Matiu 6:2 - DAWAN BÎLA AISKA

² “Baha mita, upla umpira nani ra hilp yabisma ba ra, upla sut ra wini wipara, kuninkira nani prias watla nani ra bara tawan bilara aisi nani ba baku. Witin nani lika baku daukisa upla mita witin nani ba pain sa wibia wisi; sakuna yang kasak mai wisna, baha dauki ba wal pat ai prisantka brisa.

Matiu 6:2 ပူးပေါင်းရင်းမြစ်များ

Lawana Nani 112:9

Umpira nani tilara diara yuisa ai kasak lâka ba ban sa, ai lal buki ai kulkanka lâka ba wal.

Lawana Nani 37:21

Upla watawi ba, diara makabi brisa; kli yabaia wisi, sakuna kli yabras; upla kasakkira ba lukanka swapni sa, kunin aisaras diara yuisa.

Sins Lâka 19:17

Diara luha uplika ra diara lin muni ba, witin Dawan ra lin munisa; bara Dawan wina witin ra ai mana ba kli aibapbia.

Sins Lâka 20:6

Upla ailal bâra sa kumi bani witin ai painka dahra man aisisa; sakuna yaura kasak lukaia ba sip sakras sa.

Smasmalkra 11:2

Dîa brisma ba sip sma ba kat yui bas, kan man kaikras dîa saura kuntrikam ra aula ba.

Aiseya 10:6

Tawan kum Dawan ra lukras ba mapara aiklabaia witin ba blikisna, nisan kum ra kupi baiki ba, dukia nani ba impliki sut mihta dakbaia dukiara, witin nani ba alki taibaia slaubla yabal ra wan mina ra taibi ba baku.

Aiseya 58:7

Plun wahwi nani ba wal, patam ba wina yuaia, umpira nani aimawahki tauki nani ba wamtla ra bris, kwala luha nani ba kaikma bara dimaika yama, bara man muihkam nani pât ra ba hilpka daukaia.

Aiseya 9:17

Baha ba mita sika, Dawan ba wahma, tiara, rau bara sin piarka nani ra umpira kaikras kan ba. Witin nani sut ba, kuninkira, saura dadaukra, bîla tanis nani baman aisi uplika kan. Baha sut daukan, sakuna Dawan kupia baiwanka ba dasras kan; ai mihta bukan ba ban sa.

Oseas 8:1

“Trumpitkam ba puhs, aihwawakra aihwaki kaiki ba baku Dawan uplika nani ba walbia. Kan witin nani wal lâika daukri lâka ba krikan, bara yang smalkanki nani ba mapara buan.

Matiu 15:7

¡Kuninkira nani! Prapit Aiseya man nani tânkam pain aisin, witin naku ulban ba ra:

Matiu 16:3

bara titan piua, man nani wisma: ‘Naiwa piu saura kabia, kan kasbrika ba pauni bara tihmu bri bamna.’ Man nani ba kasbrika nani wina tânka laki kaiki wiaia sip sma kaka, ¿nahki kan naha piua sainka nani ba tânka pliki saki wiras sma ba?

Matiu 22:18

Sakuna Jisas witin nani lukanka saura ba pat kaikan, bara wisata: —Kuninkira nani, ¿dîa muni traiki kaikisma?

Matiu 23:5

Diara dauki bani ba upla nani kaikbia wisi daukisa. Witin nani ai wauhkataya watla nani ba tara brisa, ai kwalka un nani ba sin tara daukisa.

Matiu 23:6

Plun piaia nani ra plis kau pain nani ba plikisa, bara prias watla nani ra sin tâura iwaia plikisa,

Matiu 24:51

bara kau pât saura pali ba yabia, bamna kuninkira nani pâtka ba aikuki wauhbia. Bâra mika witin inbia, ai napa nani sin arkbia.

Matiu 5:18

Kan kasak man nani ra mai wisna, kasbrika purara bara tasba na kau ban kabia piua ra, mark lupia kumi, bîla sainka lupia kumi sin lâ ba wina sâkbia apia, dîa dîa takaia ba takbia kat.

Matiu 6:16

“Man nani plun piras sma ba ra, kuninkira nani ai mawan sari bri ba baku daukpara; kan witin nani baku daukisa plun piras ba upla nani kaikbia dukiara. Kasak pali mai wisna, baha wal pat ai prisantka brisa.

