Matiu 8:14 - DAWAN BÎLA AISKA

¹⁴ Jisas Pita watla ra wan, bara Pita maya yaptika ba kaikan krikri ra prawi kan, rih karna pali dauki kan.

Matiu 8:14 ပူးပေါင်းရင်းမြစ်များ

Matiu 17:25

Pita bila: —Âu. Bara Pita utla ra diman piua ra, Jisas pas witin ra aisi muni, win: —¿Nahki lukisma, Saiman? ¿Naha tasba kingka nani na ani sât uplika nani wina lal mana nani sakisa? ¿Ai uplika nani wina, apia kaka tringsar nani wina?

Matiu 8:15

Jisas bui mairin ba mihta ra kangban ba ra, rihka ba swin; bara witin mahka bûi, witin nani dukia daukan.

Matiu 8:20

Jisas bila pana win: —Sikiski nani ba ai dimaika nani brisa, daiwan tnawira nani ba sin ai watla nani brisa; sakuna Upla Luhpia ba lika ai lal kahbaika sin âpu sa.

1 Korint 9:5

bara baku yang sin kristian mairin kum mayi brih taukaia, apastil wala nani dauki ba baku, Dawan muihnika nani sin, bara Pita sin.

1 Timoti 3:2

Baha mita, tâ bri kum ba pâtkas uplika kaia sa; witin ai maya kumi baman bri kaia sa, bara ai rayaka ba wapni, sinskira bara kulkanka bri kabia. Witin ba ai watla ra upla tringsar nani briaia wilin kaia sa; upla smalki lan kaia sa;

1 Timoti 4:3

Naha uplika nani smalkisa, marit takaia apia bara plun tila nani piaia ba sin saura sa; sakuna Gâd mita naha pata nani na paskan, lalukra nani bara kasak tânka kakaira nani ba witin ra tingki yabi ningkara, pibia dukiara.

Hibru Nani 13:4

Upla sut mita marit lâka ba pain pali kulki kabia, bara marit waitna nani ba ai maya mairin wal sunu kasak kaia sa. Marit takras si tâski lâka dauki nani ba bara marit lâka sasauhkra nani ba sin, Gâd mita lâka daukbia.