Matiu 6:13 - DAWAN BÎLA AISKA

¹³ Traika kaikan tilara ban wan swipara, sakuna saura ba wina dakbi wan sâks.’

Matiu 6:13 ပူးပေါင်းရင်းမြစ်များ

Blasi Sturka 22:1

Baha diara nani taki luan ba ningkara, Dawan ba Ebraham kasakka lukanka lâka ba kaikaia mata, traika kaikanka kum daukan. Witin ai nina mâki winan, bara Ebraham pana witin ra win: —Yang nâra sna.

1 King Nani 1:36

Bamna Joiadá luhpia waitna, Benaías bui pana wibia: —¡Baku kabia, bara baku wibia Dawan, king tara Debit Gâdka ba mita!

1 Kronikas 16:36

¡Dawan ba yamni pali kabia, witinka Israel Gâdka ba ban kaia ra!’’ Bara upla nani sut bila win: “¡Baku kabia!” Bara Dawan ra mayuni banhwan.

1 Kronikas 29:11

¡Dawan, man dukiam sa tara kulkan lâka ba, karnika ba, prana ba, pura luan lâka bara king lâka ba sin! Kan kasbrika purara diara nani bâra ba, bara tasba ra bâra ba sut ba sin man dukiam atia sa, king lâka ba man dukiam sa, bamna man Dawan sika sut purkara sma.

1 Kronikas 4:10

Jabés Dawan ra ai pura suni, naku win: “Mamkabisna yamni ai munma bara sin tasba pîs tara kum aikma, hilp ai muns bara saura wina swaki ai sâks, baku mika yang pât wahwamna apia.” Bara dîa makaban ba kat Dawan bui yan.

Lawana Nani 10:16

Dawan lika ban kaia Kingka sa; ¡idan nani ba, ai tasbaya wina saki lulkan kabia!

Lawana Nani 106:48

¡Dawan ba yamni pali kabia, witinka Israel Gâdka ba, ban kaia ra! ¡Upla sut wibia: “Baku kabia”! ¡Dawan ba mayunan kabia!

Lawana Nani 22:28

Kan Dawan sika king, bara witin sika nisan nani purara karnika alki ba.

Lawana Nani 41:13

¡Dawan ba yamni pali kabia, witinka Israel Gâdka ba, nanara bara ban kaia ra sin! ¡Baku kabia!

Lawana Nani 47:2

Kan Dawan Laih Purara pali iwi ba, aihka sibrinkira sa bamna; witin ba king tara sa naha tasba aiska ra.

Lawana Nani 47:7

¡Man nani lawana kum Gâd ra aiwans, kan witin sika tasba aiska kingka sa!

Lawana Nani 72:19

yamni pali win kabia ai nina pranakira ba. ¡Tasba aiska ba prana ni banhbia! ¡Baku kabia!

Lawana Nani 89:52

Dawan ba yamni pali kabia ban kaia ra. ¡Baku kabia!

Impakan Sturka 15:18

¡Dawan ba king aimaki ban kaia ra ban kabia!”

Sins Lâka 30:8

bahki lâka wihki kunin aisi bîla ba wal yang wina laihura saki brih was, bara umpira kaia sapa, lalahkira kaia sapa, wâlsut aikpara; yang pati yu bani briaia praiska ba kat baman aik.

Jirimaya 15:21

Watawikira nani karnika ba wina pri mai sakamna, ¡sasauhkra nani karnika ba wina swaki mai sakamna!”

Jirimaya 28:6

—¡Âu, ban kra Dawan baha daukbia kra si! ¡Man aisaram bîla nani ba Dawan ban kra baku daukbia kaka pain pali, tempel dukia nani ba kli bri balbia upla nani Babilon ra brih wan ba sin kli balbia!

Daniel 4:25

Bara king, man lika upla nani tila wina taki wih daiwan nani tilara takaskma, twi pi kama, wark bîpka nani baku, bara diwas laya ba man puramra kauhi kabia. Baku kama king man mani 7 baha piua man tânka brima ba Gâd Laih Purara iwi ba tasba kingka nani purara king kaia mangki ba.

Daniel 7:18

Sakuna baha ningkara, king lâka Gâd Laih Purara iwi ba uplika nani mihta ra mangkan kabia, bara ai dukia kabia ban kaia ra.’

Kulki Kaikanka 5:22

Bamna naha lahtubaia laya nani na man dima bara biamra bilara iwi wabia bara baku takbia.’ Bara pana mairin ba wibia: ‘Baku kabia.’

Matiu 26:41

Aihwaki puram suni bas, traika kaikan ra kauhmara sîa. Kasak pali, spiritkam ba wilin sa, sakuna wînam ba lika swapni sa.

Matiu 28:20

Bara smalki banhs dîa dîa man nani ra adar maikri ba bîla wali kaia. Bamna kaiki bas yang na man nani aikuki yu bani kamna, tasba tnata kat.

Matiu 5:37

Witin nani wisa ‘âu’, aisin ba baku âu kabia; witin nani wisa ‘apia’, aisin ba baku apia kabia, baha wina kau wala aisabia, baha saura.

Matiu 6:10

Man king aimakaia ba yarka balbia. Man kupiam lâka tasba ra daukan kabia, kasbrika purara dauki ba baku.

Jan 17:15

Naha tasba wina mahka sâkma dukiara lika mamkabras, sakuna dibil ba wina dakbi sâkma.

