Matiu 9:18 - DAWAN BÎLA AISKA

¹⁸ Jisas witin nani ra kau naha dukia nani aisi kan ba ra, Ju wihtka kum bal ai mawan kat ai lula kriki, win: —Luhpi mairin bisiura pali pruan; sakuna man bal, ai purara mihtam kahma kaka, kli raya takbia.

Matiu 9:18 ပူးပေါင်းရင်းမြစ်များ

2 King Nani 5:11

Bara Naamán naha walan ba ra, ai kupia sauhki, naku win: —Yang luki kapri witin ba taki bal ai aisabia, ai Dawanka Gâd nina mâki, ai mihta purara buki, bara liparka ba ra kangbi ai rakbia.

Matiu 14:33

Bara duri bilara kan nani ba Jisas mawanra ai lula kriki, naku aisi banhwan: —¡Kasak pali man na Gâd Luhpia sma!

Matiu 15:25

Sakuna mairka ba kau Jisas lamara bal, ai lula kriki, wisata: —¡Dawan, du pali, hilp ai muns!

Matiu 17:14

Witin nani lika upla nani bâra kan ba kat balan ba ra, waitna kum Jisas lamara bal, ai mawan kat ai lula kriki, naku win:

Matiu 20:20

Jems bara Jan, Sebedi luhpia nani ba, ai yaptika aikuki balan, bara mairka ba Jisas lamara ai lula kriki diara kum makaban.

Matiu 28:17

Witin nani bui Jisas ra kaikan ba ra, ai lula kriki mayunan, sakuna kum kum lika kau kasak lukras kan.

Matiu 8:2

Bara lipar sikniska bri waitnika kum Jisas lamara bal, mawanra ai lula kriki, naku win: —Dawan, wilin sma kaka, ai rakaia sip sma.

Matiu 8:25

Bara ai disaipilka nani wih tatukbi muni, naku win: —¡Dawan, swaki wan sâks! ¡Yawan pât rungwisa!

Matiu 9:17

Baku sin, wain raya ba daiwan taya batilka almuk nani ra laikras sa; kan baku daukbia kaka, daiwan taya nani ba kalwisa, bamna wain bara daiwan taya nani ba sin sut tiwbia. Baha mita, wain raya ba daiwan taya batilka raya nani ra mangkaia sa; baku lika wâlsut pain bri kabia.

Matiu 9:19

Jisas mahka bûi, ai disaipilka nani kira, witin wal wan.

Matiu 9:24

Bara baha nani ra Jisas mita win: —Man nani naha wina taki was, kan tuktika mairin na pruras, sakuna yapisa. Bara sut ai lawaska kiki kan.

Luk 13:14

Sakuna Ju nani priaska watla wihtka ba ai kupia baikan, ris yua ra Jisas mita mairin ba rakan bamna; bara upla nani ra win: —Yu 6 bâra sa upla nani wark takaia; baha piua nani ra balaia sma rawaia want kaka, sakuna ris yua ra lika apia.

Luk 18:18

Wihta kum Jisas ra makabi walan: —Smasmalkra yamni, ¿dîa daukamna kaka, raya ban kaia lâka ba brimna ki?

Luk 7:2

Bahara Rom kiaptin wihtka kum iwi kan, witin ai albika latwan pali kaiki kan ba siknis alkan, bara pruaia man kata.

Jan 11:25

Jisas pana win: —Yang sika kli buaia tânka bara rayaka ba sin. Ya yang ra kasak luki ba, prubia kra kuna raya kabia.

Jan 11:32

Bamna Meri ba Jisas bâra kan ba pliska ra wan ba ra, witin Jisas mina ra ai lula kriki, naku win: —Dawan, man nâra katma kaka, laikra ba pruaia apia kan.

Apastil Nani Sturka 13:15

Bamna Moses lâ ulban wauhkataya, bara prapit nani ulban wauhkataya nani ba aisi kaikan ningkara, prias watla wihtka nani ba mita naku maisa pakaia blikan: —Muihki nani, upla nani ra kupia kraukanka bîla brisma kaka, sip sma nanara aisaia.

Apastil Nani Sturka 28:8

Publio aisika lika krikri ra prawi kan, rih bara biara wîna tala plapi sikniska bri kan bamna. Pal bui kaikaia wan, ai pura sunan, ai mihta nani kahban, bara rakan.