Matiu 8:20 - DAWAN BÎLA AISKA

²⁰ Jisas bila pana win: —Sikiski nani ba ai dimaika nani brisa, daiwan tnawira nani ba sin ai watla nani brisa; sakuna Upla Luhpia ba lika ai lal kahbaika sin âpu sa.

Matiu 8:20 ပူးပေါင်းရင်းမြစ်များ

Lawana Nani 104:12

Awala nani un ra, kasbrika ra tnawira nani ba ai watla paskisa; baha dusa tnawa nani tilara uli aiwanisa.

Lawana Nani 104:17

Baha dusa tnawa nani ra, tnawira kau sirpi nani ba ai watla mâkisa; bara suki ba laulu nani ra ai watla brisa.

Lawana Nani 109:22

Yang umpira pali bara sari brisna, yang kupi ba sin insauhkan sa;

Lawana Nani 40:17

Sakuna yang dukira wisni, umpira bara diara âpu sna; Dawan, man ban yang ra luki bas. Man baman sika hilpki sma bara pât wina sin ai dakbi sakisma; ¡Dawan, ban lap tiwpara, pat bal!

Lawana Nani 69:29

Sakuna yang lika siknis bara sari sna, Dawanki ai buks, bara swaki ai sâks.

Lawana Nani 84:3

Plipli bara tininiska nani altarkam ra plis sakisa, bahara ai watla mâkaia bara ai luhpia baikaia, man, Gâd karnika sut brisma ba kingki bara Gâdki.

Daniel 7:13

“Tihmia ra yang naha diara aihka na ban kaiki kapri, bara tisku kan: “Kaikri, kasbrika nani tilara upla kum aula kan, upla luhpia waitna talia kan. Witin lika Almuk bâra kan ba kat wan, bara yan witin ai lamara wan.

Matiu 12:32

Bara ya ya Upla Luhpia Waitna mapara diara kum aisabia ba, Gâd baha uplika pâtka ban swih tikan kabia; sakuna ya Spirit Holikira mapara bîla saurakira nani aisabia ba, naha tasba ra bara tasba wala aula ba ra sin swih tikan kabia apia.

Matiu 12:40

Inska tara biara ra Jona yu yumhpa bara tihmia yumhpa kan ba baku, Upla Luhpia Waitna ba sin yu yumhpa bara tihmia yumhpa tasba biara ra kabia.

Matiu 12:8

Bamna pain, Upla Luhpia Waitna ba sabat purara sin karnika brisa.

Matiu 13:37

Bara Jisas bila: “Saumuk yamni mamangkra lika Upla Luhpia Waitna ba,

Matiu 16:13

Jisas ba Sesaria Pilipai tasbaya ra balan ba ra, ai disaipilka nani ra makabi walan: —¿Yang, Upla Luhpia Waitna na, upla nani ya sna ai wisa?

Matiu 16:27

Kan Upla Luhpia Waitna ba ai Aisika prana ra ai insalka nani kira balbia ba ra, upla bani ra dîa daukan ba mana aibapbia.

Matiu 17:9

Il ba wina witin nani iwi auya kan ba ra, Jisas mita naku adar yan: —Naha dukia aihka kaikram na upla kumi ra sin man nani aisapara, Upla Luhpia Waitna ba pruan wina kli bubia ba kat.

Matiu 19:28

Jisas witin nani ra win: —Man nani ra kasak pali mai wisna, Upla Luhpia Waitna ba ai king iwaika pranakira ra iwbia ba ra, diara nani sut raya daukan kabia piua ra, Upla Luhpia Waitna ai iwaika pranakira ra iwbia bara man nani nini blikram ba sin king iwaika 12 nani ra iwma, Israel kiamka 12 ba lâka daukaia dukiara.

Mark 8:38

Ya ya yang dukira, smalkanki yamni ba dukiara sin, naha piua uplika lukras bara saura nani na mawanra ai swira lukbia kaka, Upla Luhpia Waitna sna na sin, witin nani dukiara swiri lukamna, Aisiki prana ra insal holikira nani aikuki balamna piua ra.