1 Korint 10:13

Man nani traika kaikanka nani brisma ba lika, upla wala nani bri ba wal sim baku sa. Kan Gâd lika kasak sa, bara man nani wahwaia sip sma ba purkara kau traika kaikanka nani maikbia apia. Sakuna, traika kaikanka bri banhma ba ra, Gâd mita baha ba wina swak takaia karnika sin maikbia, bara baku sip kama baha ba twilkaia.

1 Korint 14:16

Kan man ba spiritkam ni baman Gâd ra mayunra yabisma kaka, upla kum baha wali ba sip tingkikam pura sunra bara man wal asla takras, kan dîa aisisma ba witin tânka briras sa.

2 Korint 1:20

kan Gâd pramiska sut ba Kraist ra aimakisa. Baha mita, yawan bui Gâd ra mayuni ba ra, Jisas Kraist nina bâk “Baku kabia” wisa.

Galesha 1:4

Kraist sika yawan wan saurka dukiara ai wîna tara aiska ba prura mihta ra mangkan, Gâd Aisa kupia lâka ba kat, naha tasba saura na wina pri wan sakaia.

Kli Smalkanka 8:16

Upla iwras tasbaya ra manâ mai dakakan, plun kum damikam nani sin kaikras kan ba, mâyara bawrika traikam kaikaia, baha sut ba painkam ra daukan.

Kli Smalkanka 8:2

Kupiam krauks 40 mani Dawan Gâdkam maikan upla iwras tasbaya ra taukram, traikam kaikan, lukankam nani kaikaia, lâ nani ba daukma sapa.

1 Tesalonaika 1:10

Bara baha nani sin aisisa, nahki man nani lika Gâd Luhpia Jisas kasbrika pura wina balbia ba bîla kaikisma ba, witinka ba sika Gâd mita pruan nani tila wina kli bukan ba. Witin mita sika pât saura aula ba wina swaki wan saki ba.

2 Tesalonaika 3:3

Sakuna Dawan lika kasak sa, bara witin mita man nani ba karna mai daukbia bara saura ba wina main mai kaiki kabia.

1 Timoti 1:17

Baha mita, ¡ban kaia ra yawan prana bara mayunra yabi kap; ban kaia Kingka ra, witin sip pruras ba, sip wan nakra ni kaikras ba, bara Gâd kumi baman ba! Baku kabia.

Hibru Nani 11:36

Tila nani lika lawaska kikan nani ba ra klala ni wipan, pât nani brin, bara wala nani lika, sîn ni priskan kata bara silak watla ra sin mangkata.

1 Pita 5:8

Tânkira watauki bara aihwaki bas; kan waihlam dibil ba ya ya piaia wisi, layan ihbi baku pliki taukisa.

2 Pita 2:9

Bamna Dawan kaikisa, witin ra luki uplika nani ba, traika kaikanka wina swaki sakisa, bara sin nu sa saura dadaukra nani ba, pât mununhtara bri kaia lâ tara yua ba kat.

1 Jan 3:8

Sakuna ya saurka lâka baman dauki taukisa kaka, witin lika dibil wina ba mita, kan dibil lika tâ pali yua wina saura dadaukra sa. Bamna Gâd Luhpia balan ba lika, dibil warkka ba sut âpu daukaia dukiara.

Param Marikanka 1:18

Yang sika raya sna. Âu, yang pruri kata, sakuna nanara lika ban kaia ra raya sna. Prura king aimaki tasbaya kîka ba brisna.

Param Marikanka 19:1

Naha ningkara, upla ailal bîla baikra tara kasbrika purara aisi kan, yang walri: “¡Dawan nina ba mayunan kabia! Swaki sakan lâka ba, prana ba bara karnika ba, wan Gâdka dukia sa.

Param Marikanka 19:4

Bara almuk nani 24 ba bara diara rayakira walhwal ba sin, tasba kat kauhi, Gâd witinka king iwaika ra iwi ba ra ai pura suni mayuni, naku aisan: “¡Baku kabia! ¡Dawan nina ba mayunan kabia!”

Param Marikanka 2:10

Pât wahwaia sma ba si bripara; kan man nani tilam wina kum kum ba dibil mita silak ra mangkbia, sut traikam kaikaia dukiara; bara yu matawalsip man nani pât wahwaia kama. Bamna pruma ba kat kasak bas, bara yang raya kaia kraunka ba maikamna.

Param Marikanka 21:4

Witin nani nakra laya ba sut dikbia, bara prura kau âpu kabia, inanka, pura mata inaia lâka, latwanka sin; kan diara almuk nani ba sut lui wan sa.”

Param Marikanka 3:10

Ban bapi buaia lâika ba ban bri kapram, baha ba mita tasba aiska ra trabil balaia piua ba wina ban pain mai bri kamna; baha trabilka ba lika tasba ra iwi uplika sut ra traika kaikbia sa.

Param Marikanka 3:14

“Leodisia sertska insalka ra sin ulbi wis: ‘Naku wisa witinka Kasakkira ba, witnis kasak bara diara kasak kat aisi ba, Gâd diara sut paskan ba tâ wina:

Param Marikanka 5:13

Gâd mita diara paskan nani ba sut sin walri, baha nani kasbrika purara ba, tasba ra ba, tasba mununhtara nani ba, kabu ra nani ba, bara baha nani ra kan ba sut naku aisi kan: “¡Mayunra ba, pain kulkan lâka ba, prana ba, karnika ba sin, king iwaika ra iwi ba ra yan kabia, Sîp Luhpia ba ra sin, ban kaia ban kaia ra!”