Matiu 6:25 - DAWAN BÎLA AISKA

²⁵ “Bamna yang bui man nani ra mai wisna: Uya trabil taki luki banhpara raya kaia ba dukiara, diara piaia bara diaia sma ba, kwala dimaia sma ba. ¿Rayakam ba plun purkara kau tara apia, bara wînam tara ba sin kwala wal kau tara sa apia?

Matiu 6:25 ပူးပေါင်းရင်းမြစ်များ

Lawana Nani 55:22

Trabil taki lukisma ba, Dawan ra swis; bara witin minam pirwras kira mai bri kabia; witin mai swika kauhma apia, baha uplika ai bîla wali ba.

Jirimaya 45:5

¿Man baman diara painkira kum makabaia lukisma? Baku kaka makapara, kan pât nani ba upla sut purara yang blikaisna. Sakuna diara kumi baman mai daukamna: ani anira wama ba mai swirka pruma apia, raya kama. Yang, Dawan, kasak aisisna.’ ”

Matiu 10:19

Sakuna wihta nani mihta ra mai mangkbia ba ra, dîa aisaia bara nahki aisaia sma ba dukiara lika uya lukpara; kan aisaia piua aimakbia ba ra, Gâd mita maikbia diara aisaia sma ba.

Matiu 13:22

Kiaya nani tilara saumuk mangkan ba lika, sturi yamni ba walan, sakuna naha tasbaya dukia nani ra lukan man, bara yuyaka nani mita kunin munisa. Naha sut mita sturi yamni ba blaki ikisa, bara naha uplika nani ra sip yan mâ sakras.

Matiu 6:31

Baha mita, man nani uya trabil taki luki, naku aisapara: ‘¿Yawan dîa pibia? ¿Yawan dîa dibia? ¿Yawan ani wina kwala dimbia?’

Matiu 6:34

Bamna yauhka yua ba dukiara trabil taki lukpara, kan yauhka ba piua bâra kabia trabil taki lukaia. Kan yua bani ba silp ai trabilka nani brisa.

Mark 13:11

Bara man nani wihta nani mihta ra mai brih wabia ba ra, dîa aisaia sma ba dukiara lika lukpara. Man nani lika Gâd mita baha piua ra dîa aisaia maikbia ba kat aisas, kan Spirit Holikira sika aisabia, man nani lika apia.

Mark 4:19

sakuna naha tasba dukia nani ra lukan man, tasba yuyaka bahki mita kunin sin munisa, bara diara sât sât nani ba brin dauki, nina blikisa. Naha sut ai kupia ra dimi, sturi yamni ba blaki ikisa, bara naha nani sip yan mâ briras.

Luk 12:11

“Ju nani priaska watla nani ra mai priski brih wabia kaka, wihta nani kra, apia kaka pura karnika alki nani mawanra sin, trabil taki luki banhpara dîa pana wima, apia kaka dîa aisama ba,

Luk 8:14

Saumuk mâ nani kiaya nani tilara kauhan ba lika bîla smalkan ba waluya uplika nani, kuna ban ai yabalka nina bliki auya, bara yan taibuya kupia trabilka nani mita, bara lalah nani, bara tasba liliaka nani mita sin yan blakuya, bara baha mita mâ kumi sin sakras.

Roman 8:32

Gâd ai Luhpia pali ba sin wankaia apia wiras, sakuna yawan sut wan mata ban prura mihta ra mangkan; bamna, ¿nahki yawan na witin ai Luhpia wal asla diara sut ba wankras kabia ki?

1 Korint 7:32

Yang want sna man nani ba kupiam trabilka nani wina pri kama. Waitna maya âpu ba, Dawan warkka nani baman trabil taki lukisa, kan Dawan dîa lihki ba kat witin dauki yabaia trai munisa;

Pilipai 4:6

Man nani diara kumi dukiara sin sari takpara, sakuna dîa dîa luha sma ba sut, Gâd ra puram sunra nani ra wis, makabi bas bara tingki sin wis.

2 Timoti 2:4

Suldiar bisniska dauki nani ba, yu bani ai wihtka dîa daukaia wibia ba kat witin daukaia lukisa, bara baha mita witin ba suldiar apia nani bisniska tilara dimras.

1 Pita 5:7

Trabilkam taki lukisma ba sut, Gâd mihta ra swis, kan witin lika man nani sut main mai kaikisa.