Luk 12:8

“Yang bui man nani ra mai wisna, ani uplika mita upla wala nani mawanra yang ra lukisa dukiara param aisabia ba, Upla Luhpia Waitna mita Gâd insalka nani mawanra witin ra lukisna dukiara param aisamna.

Luk 18:8

Yang mai wisni, witin takaskras kira hilp munbia. Sakuna Upla Luhpia Waitna ba balbia ba ra, ¿kasak lukan lâka ba kau naha tasba ra sâkbia lukisma ki?”

Luk 2:12

Tukta ba sakaia naha na man nani ra sain baku kabia: witin ba sâkma kwala ra karban bara bîp pata watla ra tnikan.”

Luk 2:16

Witin nani aihni pali wan, bara sakan Meri, Josep bara tukta lupia ba sin bîp pata watla ra tnikan kan.

Luk 2:7

Bahara witin ai luhpia waitna tawahkia ba aisuban, bara kwala ra karbi, daiwan pata watla ra tnikan, witin nani hutil ra takaskaia plis âpu kan bamna.

Luk 21:36

Bamna man nani ridi bas, bara piu bani sin puram suni bas, bara baku mika sip kama naha diara nani takaia ba wina swakwaia, ban sin Upla Luhpia Waitna maiwanra kaia.”

Luk 8:3

bara Cuza maya mairin ai nina ba Juana, waitnika ba lika Herod watla ra klark kata; wala ba Susana, bara mairin wala nani sin uya; witin nani lika Jisas ra bara disaipil nani ra dîa diara bri kan ba wina hilp muni kata.

Luk 9:58

Jisas pana win: —Sikiski nani ai watla nani brisa, tnawira nani sin ai watla nani brisa; sakuna Upla Luhpia Waitna ba lika ai lal kahbaika sin briras sa.

Jan 1:51

Bara Jisas naha sin win: —Kasak mai wisni, man nani kasbrika pura ba kwawan kaikma, bara Gâd insalka nani bal iwi uli kabia, Upla Luhpia Waitna purara.

Jan 12:34

Bara upla nani ba mita pana win: —Lâ wauhkataya wina yang nani kaikisna Misaya ba lika ban kaia ra raya kaia sa. ¿Bamna nahki man wisma, Upla Luhpia Waitna ba purara bukan kaia sa? ¿Baha Upla Luhpia Waitna ba ya sa ki?

Jan 13:31

Judas mahka taki wan ba ra, Jisas bila: —Nanara sika Upla Luhpia Waitna prana ba param marikan kabia, bara witin bâk Gâd prana ba sin marikan kabia.

Jan 3:13

“Upla kumi sin kau kasbrika purara uli waras, sakuna witinka kasbrika purara ba wina bal iwan ba lika, baha sika Upla Luhpia Waitna ba.

Jan 3:14

Bara baku sin, Moses upla iwras tasbaya ra piuta purara bukan kata baku, Upla Luhpia Waitna ba sin purara bukan kabia.

Jan 6:27

Wark taki banhpara, baha pata isti aisawi ba dukiara; sakuna wark taki banhs, ban kaia ra pata ba dukiara, rayaka ban kaia lâka yabi ba dukiara sin. Naha pata ba sika Upla Luhpia Waitna bui maikbia, kan Gâd Aisa mita witin ra bâk sakan sa.

Jan 6:53

Jisas pana win: —Kasak, kasak pali mai wisna, man nani Upla Luhpia Waitna wîna tara na piras bara tâlia sin diras sma kaka, raya ban kaia ba briras sma.

Jan 6:62

¿Ban kaka, dîa takbia ni, Upla Luhpia Waitna kli uli auna kaka man nani ai kaikma ba ra?

Apastil Nani Sturka 7:56

Bara win: —¡Man nani kaiks! Yang kasbrika pura ba kwawan kan kaikisni, bara Upla Luhpia Waitna ba sin Gâd mihta aihkika ra buisa.

2 Korint 8:9

Man nani lika wan Dawan Jisas Kraist latwanka lâka tânka ba pat kaikisma. Witin lika yuyakira pali kan, kuna man nani ra latwan mai kaikan ba mita witin umpira pali takan, bara witin umpira takan man nani yuyakira kama ba dukiara.