Matiu 6:19 - DAWAN BÎLA AISKA

¹⁹ “Man nani naha tasba ra yuya nani suni bripara, kan yula nani mita sauhkisa, diara nani ba sut aisawisa, bara âimplikra nani implikaia dimisa.

Matiu 6:19 ပူးပေါင်းရင်းမြစ်များ

Job 24:16

Âimplikra ba tihmia ra utla nani ra dimisa, kakna lika utla ra dimi ai durka prakisa; ingni ba witin nani waihla sa.

Job 31:24

Aima kumi sin gul ba yang kasak lukanki pali baku briras katni, bara swakwaiki baku sin apia.

Lawana Nani 39:6

¡Upla sut ba dista kum bal lui baku luisa! Diara ailal kuki ba, witin ra hilp apia sa, dukia nani ba ya bribia sapa nu âpu.

Lawana Nani 62:10

Praut lâka ra kasak lukpara; ¡implikaia ba yabrika man dawankam takbiara! Man nani yuyakira takma kaka bara man lalahkam ra kasakkam lukan ba mangkpara.

Impakan Sturka 22:2

“Âimplikra kum impliki kan pura baiki klakan, apia kaka ikan kaka, witin pruanka ba upla mita upla wala ra ikan saurka kulki ba baku kulkan kaia apia sa.

Sins Lâka 11:4

Wan yuyaka ailalka ba, wan hilpka kabia apia lâ tara yua ra, sakuna kasakka lâka mita prura wina wan dakbi wan sâkbia.

Sins Lâka 16:16

Sins lâka alki briaia ba, kanra yamni sa gul pain briaia ba wal. Diara tânka brih, lukaia lâka pliki briaia ba sin, silbar wal kanra yamni sa.

Smasmalkra 2:26

Baku bamna Gâd sins lâka yabisa, diara tânka briaia lâka; bara ai liliaka sin, yaura witin yamni luki uplika ra; sakuna saura dadaukra ra yabisa wahbi kukaia, ningkara ani uplika Dawan yamni kaiki ra yabisa; baku sin baha ba bahki baman sa, pâsa ra alkaia baku pitka.

Sofonías 1:18

Dawan lawanka ba yua ra, upla silbar bara gul bri ba mita swaki sâkbia apia, kan Dawan kupia baiwanka pauta klauhan baku ba mita, kuntrika aiska ba âpu daukbia. ¡Tasba ra iwi nani ba sut, wan nakra klipan kumi ra âpu daukan kabia!

Matiu 19:21

Jisas pana witin ra win: —Man kasak pali takan mai daukisa kaka, was bara dîa dîa brisma ba atki upla umpira nani ra yas, bara baku lika kasbrika purara yuya nani bri kama; baha ningkara bal, bara nini blîks.

Matiu 6:20

Sakuna, man nani diara brisma ba kasbrika purara suni bas; bahara lika yula nani mita sauhkras, diara nani ba sin aisawras, âimplikra nani sin sip dimi implikras.

Luk 12:21

Upla ra baku takisa, ya ai wîna dukiara baman luki diara suni ba ra, sakuna Gâd mawanra diara âpu pali ba.”

Luk 12:33

Dîa brisma ba sut wauhi atks, bara umpira nani ra diara yas. Lalahkam watla nani dauki bris sip almuk takras ba, bara kasbrika purara yuyakam sip luras ban kaia ra ba suni bris, bahara sika âimplikra sip dimras, bara yula nani sin sip sauhkras ba.

Luk 12:39

Bamna naha kaiki banhwi bas: Utla kum dawanka dîa piua âimplikra balaia ba kaikbia kaka, swika ai watla ra dimi implikbia apia.

Luk 18:22

Jisas naha walan ba ra, witin bila: —Kau diara kumi man daukaia sma: diara brisma ba sut wauhi atks, bara upla umpira nani ra yas; baku lika man kasbrika purara yuyakam ba bri kama; bara ningkara bal, nini blîks.

Luk 18:24

Wahma ba sari kan Jisas mita kaiki, naku win: —¡Nahki karna pali sa upla yuyakira kumi Gâd king aimaki tasbaya ra dimaia!

1 Timoti 6:17

Naha tasba ra yuya ailal bri nani ba ra smalki wis, witin nani kwalhwi kabiara, yuyaka nani kat kaiki ai kainara diara briaia sin luki banhbiara, baha nani ban lap tiwisa bamna. Sakuna, witin nani Gâd ra luki ai kainara diara briaia luki ban kan, witinka diara ailal wankisa, yawan lilia takbia dukiara.

Hibru Nani 13:5

Man nani lalah ra latwan kaikpara; man nani dîa brisma ba wal liliam bas, kan Gâd mita naku aisisata: “Yang sip ban mai swimna apia, mahka lulki sin mai swimna apia.”