Matiu 6:3

Sakuna man upla umpira nani ra hilp kum yabisma kaka, yukuwan ra dauks, bara uplikam wal kau pain sma ba sin yarka upla kaikbiara.

Matiu 6:5

“Man nani puram sunma ba ra, kuninkira nani baku daukpara. Witin nani lihkisa prias watla nani ra bara tawan bîla unyukwika nani ra ai pura sunaia, upla nani mita kaikbia wisi. Kasak pali man nani ra mai wisna, witin nani baku dauki ba mana pat ai prisantka brisa.

Matiu 7:5

¡Man kuninkira! Man namkra ra yuya tara ba pas sâks, bara baku lika sip kama pain kaiki, muihkam nakra ra tâski yuya ba sakaia.

Mark 12:39

Ju nani priaska watla ra witin nani kau plis tara briaia lihkisa, plun piaia ra sin kau plis pain nani ba plikisa,

Mark 7:6

Jisas pana win: —Kasak prapit Aiseya mita man nani kuninkam dukiara aisin, ulban ba baku: ‘Naha uplika nani ai bîla baman ai kulkisa, sakuna ai kupia lika bahki sa.

Luk 11:41

Sakuna man nani mita umpira nani ra diara yabi bas bîla tani ra bâra ba wina, bara baku mika diara sut klin daukan kabia.

Luk 11:43

“¡Parisi nani, alai pali kabia man nani ra! Kan Ju nani priaska watla nani ra tara kulkan nani iwaika ba brin mai dauki, bara man nani want sma yabal ra upla nani tara mai kulki lamkula wibia.

Luk 12:33

Dîa brisma ba sut wauhi atks, bara umpira nani ra diara yas. Lalahkam watla nani dauki bris sip almuk takras ba, bara kasbrika purara yuyakam sip luras ban kaia ra ba suni bris, bahara sika âimplikra sip dimras, bara yula nani sin sip sauhkras ba.

Luk 12:56

¡Kuninkira nani! Man nani kasbrika bara tasba mawan tânka pliki sakaia lan pali sma, ¿bamna nahki kan man nani naha piua nani tânka ba sakaia sip apia sma?

Luk 13:15

Bara Dawan bila: —Kuninkira nani, ¿man nani ris yua ra bîpkam, birikukam sapa lanhki lî dakakaia brih waras sma ki?

Luk 20:46

“Aman kaiki bas Lâ Smasmalkra nani dukiara, kan witin nani lihkisa prâk yari tara dimi taukaia, bara pulaia watla nani ra upla nani ai lakula wibia; Ju nani priaska watla nani ra sin kau plis pain ba ra iwaia plikisa, bara plun piaia piua ra sin kau plis painkira nani ra iwan daukisa.

Luk 6:24

“¡Sakuna, alai kabia baha nani yuyakira ba, kan witin nani pat lilia bri banhwan bamna!

Luk 6:42

Bara man tânkam briras sma kaka namkra ra dus tara brisma ba, ¿nahki sip kama muihkam ra wiaia: ‘Muihki, ai swis namkra ra diara yuya ba sakamna’? ¡Kuninkira! Namkra ra dus tara ba pas sâks, bara baku lika sip kama pain kaikaia, bara muihkam nakra ra diara yuya sirpi bâra ba sakaia.

Jan 13:29

Judas ra yan lalah watla ba bri kan bamna, disaipil tila nani lukan Jisas win baha piua liliaka tara ba dukiara, diara nani ba wans atkbia, apia kaka umpira nani ra hilp munbia.

Jan 5:41

“Upla wina mayunra ba plikras sni.

Jan 5:44

¿Nahki man nani kasak lukma, kan man nani ba kumi mita wala ra tawi pana pana mayunra ba brisma, bara Gâd kumi baman ba wina mayunra aula ba lika pliki banhras sma?

Jan 7:18

Ya yakan ai kupia wina baman saki smalki ba lika, upla wina mayunra lâka plikisa; sakuna ani uplika witin ra blikan uplika mayunra pliki ba, baha lika diara kasak ba aisisa kunin sin âpu.

