Matiu 8:4 - DAWAN BÎLA AISKA

⁴ Bara Jisas mita witin ra win: —Kaiks, upla kumi ra sin wipara, sakuna wih prîs ra wînam mariks, bara Moses win ba baku prisantkam yas; baku mika upla nani kaikbia pat rawram ba.

Matiu 8:4 ပူးပေါင်းရင်းမြစ်များ

Aiseya 42:21

Dawan ba, Gâd kum upla swaki saki ba, witin smalki tânka ba, param mayunra tara daukaia want sa;

Libait Lâka 13:49

tâski baha dukia nani ra alkan ba, mapla siakni, paura sa kaka, baha, lipar takisa, baha prîs ra marikan kabia.

Matiu 10:18

Wihta tara nani bara king nani mawanra mai brih wabia, yang tâiwan; baku man nani sturi yamni ba aisaia sip kama witin nani mawanra, bara Ju apia nani mawanra sin.

Matiu 16:20

Bara Jisas ai disaipilka nani ra adar yan upla kumi ra sin wibia apia witin ba Kraist sa.

Matiu 17:9

Il ba wina witin nani iwi auya kan ba ra, Jisas mita naku adar yan: —Naha dukia aihka kaikram na upla kumi ra sin man nani aisapara, Upla Luhpia Waitna ba pruan wina kli bubia ba kat.

Matiu 3:15

Sakuna Jisas bila: —Nanara lika baku ban swis; kan dîa Gâd wi ba kat yawan daukaia sa. Baku lika Jan aitani lukan.

Matiu 5:17

“Man nani lukpara yang na Moses lâka bara prapit nani smalkanka ba âpu tikaia balri. Yang baku daukaia balras, sakuna ai tânka aiska kat daukaia.

Matiu 6:1

“Aman kaiks, kasakkam lâka ba upla nani mawanra man nani daukpara mai kaikbia dukiara baman. Baku daukma kaka, kasbrika purara ba mita prisant kumi sin maikbia apia.

Matiu 9:30

Bara ai nakra kli diara kaikan. Jisas mita karna smalki, naku wisata: —Man nani naha na upla kumi ra sin wipara.

Mark 13:9

“Sakuna man nani aman kaiks. Witin nani wihta nani mihta ra mai mangkbia, bara Ju nani priaska watla nani ra mai wipan kabia. Man nani lika yang tâiwan wihta nani, king nani mawanra sin mai brih wabia, bara yang witniski baha nani mawanra sin aisama.

Mark 3:12

Sakuna Jisas karna adar yaban upla ra aisabia apia witin ba ya sapa.

Mark 5:43

Sakuna Jisas karna smalki win, upla ra baha aisabia apia, bara tukta mairin ra plun yabia win.

Mark 6:11

Bara ani pliska ra man nani mai briras, bîlam sin walras kaka, baha wina mahka taki was tasba yuya minam ra ba siauhbi saki, baha ba witin nani mapara witnis kum kaia ba dukiara.

Mark 7:36

Jisas adar yaban upla ra baha aisabia apia, sakuna baha wi kan ba ra, kau pali aisi kan.

Mark 8:30

Sakuna Jisas adar yaban upla kumi ra sin wibia apia.

Mark 9:9

Il ba wina iwi auya kan ba ra, Jisas adar yan diara kaikan ba upla kum ra sin wibia apia, Upla Luhpia Waitna pruan nani tila wina bubia ba kat.

Luk 17:14

Jisas baha nani ra kaikan ba ra, naku win: —Man nani prîs nani ra was bara wînam ba mariks. Witin nani auya kan yabal ra, ai sikniska wina sut rawan kata.

Luk 21:13

Naha na man nani mampa ra sans kum kabia, yang dukira witnis aisaia.

Luk 4:41

Siknis uplika manis wina pirit saura nani sin takan, bara bîla baikra wini, naku aisi kan: —¡Man ba Gâd Luhpia sma! Sakuna Jisas mita pirit saura nani ra lawi daukan, yan sin aisaras kan, witin nani kaikan witin ba Misaya kan.

Luk 5:14

Bamna Jisas adar yan, naha sturka na upla kumi ra sin wibia apia. Kuna naku win: —Prîs ra wih wînam ba mariks, bara klin takram dukiara prisantka ba yas, Moses lâ yan ba kat. Baku mika upla nani mai kaikbia man rawram ba.

Luk 8:56

Aisika bara yaptika wal lika tâ iwan kan; sakuna Jisas adar yan upla kumi ra sin diara takan ba wibia apia.

Luk 9:21

Ningkara, Jisas ai disaipilka nani ra lâ karna yabi win, baha sturka ba upla kumi ra sin wibia apia.

Jan 5:41

“Upla wina mayunra ba plikras sni.

Jan 7:18

Ya yakan ai kupia wina baman saki smalki ba lika, upla wina mayunra lâka plikisa; sakuna ani uplika witin ra blikan uplika mayunra pliki ba, baha lika diara kasak ba aisisa kunin sin âpu.

Jan 8:50

Yang lika maiyunra ba plikras, sakuna wala kumi lika bâra sa, yang baha maiyunra plikisna, bara baha mita lâ daukisa.