Matiu 6:28 - DAWAN BÎLA AISKA

²⁸ “¿Bara man nani kwala dukiara dîa muni uya lukisma ki? Tangni nani twi ra pâwi ba ra kaiks, witin nani wark takras bara sin kwala sipi dimras.

Matiu 6:28 ပူးပေါင်းရင်းမြစ်များ

Oseas 14:5

Israel purara diwas laya baku takaisna, witin ai tangnika nani sâkbia, tangni pihni nani baiwi baku. Wakia nani ba karna pâwbia, Líbano ilka ra dus nani ba baku;

Matiu 10:10

sakbat yabalkam dukia sin apia. Prâk kumi bamna brih was, bara sûs bara kîn sin brih wapara; kan wark uplika ra ai pata ba yabaia sa.

Matiu 6:25

“Bamna yang bui man nani ra mai wisna: Uya trabil taki luki banhpara raya kaia ba dukiara, diara piaia bara diaia sma ba, kwala dimaia sma ba. ¿Rayakam ba plun purkara kau tara apia, bara wînam tara ba sin kwala wal kau tara sa apia?

Matiu 6:27

¿Bamna ani uplika man nani tilam wina sip sa trabil taki luki ba mita kau awar kum raya kaia?

Matiu 6:31

Baha mita, man nani uya trabil taki luki, naku aisapara: ‘¿Yawan dîa pibia? ¿Yawan dîa dibia? ¿Yawan ani wina kwala dimbia?’

Luk 10:41

Sakuna Jisas pana win: —Marta, Marta, man diara uya daukaia dukiara baman lukisma, kupiam sin turban pali sa.

Luk 12:11

“Ju nani priaska watla nani ra mai priski brih wabia kaka, wihta nani kra, apia kaka pura karnika alki nani mawanra sin, trabil taki luki banhpara dîa pana wima, apia kaka dîa aisama ba,

Luk 12:22

Baha ningkara, Jisas ai disaipilka nani ra win: “Bamna yang bui man nani ra mai wisna: Trabil taki lukpara raya kaia sma dukiara dîa pima, dîa kwalka dimma.

Luk 12:27

“Kaiks tangni nani ba nahki pâwi ba, witin nani wark takras bara ai prâka sin sipras, ban sakuna man nani ra mai wisna, king Salaman ai aiskahkaia dukia nani sut bri kan ba ni sip baha nani wal baku aiskahkras kata.

Luk 3:11

Jan pana win: —Ya prâk wâl bri ba, prâk âpu uplika ra kum yaia sa; ya sin plun bri ba, plun âpu uplika wal yui briaia sa.

Pilipai 4:6

Man nani diara kumi dukiara sin sari takpara, sakuna dîa dîa luha sma ba sut, Gâd ra puram sunra nani ra wis, makabi bas bara tingki sin wis.

1 Pita 5:7

Trabilkam taki lukisma ba sut, Gâd mihta ra swis, kan witin lika man nani sut main mai kaikisa.