Matiu 9:22 - DAWAN BÎLA AISKA

²² Sakuna Jisas ai ninara tawi, mairka ra kaiki, naku win: —Luhpi mairin, man karnikam bris; kasak lukram bamna, man rawram sa. Bara baha pali piua ra witin rawan.

Matiu 9:22 ပူးပေါင်းရင်းမြစ်များ

Matiu 15:28

Bara Jisas bila: —¡Mairin, kasak lukankam ba tara brisma ba! Bamna dîa lukisma ba kat daukan kabia. Baha sim pali piua ra luhpia mairin kata ba rawan.

Matiu 17:18

Bara Jisas mita lasa ra lawi daukan; bara witin mahka taki wan tukta waitna ba wina. Bara tuktika ba yamni takan baha piua wina.

Matiu 8:13

Bara Jisas mita kiaptin ba ra win: —Wamtla ra was, bara dîa lukram ba kat daukan kabia. Bamna alba ba baha sim piua ra rawan kan.

Matiu 9:2

Bara wakia lâwi waitnika kum krikri ra tniki witin ra brih balan. Jisas baha uplika nani kasak lukanka ba kaiki, siknis waitnika ra win: —Luhpi, karnikam bris; saurkam nani ba ban swih tikan sa.

Matiu 9:29

Bara Jisas mita blain nakra nani ra kangbi, naku win: —Man nani kasak lukisma ba kat takan kabia.

Mark 10:52

Jisas witin ra win: —Sip sma mahka waia; pat rawram sa, kasak lukram bamna. Baha nakra klipan kum ra blain ba kaiki kan, bara yabal ra Jisas nina blikan.

Mark 5:34

Bara Jisas mita win: —Luhpi mairin, kasak lukram bamna, rawram sa. Kupiam kumi was, bara sikniskam wina rawram sa.

Luk 17:19

Bara waitnika ra wisata: —Man mahka was; mai rakan sa kasak lukram bamna.

Luk 18:42

Jisas pana win: —¡Namkra bris! Kasak lukram bamna, mai rakan sa.

Luk 7:50

Sakuna Jisas mita mairin ba ra win: —Man kasak lukram bamna, swaki mai sakan sa; bamna kupiam kumi wal was.

Luk 8:48

Jisas pana win: —Luhpi mairin, kasak lukram ba mita mai rakan sa. Kupiam kumi wamtla ra was.

Jan 4:53

Baku bamna, aisika ba ai kupia kraukan, baha pali piua ra kata Jisas witin ra wisata ba: “Man luhpiam ba raya sa”; bara witin ai watla uplika sut aikuki Jisas ra kasak lukan.

Apastil Nani Sturka 14:9

Bara naha waitna lika Pal dîa aisi kan ba kat aman pali wali kan. Bara Pal waitnika ba kat tawi kaikan ba ra, ai dara walan nahki naha waitna kasak luki kan witin ba rawbia.

Apastil Nani Sturka 16:18

Yu ailal baku dauki kan. Ban piua kum kat Pal kupia sauhkan, bara tawi baha piritka saura tukta mairin ra kan ba ra win: —Jisas Kraist nina ra yang mai wisna, witin ba wina taks. Bara baha minitka ra pirit saura witin ba swin.

Hibru Nani 4:2

Kan yawan ra sin sturi yamni ba wan smalkan sa, sim witin nani ra smalkan ba baku. Witin nani baha sturka ba walan, sakuna bahki baman wali banhwan, kan witin nani ba kasak lukras kira pali ban walan.