Matiu 8:26 - DAWAN BÎLA AISKA

²⁶ Jisas bila: —¿Dîa kan man nani si brisma ki? ¡Man nani kasak lukan lâka uya briras sma! Bamna witin buan, pâsa ra bara kabu ra sin lawi daukan; bamna baha nani sut lamni tara takan.

Matiu 8:26 ပူးပေါင်းရင်းမြစ်များ

Lawana Nani 65:7

Man bui kabu binka tara ba lamni daukisma, bara uplikam nani yakabrira ba sin asla dauki lamni brisma.

Lawana Nani 89:9

Kabu pâsa karna krawi ba, lamni daukisma; ai ripka nani ba sin lamni takisa.

Aiseya 63:12

¿Witin ai karnika pranakira ba Moses wal waia daukan ba, witin Kabu Pauni laya ba aihka baiki sakata ba ai uplika nani mawanra, baku dauki witin ai nina mayunra prana ban kaia ra ba alkan kaia,

Nahum 1:4

Kabu ra lawi dauki aisi ba ra, laya ba mahka lâwisa, awala nani ba sut sin yan lâwisa. Basán tasbaya tnaya nani ba bara Carmelo ilka ba srawisa; bara Líbano ra dus tangnika nani sin sut srawisa.

Abakuk 3:8

¿Dawan, man awala nani mapara kupiam baiwan sa ki? ¿Kabu nani ba mapara lawankam tara briram ki? ¿Bamna man pura luaia dukiara, araskam karnakira nani ba waginka ra ulram ki?

Matiu 16:8

Jisas baha walan, bara witin nani ra win: —¿Dîa kan man nani brit âpu wisma? Man nani kasak lukan lâka sirpi brisma.

Matiu 17:20

Jisas bila: —Baha ba man nani kasak lukan lâka uya âpu sma ba mita. Kasak pali mai wisna, mostard mâ praiska lupia baku pan kasak lukan lâka ba bri banhma kaka, sip sma naha ilka ra wiaia: ‘Naha wina taki, plis wala ra was’; bara ilka ba wabia. Kasak pali man nani kasak lukisma kaka, diara sut daukaia sip sma.

Matiu 6:30

Bamna inma naiwa twi ra ba bara yauhka pauta ra angki ba, Gâd baku skahkisa kaka, ¿man nani ra kau kwala pain mai dingkbia apia, kasak lukras uplika nani sma ba?

Matiu 8:27

Disaipil nani ba tâ iwi, naku aisi banhwan: —¿Naha na dîa sât waitnika ki, pâsa nani bara kabu sut ai bîla wali na?

Luk 4:35

Jisas piritka tâski ra lawi dauki, win: —¡Bîlam praks, bara naha waitna na sin swis! Baku mika, pirit tâski ba mita waitna ba witin nani mawan kat tasba ra batakan, mahka sin witin ba wina takan, diara kumi sin watawi munras.

Roman 4:20

Sakuna Gâd bui dîa witin ra pramis munan ba bahki kulkras bara kasak luki kan ba sin swapni takras kata, sakuna kau kasak luki baha kat ai kupia mangki bri kan. Ebraham mita Gâd ra mayunan,

Param Marikanka 10:2

Ai mihta ra wauhkataya sirpi blakan kum ilingki bri kan; bara ai mina aihkika ba kabu purara mangkan, bara ai mina smihka ba lika sauhka purara bri kan.