Matiu 7:12 - DAWAN BÎLA AISKA

¹² “Baku bamna, upla wala nani man nani ra dîa mai daukaia brin mai dauki ba baku, man nani sin dauks; kan baha daukaia sika lâ ra wan aisi ba prapit nani ulbanka ra sin.

Matiu 7:12 ပူးပေါင်းရင်းမြစ်များ

Isikiel 18:21

“Saurakira ba, ai saurka dauki kata wina dakwi takbia sa kaka, bara lâika nani ba sut daukbia, diara wapni ba kat daukbia, bara kasakka lâka ba sin, kasak pali raya kabia, prubia apia.

Libait Lâka 19:18

“Uplikam mapara pana munaia kupiam saura lâka daukpara. Uplikam ba latwan kaiks man wînam baku. Yang sika Dawan.

Miqueas 6:8

Dawan bui man ra pat mai win, dîa ba yamni daukaia tânka bara dîa man wina bîla kaiki ba. Bamna naha pali sika, man daukaia witin mamkabi yaba: kasakka lâka daukma, kupia pihni lâka ba, latwan kaikma, bara Gâdkam mawanra bawikira kaia sma.

Malaquía 3:5

Karnika sut bri Dawanka ba aisisa: “Yang balamni man nani mampara lâmka ba param aisi daukaia. Sukia baku upla ra kunin munisma, upla maya lâka sauhki banhwisma ba, swer taki kunin aisi nani ba, upla warkka taki nani ra tataibra nani ba, piarka nani ra, rau nani ra, nisankam apia nani ra saura munisma ba, bara yang ra sin ai kulkras sma ba.

Matiu 5:17

“Man nani lukpara yang na Moses lâka bara prapit nani smalkanka ba âpu tikaia balri. Yang baku daukaia balras, sakuna ai tânka aiska kat daukaia.

Luk 6:31

Upla mita man nani ra daukbia want sma ba, baha sika man nani mita upla wala ra daukaia sma ba.

1 Timoti 1:5

Baha smalkanka ba sika, pana pana latwan kaikaia wan walka ra, kupia tâski âpu ba wina aula, kupia dara lukra yamni ba wina, bara kasak lukan lâka kunin âpu ba wina sin taki aula.

Jems 2:8

Ulbanka lâ kau tara ba naha sika: “Uplikam ra latwan kaiks, man wînam baku”, bara man nani baha ba kulkisma kaka, uya pain daukisma.