman.

Matiu 15:32

Jisas ai disaipilka nani ra wini, naku win: —Naha uplika nani pat yu yumhpa yang wal sa. Witin nani diara piaia âpu sa, bara sari lukisna; ai watla nani ra plun piras blikamna kaka, yabal ra ban plun bla prubia.

Mark 6:34

Jisas duri tara wina takan piua ra, upla kwâra tara kaikan, bara sari pali lukan witin nani sîp ai sepad âpu baku kan bamna; bara mahka diara ailal smalkan.

Mark 8:2

—Naha uplika nani dukiara sari lukisna, kan pat yu yumhpa yang wal nâra sa, witin nani diara piaia sin âpu sa.

Hibru Nani 4:15

Bamna wan prîska tara ba mita yawan wan swapnika nani bri ba dukiara umpira wan kaikaia sip sa, kan witin pali sin yawan baku traika kaikanka sât sât brin, sakuna saurka lika daukras kan.

Hibru Nani 5:2

Prîs pali ba sin ai wîna swapnika nani brisa, bara baha mita witin sip sa, kan ai dahra walras nani ba bara aimawahki nani ba aikuki sin ai kupia swapni bri kaia.