Matiu 7:21 - DAWAN BÎLA AISKA

²¹ “Baha nani yang ra ‘Dawan, Dawan’, ai wi nani ba baman lika kasbrika purara kingka tasbaya ra dimbia apia, sakuna ya ya Aisiki kasbrika purara ba kupia lâka dauki ba, baha nani lika.

Matiu 7:21 ပူးပေါင်းရင်းမြစ်များ

Matiu 12:50

Kan ya ya Aisiki kasbrika purara ba kupia lâka daukisa kaka, baha lika muihki, laikra bara yaptiki sa.

Matiu 16:17

Bara Jisas witin ra win: —Man ba yamni pali sma, Saiman, Jona luhpia, kan naha na Aisiki kasbrika purara ba mamrikan sa, upla kumi mita lika apia.

Matiu 18:10

“Aman kaiks; man nani naha sirpika nani kumi ra sin bahki kulkpara. Kan yang bui man nani ra mai wisna, ai insalka nani Aisiki kasbrika purara ba ra piu bani ra lamara sa.

Matiu 18:19

“Bara kau sin mai wisna: Naha tasba ra man nani tilam wina wâl ai kupia wilin taki, diara kum ai pura suni makabia kaka, Aisiki kasbrika purara ba mita witin nani ra yabia.

Matiu 18:3

win: —Kasak pali man nani ra mai wisni, man nani kupiam laki, tuktan lupia nani baku takras sma kaka, Gâd king aimaki lâka ra dimma apia.

Matiu 18:35

Bara Jisas naku aisi tnata alkan: —Baku sin Aisiki kasbrika purara ba man nani ra mai munbia, kumi bani muihkam ra kupiam aiska ni traska ban swih tikras sma kaka.

Matiu 19:24

Kau sin mai wisna: Kiamil kum silak nakra bâk dimi luaia ba kau isi kabia, lalahkira kum Gâd king aimaki ba lâka ra dimaia ba wal.

Matiu 25:10

Sakuna tiara sinskas matsip ba lamp laya atkaia auya kan ba ra, waitnika ba balan. Tiara nani ridi kan ba witin wal marit pata ra wih diman, bara dur ba prakan.

Matiu 25:21

Dawanka ba bila: ‘Pain; man ba alba pain bara yamni sma. Man ba diara wiria wal kasak kapram bamna, diara ailal mihtam ra mangkamna. Bal dimi, yang wal lilia bris.’

Matiu 26:39

Bara Jisas kan mapara kau wiria wih, ai mawan ra tasba kat kauhi, Gâd ra ai pura suni, win: “Aisiki, sip kaka, yarka yang naha pâtka wahwamnara; sakuna yang want sna ba baku lika apia, man kupiam lâka kat lika.”

Matiu 26:42

Kli aima wala wan, bara naku ai pura sunan: “Aisiki, naha pâtka wahwaia sna na wina sip swaki ai sakras sma kaka, man kupiam lâka kat takbia.”

Mark 3:35

Ya ya Gâd brinka ba kat dauki ba, baha sika yang muihki, laikra bara yaptiki.

Mark 9:47

Bara namkra sin saura ra mai batakisa kaka, daiki lulks; kan kau aitani sa Gâd king aimaki tasbaya ra namkra kumi baman brih dimaia, bara namkra wâl brih hil pauta ra mai lulkan kaia.

Luk 11:28

Witin pana aisin: —¡Kau yamni pali sa baha uplika nani Gâd bîla wali, ba kat dauki nani ba!

Luk 13:25

Utla dawanka ba dur ba prakbia ba ra, man nani latara banhwi kama ba, dur ra kingbi, wima: ‘Dawan, yang nani ra sin dur sâks.’ Sakuna witin mai wibia: ‘Man nani ba ani wina sma sapa yang mai kaikras.’

Luk 18:25

Kiamil kum ba silak untika bâk dimi luaia kanra yamni sa, yuyakira Gâd king aimaki tasbaya ra dimaia ba wal.

Luk 6:46

“¿Dîa kan man nani bui yang ra ‘Dawan, Dawan’ ai wisma, sakuna dîa mai wisna ba lika daukras sma?

Jan 14:7

Man nani bui yang na ai kakaira katma kaka, Aisiki ra sin kakaira kaia kapram; bamna nanara wina pat kakaira sma, man nani bui witin ba pat kaiki kapram bamna.

Jan 15:23

Bamna ani uplika yang ra misbara ai kaiki ba, Aisiki ra sin misbara kaikisa.

Jan 3:5

Jisas mita pana win: —Kasak pali mai wisna, ani uplika lî ni bara Spirit wina aisubi takras kaka, witin sip Gâd kingka tasbaya ra dimbia apia.

