Matiu 6:30 - DAWAN BÎLA AISKA

³⁰ Bamna inma naiwa twi ra ba bara yauhka pauta ra angki ba, Gâd baku skahkisa kaka, ¿man nani ra kau kwala pain mai dingkbia apia, kasak lukras uplika nani sma ba?

Matiu 6:30 ပူးပေါင်းရင်းမြစ်များ

Lawana Nani 92:7

Upla watawikira bara saura dadaukra nani ba, inta wahia baku pâwisa bara sin uya sahwi kaka, baha nani sut ba sauhki tikan kabia ban kaia ra.

Matiu 14:31

Baha pali piua, Jisas mita mihta ra alki, win: —¡Man kasak lukan lâka uya âpu sma! ¿Dîa kan namhpa namhpa lukram?

Matiu 16:8

Jisas baha walan, bara witin nani ra win: —¿Dîa kan man nani brit âpu wisma? Man nani kasak lukan lâka sirpi brisma.

Matiu 17:17

Bara Jisas naku aisan: —¡Man nani kasak lukras kiamka bara watawikira nani sma ba! ¿Ahkia kat yang na man nani wal kamna? ¿Ahkia kat yang kupi man nani wal ban alki takaski bri kamna ki? Tuktika waitna ba nahara bri bal.

Matiu 8:26

Jisas bila: —¿Dîa kan man nani si brisma ki? ¡Man nani kasak lukan lâka uya briras sma! Bamna witin buan, pâsa ra bara kabu ra sin lawi daukan; bamna baha nani sut lamni tara takan.

Mark 4:40

Bara Jisas ai disaipilka nani ra win: —¿Dîa kan man nani ban si brisma ki? ¿Nahki kan kasak lukan lâka man nani âpu sma?

Mark 9:19

Jisas bila: —¡Upla nani sip kasak lukras sma ba! ¿Ahkia kat man nani wal kamna ki? ¿Ahkia kat kupi alki takaski brimna man nani wal? ¡Tuktika ba nahara bri bal!

Luk 12:28

Bamna inma naiwa bâra sa yauhka lika pauta ra lulkuya ba ra Gâd mita baku skahkisa kaka, ¡witin lika man nani ba kau kan mapara mai skahkbia, sip kasak lukras uplika nani sma ba!

Luk 9:41

Jisas pana win: —¡Kasak lukras upla warha nani! ¿Ahkia kat yang na man nani wal kamna, bara kupi sin alki takaskamna ki? ¡Luhpiam ba nâra bri bal!

Jan 20:27

Ningkara Jisas mita Tamas ra win: —Mihtam kulkaika ba nahara dingki, mihti nani na kaiks, bara mihtam ba sakbi tnaiya mina untika na ra dingki kaiks. ¡Bamna lukras ban kapara, sakuna kasak luks!

Hibru Nani 3:12

Muihki nani, aman kaiki bas, man nani wina kumi sin ai kupia saura brih, Gâd rayakira ba wina tnaya ra tawbiara, witin ra kasak lukras ba mita.

1 Pita 1:24

Kan Ulbanka ra wisa: “Upla sut ba twi baku sa, bara ai prana ba lika twi tangnika baku sa. Twi ba lâwisa bara tangni ba kauhisa;