Apastil Nani Sturka 10:2

Witin lika ai watla uplika aikuki Gâd ra sibrin luki mayuni kan. Witin sin lalah uya yaban Ju uplika umpira nani ra hilp munaia, ban sin Gâd ra ai pura suni kan.

Apastil Nani Sturka 10:31

Bara naku ai win: ‘Cornelio, Gâd lika man puram sunra ba walan, bara ai kupia sin krawan man mita upla umpira nani ra hilp munisma ba.

Apastil Nani Sturka 10:4

Bamna Cornelio sibrinkira pali insal kat ban kaiki, makabi walan: “Dawan, ¿dîa ki?” Bara insal ba bila: “Gâd bui pain kaikan man puram sunram ba, bara Ju uplika umpira nani ra sin hilp munisma ba sut.

Apastil Nani Sturka 11:29

Bara lalukra nani Antíoco ra iwi ba sut wilin takan hilp kum blikaia, Judia ra wan muihni iwi banhwi ba nani ra, kumi bani sip kan ba kat.

Apastil Nani Sturka 24:17

“Mani ailal plis wala nani ra baman tauki katna ba wina, yang pali tasbaya ra kli balri, upliki nani ra prisant yaia, bara sakripais sin daukaia.

Apastil Nani Sturka 9:36

Baha piua ra, Jope tawanka ra lalukra mairin kum kan ai nina ba Tabitá, Grik bîla ra lika Dorcas mâki kan. Naha mairka ai rayaka yua nani aiska ra diara yamni man dauki kan, upla umpira nani ra sin uya hilp muni kan.

Roman 12:8

Ya upla wala nani tâ baikaia prisantka bri ba, trai kaikaia sa baha warkka daukaia. Ya sin upla ra diara prisant yabi kaka, witin ai tânka lukras kira yabia. Ya tâ briaia warkka brisa kaka, witin aman kaiki baha ba daukaia sa. Ya diara luha uplika nani ra hilp muni kaka, witin liliakira baha ba daukaia sa.

1 Korint 13:3

Dîa brisna ba upla nani ra yuamna kra, bara wîni tara pali na sin angkbia wisi yabamna kra, sakuna latwan lâka âpu sna kaka, baha sut ba bahki baman sa.

Galesha 2:10

Witin nani baman yang nani ra makaban, umpira nani dukiara luki banhwi kamna, bara baha sika aman pali kaiki daukaia luki kapri ba.

Epesus 4:28

Ya impliki kan ba, kli implikaia apia, sakuna wark takaia sa, bara ai mihta ni wark kum pain dauki ba mita witin sip kabia diara bri ba ni ai uplika nani ra hilp munaia.

1 Tesalonaika 2:6

Upla nani wina mayunra plikras kapri, man nani wina, apia kaka upla wala nani wina kra; ban sip katna yang nani Kraist apastilka nani baku, man nani puramra karniki tânka ba mamrikaia;

1 Timoti 6:18

Witin nani ra smalki wis, diara pain ba daukbia, bara wark yamni nani mapara yuyakira taki kabia, bara wilin kabia dîa bri nani ba upla wala nani aikuki yui briaia.

Pilimon 1:7

Bamna man latwankam lâka ba mita, uya lilia bara karnakira ai daukram, bara man tânkam mita, muihki laitwankira, kristian ailal maisa nihkram sa.

Hibru Nani 13:16

Diara yamni daukaia bara dîa dîa bri nani bani upla wala nani ra hilp munaia ba, man nani âmya tiwbiara; kan nahmuna sakripaiska nani sika Gâd yamnika kaiki ba.

1 Pita 4:11

Upla kumi aisi kaka, ai bîla aisanka nani ba Gâd bîla nani baku kaia sa. Upla kum ai uplika dukia daukisa kaka, Gâd mita karnika yabi ba wal daukbia. Dîa dîa man nani daukma ba Jisas Kraist bâk, Gâd ra mayunra yabaia dukiara kabia, bara witinka ra prana ba bara karnika sin yan kabia, ban kaia ra. Baku kabia.

1 Samuil 15:30

Saúl kli aisin: —Yang saura daukri, sakuna kau ban makabisna Israel almukka nani mawanra bara upla nani mawanra sin, man nani ban kau king baku ai kulki bas. Yawan kli tawi wap, Dawan Gâdkam ra mayunaia.