Jan 5:17

Sakuna Jisas witin nani ra win: —Yang Aisiki piu sut wark takan, bara yang sin wark takisna.

Jan 6:40

Naha sika witinka ai blikan kupia lâka ba: Upla sut mita Gâd Luhpia ra kaiki kasak lukbia, bara baku mika raya ban kaia ba bribia; bara tnata piua ra, yang mita pruan wina kli bukamna.

Jan 7:17

Upla kum Gâd want ba dukia daukaia lukisa kaka, witin kaikbia smalkanki nani ba, Gâd wina apia kaka, yang yakan kupi wina saki smalkisna sapa.

Apastil Nani Sturka 14:22

Baha pliska nani ra kristian nani sut ra tâ baikan, ban sin smalki kupia kraukan kasak lukan lâka ra bapi bûi kabia, bara sin win Gâd king aimaki tasbaya ra dimaia kaka, pât nani wahwaia sa.

Roman 12:2

Bamna kli naha tasba lâka tânka ba kat iwi kapara; sakuna lukankam pali ba lakma, bara baku mika rayakam aiska ba tâwan kabia. Baha mita sip kama Gâd kupia lâka pali ba tânka briaia, baha tânka ba lika dîa pain ba, Gâd yamni kaiki ba, bara witin wapni kaiki ba lukma.

Roman 2:13

Kan lâ bîla wali baman uplika nani ba Gâd mita pain kulkras sa, sakuna lâ bîla wali dadaukra nani ba lika.

Epesus 6:6

Bamna dawankam nani dukia pain dauki bas, witin nani wal pain kaia wisi mai kaiki ba ra baman lika apia, sakuna Kraist napakanka nani baku, bara kupiam aiska kira dauki bas Gâd kupia lâka ba kat.

Kolosi 4:12

Epafras, Jisas Kraist napakanka kum man nani tilam wina ba, ai lakula blikisa. Witin ai pura sunra bâk upla sut dukiara uya makabisa, man nani ba pain bapi bûi kama, bara Gâd kupia lâka daukaia wilin pali nani kama.

1 Tesalonaika 4:3

Man nani wina Gâd diara want ba naha sika: witin ai dukia nani kama, bara ya marit takras kaka, ai maya briaia apia sa.

1 Tesalonaika 5:18

Diara sut dukiara Gâd ra tingki wi bas, kan naha sika Gâd mita man nani wina want ba, Kraist Jisas ra kasak lukisma bamna.

Taitus 1:16

Witin nani bila Gâd ra kakaira nani wisa, sakuna ai daukanka nani ba ni lika apia wisa. Witin nani ba uya saura pali baman sa, sip bawras uplika nani bara wark yamni kumi sin daukaia aitani apia banhwisa.

Hibru Nani 13:21

Kupia kumi lâka Gâdka ba mita kasakkira nani bara diara sut mapara yamni nani mai daukbia, ai kupia lâka kaia dukiara; bara Jisas Kraist bâk, yawan sut ra dîa daukaia luki ba witin daukbia. ¡Kraist ra mayunra yan kabia, ban kaia ban kaia ra! Baku kabia.

Hibru Nani 4:6

Baha nani sturi yamni ba pas walan ba, dimi wih Gâd wal ris briras kan, witin nani kasak lukras kan ba mita. Sakuna kau tila nani bâra sa, bara witin nani dimaia sa Gâd wal ris briaia.

Jems 1:22

Sakuna sturi yamni na walaia baman apia, dîa wi ba alki daukaia sa; kan baku daukras kaka, wînam ra kunin munisma.

1 Pita 2:15

Kan Gâd lika want sa, man nani diara yamni ba daukma, diara lan âpu nani bara sins âpu nani bîla prakaia dukiara.

1 Pita 4:2

kau naha tasba ra kabia piua ra, upla wîna brinka nani kat kli daukaia apia, kuna Gâd kupia lâka kat lika iwi kaia.

Param Marikanka 2:27

Aisiki mita yang ra karnika aikan ba baku; bara baha nani kriki tikbia sim sumi nani slaubla ni paskan kan kriki tiki ba baku.

Param Marikanka 22:14

Lilia pali sa ai kwalka nani tuski nani ba, raya kaia dusa ba wina briaia ai raitka briaia, bara sin durka nani bâk tawan ra dimaia sip kaia.

Param Marikanka 3:5

Ani uplika nani sip muni pura lubia ba, kwala pihni ni dingkan kabia, bara raya kaia wauhkataya wina, yang ai nina nani ba diki sakamna apia. Aisiki mawanra bara ai insalka nani mawanra sin, yang param wimna witin nani ba yang duki kulkisna.